今集因為 Momo 電腦死機所以遲咗幾日先出，但都一定要出，因為香港嘅抗疫措施終於完結啦！特別係經歷咗95搭8嘅口罩令，大家終於可以呼吸返自由嘅空氣！今日 Ar Boo 同 Momo 回顧返對上三年嘅抗疫生活同一啲生活智慧。分享下洗手、現金、一個app、口罩、表情、盲搶、work from home、long distance relationship、飯聚、新興趣、等等～ 最後 Momo 想分享下佢對呢三年香港人嘅個人感受。

燒肉係廣東燒臘中其中一款，主要賣點係皮脆肉香。不過原來燒肉都有分燒肉同燒腩仔，而 Ar Boo 同 Momo 都竟然係分咗燒肉派同燒腩仔派！好少見 Ar Boo 同 Momo 咁堅持自己嗰派係正咁激烈辯論！咁到底點解會分咗燒肉同燒腩仔呢？咩情況下會特別要買燒肉呢？原來溫哥華有間超出名嘅燒臘舖，佢地啲燒肉連西雅圖嘅人都會專登揸車上去買，有幾好食呢？到底點樣先可以令燒肉嘅皮鬆脆呢？同埋點解食燒肉要點芥末呢？

今集 Ar Boo 同 Momo 前所未有咁打開心扉，同大家分享佢地一啲改變人生嘅經歷，當中有啲事仲差啲令佢地無命或做成永久傷殘。每個人都應該有經歷過一啲事情，令佢人生、價值觀、做事方式等都會改變。面對以前嘅負面經歷，除咗勇敢承認同接受，當中又學習到啲乜嘢呢？好friendly 嘅 Momo 原來細個嘅性格咁火爆同貪玩。處事小心嘅 Ar Boo 原來咁小心係因為一啲可怕嘅經歷。如果大家都有啲人生嘅經歷想同大家分享嘅話，都可以去我地 IG 留言分享下。

下午茶，係由港英時代開始嘅一個香港飲食習慣同文化，由於好多香港人都比較遲放工，晚餐比較食得夜，所以下午茶就用嚟作為午餐同晚餐之間嘅一個填肚嘅小食。而下午茶嘅食物中有三款最受歡迎嘅被稱之為「下午茶三寶」。今日 Ar Boo 同 Momo 會介紹一下呢三寶之一嘅紅豆冰。紅豆冰除咗同紅豆沙好有關之外，佢仲有好多遠房親戚例如東南亞同日本！其實而家好多地方嘅紅豆冰都非常偷工減料，由無味嘅紅豆到冰粒同奶水，到底真冰室嘅紅豆冰應該係點㗎呢？到底豆、冰、奶嘅黃金比例係幾多呢？碎冰同冰粒邊個好食啲？以前嘅紅豆冰係用碗裝？今日 Momo 仲第一次親述細個喺餐廳做水吧時同製作紅豆冰有關嘅工業意外。最後當然唔少得 Mo Sir 同大家分享製作紅豆冰嘅方法。  

http://linktr.ee/monstercafe  

#怪獸冰室 #monstercafe #廣東話podcast #podcast #廣東話 #香港 #紅豆冰 #下午茶 #下午茶三寶 #redbeanice

下午茶，係由港英時代開始嘅一個香港飲食習慣同文化，由於好多香港人都比較遲放工，晚餐比較食得夜，所以下午茶就用嚟作為午餐同晚餐之間嘅一個填肚嘅小食。而下午茶嘅食物中有三款最受歡迎嘅被稱之為「下午茶三寶」。今日 Ar Boo 同 Momo 會介紹一下呢三寶之一嘅西多士。到底西多士係點嚟㗎呢？美國都有西多食？傳統西多同新派有幾唔同呢？點解無餡先正宗？誰是漏奶華呢？Mo Sir 仲會介紹下西多嘅製作方式。

下午茶，係由港英時代開始嘅一個香港飲食習慣同文化，由於好多香港人都比較遲放工，晚餐比較食得夜，所以下午茶就用嚟作為午餐同晚餐之間嘅一個填肚嘅小食。而下午茶嘅食物中有三款最受歡迎嘅被稱之為「下午茶三寶」。今日 Ar Boo 同 Momo 會介紹一下呢三寶之一嘅炸雞髀。炸雞髀有幾唔健康？美國竟然無炸雞髀食？下午茶係咪全世界都有呢？你會點食隻雞髀呢？生炸真係好食啲？Momo 會分享下炸髀嘅製作方法。

年又過年～ Ar Boo 同 Momo 今集同大家拜年，順便分享一下佢地兩個嘅過年方法。由過年前到新年之間會有啲咩習慣嘅？由典型過年方式到比較有宗教色彩嘅過年習慣。喺美國長大嘅 Momo 竟然會係咁樣過年？Ar Boo 炮製賀年食品？執屋抹嘢好辛苦，可以點樣令件事無咁攰？咩係尾牙？

http://linktr.ee/monstercafe

#怪獸冰室 #monstercafe #廣東話podcast #podcast #廣東話 #香港 #農曆新年 #送虎迎兔 #lunarnewyear

今集來到澳門土生土長嘅Darren同我地分享一下澳門嘅飲食文化。澳門茶餐廳同香港有咩唔同？原來緬甸菜好流行，魚湯粉等於香港嘅雲吞麵。有咩澳門菜只有遊客先會食？咩係土生菜？去澳門食免治牛肉飯要有心理準備！到底咩係「煏」呢？

上一集邀請咗澳門土生土長嘅 Darren 為我地介紹返澳門嘅生活文化，今集會繼續搵 Darren同我地分享一啲有趣嘅澳門用詞，真係由頭笑到尾，仲會挑戰 Ar Boo 嘅想像力！到底咩係「暗𨋢」、「搓fing」、「奶媽」、「土生」、等等呢？點解香港人對廣東話口音同用詞咁執著呢？大家唔好錯過啦！

http://linktr.ee/monstercafe

#怪獸冰室 #monstercafe #廣東話podcast #podcast #廣東話 #香港 #澳門人 #澳門 #macau

今日呢集我地請咗之前月餅大會嘅試食專員 Darren 做我地嘉賓。Darren 係一個土生土長嘅澳門人，今次訪問佢係希望可以了解多啲澳門人嘅日常，解答一啲香港人對澳門人嘅誤解～ 例如澳門點解叫 Macau 而唔係 Oh Moon？佢地嘅中小學教育同香港有咩分別？係咪所有澳門人都識葡文？格蘭披治大塞車有幾好玩？澳門人口有幾多？咩話？每年派一萬蚊？