حب من طرف واحد هي حب الفكره عن الشخص او حب الفكرة عن الحب، هي شي مو حقيقي، هي شي بتحاول تخلي شخص تاني يختارك.

التعلق هو الرغبة الشديدة في التحكم بأشياء كتير خارجة عن تحكمنا، ومحاولة تغييرها حسب كيف احنا بدنا اياها مع رفض تقبلها متل مهي.

علاقة اون و اوف من احدى العلاقات اللي بتسبب تعلق.

الانسان غير محدود،الامكانيات والقدرات لكل شخص فينا بتصنع مستقبل مزدهر، بس اذا بنضل بشي ما بنستحقه متل كأنه بنحط حالنا بقالب (مو كفاية) حتى نحقق اللي بدنا اياه.

دايماً الشغلات لالنا رح تصير تصير بشكل الطبيعي بدون ما نتغلب حتى انها تصير، ورح تكون واضحة لالنا دايماً.

معرفتنا لاحتياجاتنا العاطفية بدل على النضوج العاطفي اللي بساعدنا نتعرف فيها على حالنا، واللي بتخلينا نحس بالرضا اكتر بحياتنا.

التخلي او السماح بالرحيل بيجي من خلال تقبل التجربة باللي صار فيها لحتى نسمح للسلام والهدوء ياخدو مكان بحياتنا.

تخدير الالم او انك تلتهي عنه بأنك تدخل علاقة جديدة بعد الانفصال ع طول بتأخر بعملية الشفاء وممكن تراكم الالم اللي جواتك ع مدى طويل.

الشعور بالارهاق العاطفي او الانطفاء من اكتر الحالات اللي بنحس فيها عالقين مو قادرين نطلع منها، اعطاء نفسنا الاولوية مهم بهاي الحالة بخلينا نرجع نتواصل مع انفسنا اكتر.

الرفض مو فشل او انك مو كفاية، هو مجرد تجربة بالحياة بتتعلم من خلالها.