Gestir hesa ferð:

Gunvør Hofgaard, Fróði Vitalis Hansen og Bogi Eliasen.

Fróði Vitalis Hansen hevur verið í sínum seinasta alemenna dysti í MMA-búrinum. Tað hendi í Høllini á Hálsi í Havn um vikuskiftið.

Við einum hørðum alboga í pannuna á Mourad Buffer Serrar úr Luksemborg vann havnarmaðurin sín seinasta dyst.

Tankin um at gevast hevur spøkt fleiri ferðir seinastu árini. Skaðarnir hava verið nógvir, og kroppurin er ikki tann, sum hann var fyri 10 árum síðani.

Hóast Fróði Vitalis Hansen nú gevst sum virkin MMA-íðkari, fer hann framvegis at fáast við stríðsítrótt.

Rifat Atun, professari á Harvard universitetinum, Copenhagen Institute for Futures Studies (CIFS), Microsoft, Roche og Siemens Healthineers hava stovnað felagsskapin The Movement Health Foundation.

Endamálið við felagsskapinum er at betra um heilsuskipanir kring heimin, tí sum støðan er nú, eru skipanirnar ikki burðardyggar.

- Umleið 30% av heilsutænastum og viðgerðum eru mettar at vera óneyðugar og kunnu sparast burtur, sigur Bogi Eliasen, heilsustjóri á Copenhagen institute for Futures Studies.

Ráðstevnan, NoDaLiDa (Nordic Conference on Computational Linguistics), verður hildin annaðhvørt ár og verður í ár hildin í Føroyum fyri fyrstu ferð.

At ráðstevnan í ár, NoDaLiDa2023, verður hildin í Føroyum er eitt greitt tekin um, at máltøkni av álvara er sett á dagskránna bæði á Fróðskaparsetrinum og í føroyska samfelagnum annars, ljóðar tað av Føroyamálsdeildini.

Gestir hesa ferð:

Andrias Klein Gregoriussen

Iben Nyholm Debess

Elisabeth Erlendsdóttir hevur svomið, síðani hon var seks ára gomul og hevur klárað seg sera væl.

Næsta ár fer hon at ganga á Georgia Tech í Atlanta, Georgia. Universitetið er sera høgt í metum bæði akademiskt og ítróttarliga.

Broytingin hjá Elisabeth verður ikki størri enn, at hon longu býr í USA, men fer at flyta stat og ganga á universiteti heldur enn miðnámi.

Hon gongur í løtuni á miðnámsskúla í Jacksonville Florida. Elisabeth fegnast um møguleikan, tí tað er sera stórt hjá einum svimjara at fáa slíkan sáttmála.

Í panelinum eru Símun Samuelsen og Ólavur Jóannesarson Hansen. 

Fyrsta evnið í morgun er Reiley, sum hevur verið úti fyri almennari útspilling - serliga av teimum donsku miðlunum. Um hetta siga teir, at slík útspilling ongastaðni hoyrir heima, og teir halda, tað vera skelkandi, at fólk loyva sær at tosa niðrandi um hann, og ikki tónleikin, tá ið tað er tað, kappingin snýr seg um.

Tann fullkomna grasplenan.

Grøn, jøvn og uttan mosa og ókrút.

Men tað er ikki altíð eins lætt at fáa hesa fullkomnu grasplenuna.

Í morgunsendingini gevur Haraldur S. Hammer góð ráð um grasplenur.

Gestir hesaferð:

Hanus Kjølbro

Jutta Helgadóttir

Richard H. Johansen

Hans Niclasen

Haraldur S. Hammer

Motorsúkklan er heitið á føroyskari barnabók, sum Richard H. Johansen hevur skrivað, og Hans Niclasen hevur teknað myndirnar til.

Teir báðir starvast sum flogteknikarar, og teimum dámar sera væl at at putla við maskinur.

- Tá tú abeiðir í flogvinnuni er ikki pláss fyri kreativiteti. Alt, sum tú gert, stendur í manualinum.

At putlast í garasjuni er ein máti at brúka kreativitetin, siga Hans og Richard.

Teir koyra báðir motorsúkklu, og Hans eigur fleiri. Eitt nú eina BSA M20 sum eisini er í bokini..