GROOTfm 90.5

’n Nuwe boek, Die Hart van ’n Ma, verskyn binnekort en beloof om diep in ma-wees se emosies en realiteite te delf. Die boek is gebaseer op die gewilde podsending ’n Ma & ’n Mikrofoon, aangebied deur Daniëlla van Heerden en bring eerlike, eg Suid-Afrikaanse stories van ouerskap – van eerste swangerskap tot die leë nes. Sarina gesels met die skrywer en joernalis Daniëlla van Heerden oor dié besondere publikasie en die hart agter dit alles.

Gesondheidsowerhede maan dat daar tans geen rede vir openbare paniek is oor hantavirus nie, ondanks berigte van twee buitelandse toeriste wat dood is en ’n derde wat in ’n Johannesburgse hospitaal behandel is nadat hulle siek geword het aan boord van ’n passasierskip. Die Departement van Gesondheid sê hy is deur die Nasionale Instituut vir Oordraagbare Siektes in kennis gestel van gevalle op die MV Hondius, wat van Ushuaia in Argentinië na die Kanariese Eilande onderweg was. Volgens die departement is slegs twee van die geraakte passasiers in Suid-Afrika. Hantavirus bly ’n skaars maar potensieel ernstige siekte wat deur knaagdiere versprei word. Ons gesels nou met dr. Angelique Coetzee, Ondervoorsitter UFFP (Unity Forum for Family Practitioners.

Die Vryheidsfront Plus doen ’n beroep op die Stad Tshwane om dringend aandag te gee aan ’n ernstige tekort aan vaardige personeel in sy Energie- en Elektrisiteitsafdeling. Volgens die party het die hersteltempo van kragfoute tot net 37% gedaal, met duisende tegniese klagtes wat al maande lank wag vir aandag. Ons gesels nou met Nick Pascoe van die VF Plus oor dié krisis en wat dit vir inwoners beteken.

Charonike bring jou oggend inspirasie met Michael W. Smith - Here I am to Worship

Inspirasie deur Reinhard Smit vandag

Christo Golden gesels met Tannah oor haar nuutste enkelsnit, Twenties

One Hit Wonders met Daantjie Dinamiet - FR David se 'Words'.

Logan Pietersen het op #MIRRAG kom kuier by Annelie Bouwer oor sy nuwe enkelsnit, ‘Help My Glo’.

Met eerlike woorde, rou emosie en ‘n boodskap wat gaan bly!

Vandag skop ons 'n splinternuwe reeks, die ABC van Ouerskap, af met die letter A vir ADHD. Dis ’n term wat baie ouers al gehoor het, maar wat dikwels misverstaan word. Wat presies is ADHD? Wat veroorsaak dit, en hoe raak dit ’n kind se daaglikse lewe? Om ons hiermee te help, gesels ons met Dr Annemarie Olivier, wat spesialiseer in kinders met ADHD.

Ons gesels met die Hoof uitvoerende beampte van die AA, Bobby Ramagwede oor die stand van sake rakende die petrolprys en waarvoor Suid afrikaners moet regmaak.