Ásgeir x2 mættu í stúdíó með Stymma Klippara og gerðu upp 15.umferð Olísdeildar karla sem er komin aftur af stað eftir HM pásu. 8 liða úrslit í bikarkeppni kvenna fara fram í vikunni.

Guðjón Valur Sigurðsson og Kristján Andrésson gera upp HM hjá íslenska landsliðinu í símaviðtali við Sérfræðinginn í beinni frá Þýskalandi og Noregi.

Stymmi Klippari, Alli Eyjólfs og Einar Ingi gerðu upp milliriðil Íslands og leik þeirra gegn Argentínu. Núna leggjumst við á bæn að Slóvenar geri kraftaverk og tryggi Íslandi áfram í 8 liða úrslit.

Stymmi Klippari og Geiri Sly kíktu í studíóið á þessum laugardagsmorgni til að gera upp vonbrigðin gegn Króatíu. Arnar Daði var á línunni og gerði leikinn upp frá Zagreb. Hverir eru möguleikar Íslands í framhaldinu? Er Ísland á leiðinni heim??

PBT og Mike kíktu til okkar í Dominos stúdíóið og gerðu upp leik Íslands og Egyptalands. Það er óhætt að segja að Snorri Steinn sé búinn að smíða vél og handboltaæði á Íslandi er farið að gera vart við sig.

Sérfræðingurinn, Tómas Þór Þórðarson og Gunnar Steinn Jónsson gerðu upp frábæran sigur Íslands á Slóveníu. Spáð var í spilin fyrir komandi leiki Íslands í milliriðli.

Stymmi Klippari, Sérfræðingurinn og Ási kíktu í Dominos studio-ið og gerðu upp leik Íslands og Kúbu. Til hamingju Valur og Haukar með að vera komnar í 8 liða úrslit í evrópukeppninni. Æfingarleikirnir eru búnir og alvaran hefst á mánudaginn!

Sérfræðingurinn fékk besta handboltamann sögunnar til sín og farið var yfir boltann. Stöðu íslenska landsliðsins, hvað þarf að gerast til að landsliðið nái árangri og allt þar á milli. Í lok þáttar fengu hlustendur að spyrja Óla misáhugaverðar spurningar.

Stymmi Klippari, Andri Geir og Stefán Rafn mættu í stúdíó og gerðu upp landsleikinn gegn Grænhöfðaeyjum. Vegferðin á HM er hafin og leiðin hefur aldrei verið greiðari!

Sérfræðingurinn settist við hljóðnemann tók upp tólið og heyrði í þremur góðum mönnum rétt áður en strákarnir okkar hefja leik á HM í Þjóðaríþróttinni. Gunnar Birgisson var á línunni frá Zagreb, Kristján Andrésson fyrrum landsliðsþjálfari Svía og sérfræðingur ViaPlay í Svíþjóð var á línunni frá Eskilstuna og Logi Geirsson sérfræðingur í HM stofunni var á línunni úr penthouse íbúðinni í Reykjavík.