Gestur þáttarins hjá Handkastinu að þessu sinni var hinn óútreiknanlegi aðstoðarþjálfari Aftureldingar, Ásgeir "Sly" Jónsson.

Í þættinum var farið yfir fyrstu fimm leikina í 10. umferð Olís-deildar karla þar sem baráttan á öllum vígstöðum harðnar og harðnar með hverjum deginum.

Einnig var farið yfir Evrópuleik Selfyssinga sem fram fór um helgina.

Ásalausir FH-ingar máttu þola tap fyrir norðan gegn Akureyri og jarðarför Eyjamanna hélt áfram í Hafnarfirðinum. Vængbrotnir Mosfellingar töpuðu gegn Fram sem eiga erfitt prógram fram að jólum. Valsarar með Daníel Frey í ham sóttu tvö torsótt stig í KA-heimilið og markvarðarteymi Stjörnumanna fór illa með Breiðhyltinga.

Að lokum var Coolbet leikmaður umferðarinnar valinn en það val var ekki erfitt að þessu sinni.