Harvester Cederberg Preke

Harvester Cederberg Preke

By Jan OosthuizenReligion & Spirituality
Download on the App Store

Harvester Cederberg Preke episodes

  • #1 Leef in Oorwinning - 'n Jesus identiteit en bewussyn

    #1 Leef in Oorwinning - 'n Jesus identiteit en bewussyn

    Ons oorwinning oor die buite wêreld vind eers plaas wanneer ons, ons binnewêreld onder beheer het.  In die Bybel word ons identiteit, bewussyn, emosies, begeertes, gedagtes, wil en bedoelings dikwels met die woord "hart" geassosieer en vertaal wat sentraal tot 'n persoon se verhouding met God en ander staan.   
    Hoe ons, ons HART bestuur en orden bepaal ons oorwinnning in die LEWE. Leer in hierdie boodskap die ranglys en prioriteite van hoe om jou innerlike wêreld te orden en in LYN te bring met die WIL van GOD.
    PreekNotas

    52 min
  • Jesus, die Lig in ‘n donker werêld 💡

    Chantál Oosthuizen bedien die Woord van die Here.“Op 'n ander keer het Jesus vir die mense gesê: “Ek is die lig vir die wêreld. Wie My volg, sal nooit in die duisternis lewe nie, maar sal die lig hê wat lewe gee.””

    JOHANNES 8:12 AFR83

    55 min
  • Hoekom die regte vriende saak maak

    HOEKOM DIE REGTE VRIENDE NOODSAAKLIK IS.

    Hoe om die regte vriende te maak en hulle te behou!
    Onlangs op ’n internasionale platform saam met Trevor Noah, het die bekende spreker en leierskap spesialis Simon Sinek verras met sy huidige fokus. Hy het beklemtoon hoe belangrik "die behoud van kwaliteit vriendskappe" vir hom geword het, veral namate sy lewe met roem besiger geword het. Wat verrassend was, is hoe hierdie prioriteit vir hom mettertyd gegroei het, eerder as om af te neem. Beide Trevor en Simon het benadruk dat dit ’n doelbewuste keuse vir hulle geword het om meer kwaliteit tyd met hul vriende deur te bring, ten spyte van hul besige skedules.
    Baie mense het oor die laaste tyd vriende verloor wat as gevolg van die uitdagings van die lewe vervaag het. Mag ons weer veg vir die behoud van die regte vriende!!

    1 hr 2 min
  • Die oorwinning wat die wêreld oorwin het - jou GELOOF

    Dit is die oorwinning wat die wêreld oorwin het, naamlik ons geloof. 1 John 5:4

    Ons leef in ’n tyd van groot vertwyfeling en skeptisisme. Alles word bevraagteken – van ons geloofsoortuigings tot die basiese waarhede wat eens onwrikbaar was. Ons oorwinning in die lewe, oor sonde en omstandighede, is deur geloof. Om swak in geloof te wees, is dus 'n geleentheid vir sonde om in te sluip. Om 'n oorwinnende lewe op alle vlakke te leef, moet ons vol geloof bly. Geloof is 'n heilige oortuiging van 'n hemelse werklikheid.

    59 min
  • Hoe om reg te oordeel

    In 'n wêreld vol misverstande, verskille en oppervlakkige aannames, het ons as Christene 'n verantwoordelikheid om anders te oordeel as wat die wêreld doen. Ons word geroep om met wysheid, regverdigheid en liefde te oordeel, en nie op grond van voorkoms of vinnige gevolgtrekkings nie. Jesus waarsku teen die gevare van oppervlakkige oordeel en daag ons uit om die hart en motiewe van mense te fynkam voordat ons moontlik 'n verkeerde oordeel vel. Daar is niks so sleg as om deur veral die mense wat jou die beste behoort te ken, verkeerd beoordeel te word.


    #oordeel #vooroordeel #verwerping #aanklag #klagtes


    Preek Notas:


    49 min
  • “Die Here se definisie van Seën” #4 Bergpredikasie Reeks

    Die wêreld dink hulle is geseënd as hulle iewers bietjie geld verniet kry, of ’n groot geskenk, ’n nuwe motor of huis bekom, of sukses, aansien of status verkry! Jesus het heeltemal ’n ander definisie van die seën van die Here!


    Kom leer vanoggend saam met Chantál Oosthuizen wat God as geseënd beskou, en word verryk met Sy genade en guns!!


    #Seën #Blessing #Genade #Guns #Waarheid

    45 min
  • Hoe het die Saligsprekinge die Wêreld Verander?

    #3 Hoe het die Saligsprekinge die Wêreld Verander? 🕊️

    Bergpredikasie Reeks
    In die tyd van Jesus was die Romeinse Ryk die toonbeeld van mag, oorheersing en beheer. Dit was ’n ryk gebou op politieke magsbeheer, militêre oorheersing, ekonomiese uitbuiting en die ideologie van meerderwaardigheid. Rome se visie van vrede, of die "Pax Romana", was vrede wat deur geweld en vrees afgedwing is—’n vrede wat gehandhaaf is deur enige weerstand te verpletter, andersdenkendes stil te maak, en mense te onderdruk.
    Die Saligsprekinge in Mattheüs 5:3-12 is een van die kragtigste en mees teenkulturele leringe wat die wêreld ooit gehoor het. Toe Jesus hierdie woorde uitgespreek het, het Hy nie net 'n nuwe manier van lewe voorgestel nie—Hy het die wêreldorde uitgedaag en 'n beweging begin wat die loop van die geskiedenis sou verander.
    Sluit by ons aan om te hoor hoe die perfekte tydsberekening van Jesus se koms en die kragtige waarheid van die Saligsprekinge ’n beweging begin het wat die geskiedenis verander het—en steeds lewens verander!
    Kom ontdek hoe hierdie tydlose leringe ons vandag nog rig om 'n wêreld van ware vrede, geregtigheid en liefde te bou. Jy wil dit nie mis nie!
    Almal is welkom—bring jou familie en vriende saam! ✨
    Preeknotas:
    www.harvestercederberg.co.za/hoe-die-saligsprekinge-die-wereld-verander-het/
    #Saligsprekinge #Verandering #KoninkrykVanDieHemele #BoodskapVanHoop

    50 min
  • Hoe om toksiese mense met liefde te neutraliseer

    Ons almal ken die natuurlike neiging: As iemand jou seermaak, wil jy terugseermaak. As iemand onreg teenoor jou pleeg, wil jy geregtigheid hê. Dis hoe die wêreld werk—daar is 'n sterk gevoel van "oog vir 'n oog." Maar Jesus kom en stel 'n totaal ander beginsel voor: Liefde vir jou vyand. Hoe radikaal is dit nie?

    Jesus sê in Matteus 5:44: "Maar Ek sê vir julle: Julle moet jul vyande liefhê, en bid vir dié wat julle vervolg." Hierin lê die grootste geheim tot oorwinning oor die bose. Dis nie deur wraak, geweld of verwydering nie, maar deur liefde.
    Notas:
    www.harvestercederberg.co.za/hoe-om-toksiese-mense-met-liefde-te-neutraliseer/

    48 min
  • Die een karakter eienskap waarsonder ons samelewing nie kan bestaan nie - BETROUBAARHEID


    Jesus se benadering is eenvoudig: Heilig die mens-tot-mens, van aangesig-tot-aangesig interaksie. Elke mens wat in die beeld van God geskape is kyk mekaar in die oë en onderhandel met mekaar totdat

    'n ooreenkoms bereik is - dan word daar 'n besluit geneem wat vir elkeen wederkerig reg en waar is.

    Hierdie interaksie is heilig en bindend!

    "Sorg dat julle ja altyd ja bly en julle nee altyd nee.

    Enigiets meer as dit is uit die bose." (Mat 5:33-37)



    50 min
  • #7 Vraatsug - DISSIPLINE

    Die liggaam is soos 'n ongetemde dier: Ons moet leer om elkeen ons eie liggame te leer ken, sy seine en siklusse te verstaan, en soos 'n sportsman/vrou onsself te ontwikkel om voluit in Sy volheid die potensiaal wat die Here ons gegee het te ontsluit.

    Ons het ALMAL by ’n sekere lekker-eet-geleentheid te veel voedsel verorber!! BRASSERY!! Maar vraatsug kan ’n lewenstyl raak, en sodoende ’n mens geheel en al immobiliseer om jou gegewe potentiaal te bereik!
    Kom ondek saam met ons die subtiele plan van satan om ons gevange te hou met leuens en misleiding.
    www.harvestercederberg.co.za/7-vraatsug-dissipline/
    #7DodelikeSondes #Vraatsug #Gulsigheid #Verslawing #Alkoholisme #Vetsug

    48 min

About Harvester Cederberg Preke

From the publisher's feed

Om tot eer van Sy Naam mense tot geloof en so tot gehoorsaamheid aan God te bring. (Rom 1:6)