Katika mashindano ya ndondi, nidhamu na heshima pamoja na uvumilivu ni baadhi ya mambo yanayochangia mwanabondia kuimarika.

Edwin Okong’o, mwanabondia ambaye ameliwakilisha taifa katika mashindano mbalimbali anasema bila nidhamu ni vigumu sana kuimarika katika mchezo wa ndondi.

Walter Kinjo amezungumza na Okong’o kuhusu safari yake akiwa mwanabondia na umuhimu wa nidhamu.

Katika maisha ya binadamu mazoezi yana mchango mkubwa katika kuimarisha afya mwilini. Kila mtu huhitaji kufanya mazoezi angaa mara moja kwa siku. Otieno Ogeda ni mkufunzi wa mazoezi ya viungo vya mwili, kazi ambayo ameifanya kwa miaka mingi. Katika podcast hii, mwanahabari wetu Stephen Mukangai anazungumza na Otieno Ogeda maarufu, Zoezi Maisha kuhusu suala hili.

Walter Kinjo anazungumza na Kocha wa Timu ya Kitaifa ya Triathlon kuhusu safari yake katika mashindano hayo.

Alpha Mwanyika ambaye ni mwalimu katika shule moja ya kitaifa anazungumzia mashindano ya triathlon hasa zaidi kutoa mafunzo na changamoto.

Mwanyika anaweka wazi mambo kadhaa ambayo unahitaji ili kushiriki shindano la triathlon.

Kwa wapenzi wa michezo nchini, jina Kipchoge Keino si geni. Mapema miaka ya sitini na sabini Kipchoge Keino alitamba katika mashindano ya mbio za mita 1500 na mita 3000 kuruka viunzi na maji ambapo alishinda medali nyingi za dhahabu. Mtoto akibebwa hutazama kisogo cha mamaye wasemao husema. Sawa na babu yao, wajukuu wa Kipchoge Keino ni wanamichezo shupavu. Hata hivyo tofauti na babu yao, wajukuu wanashiriki michezo ya uendeshaji baiskeli, kuogelea na triathlon. Mwanahabari wetu Walter Kinjo alipata fursa ya kushiriki gumzo nao

Wazazi wa Jossete Njeri walishauriwa na daktari kuchagua iwapo atafanyiwa upasuaji wa moyo au ashiriki mazoezi kila mara.

Katika mahojiano na mwanahabari wetu, Walter Kinjo, Njeri anaweka wazi suala la kutumia triathlon kupambana na ugonjwa wa moyo.

Mkurugenzi wa Masuala ya Vijana katika AK, Barnaba Korir kwa mara ya kwanza amezungumzia mashindano ya Olimpiki ambayo yalikamilika nchini Japan, vilevile mashindano ya Dunia kwa Wanariadha Chini ya Miaka Ishirini ambayo yalifanyika katika Uwanja wa Kimataifa wa Kasarani, Nairobi.

Katika mahojiano ya moja kwa moja, Korir ameweka wazi kwamba hali ilikuwa ngumu katika mashindano ya Olimpiki hasa zaidi baada ya Kenya kupoteza dhahabu katika mbio za mita elfu tatu kuruka viunzi na maji.

Mshindi wa medali ya dhahabu katika mbio za mita elfu tatu kuruka viunzi na maji katika mashindano ya Dunia kwa wanariadha chipukizi chini ya miaka ishirini, Amos Serem anazungumzia safari yake katika mbio za mita elfu tatu.

Kwenye mazungumzo na Mwanahabari wetu Faith Kutere. Serem anasema alianza kushiriki mashindano ya riadha akiwa katika shule ya msingi.

Je, una ufahamu wa kina kuhusu shindano la triathlon? Mwanahabari wetu, Walter Kinjo ameshiriki mazungumzo na nahodha wa timu ya Triathlon ambaye pia ni Maneja Mkuu wa Sauti Saul, William Nanjero. Wanazamia mengi kuhusu shindano hili.

Kenya inaanza kufanya vibaya katika riadha kutokana na usimamizi duni na kutohudumiwa vyema kwa wanariadha. Ndiyo kauli ya aliyekuwa bingwa wa mbio za mita elfu tatu kuruka viunzi na maji , Moes Kiptanui. Aidha, anasema kuwa hakuna juhudi za kukuza vipaji vya vijana. Suala la dawa za kututumua misuli pia ni kero; na serikali imekosa kuweka mikakati kubadili hali. Aidha, tumezungumza na Rais wa Shirikisho la Riadha la Kenya, Jenerali Jackson Towei kuhusu sababu za wanariadha wa Kenya kukimbilia mataifa mengine, vilevile umuhimu wa maandalizi ya kutosha. Mbali na hayo wanahabari wetu, Stephen Mukangai na Walter Kinjo wameshiriki gumzo na Tuwei kuhusu Mashindano ya Wanariadha wa Chini ya Miaka 20, uwanjani Kasarani, Nairobi.

Ferdinand Omanyala anasema ana uwezo wa kuboresha muda wake hata zaidi katika mbio za mita mia moja.

Katika mahojiano ya moja kwa moja na Mwanahabari wetu Walter Kinjo, mwanariadha huyo ambaye aliwakilisha Kenya katika mbio za mita mia moja kwenye Olimpiki 2020 jijini Tokyo Japan anazungumzia safari yake katika mbio za mita mia moja.