Þegar Helgi „Flex“ Rafn Guðmundsson er á svæðinu er alltaf mikil orka í loftinu. Jafnvel latasta fólkið finnur fyrir lífskraft þegar hann er nálægt enda er hann með viðkunnanlegustu, jákvæðustu og afkastamestu mannverum jarðarinnar. Hemmi frændi sóar viðtalinu auðvitað í einhverja vitleysu eins og venjulega enda hefur hún verið einn helsti burðarbiti þáttarins frá upphafi.

Þórir „TurboDrake“ Viðarsson segir Hemmunum frá heimi rafíþrótta og starfi sínu sem formaður rafíþróttadeildar KR. Þórir hefur lengi verið viðriðinn rafíþróttabransann á Íslandi og þekkir inn á alla helstu tölvuleikina sem keppt er í. Í lok þáttarins fá hlustendur að heyra lagið bangsapabbi eftir Þórir sem er án efa besta lag sem hefur verið spilað í Hemma frænda á árinu 2020.

Ólátabelgurinn Rakel Ólöf Andrésdóttir kemur til Hemma frænda og segir sögur úr æsku sinni sem líkjast frekar skáldsögubútum eftir Astrid Lindgren en raunverulegu lífi. Smáuglýsingarnar eru komnar aftur eftir fjölmargar eftirspurnir og þátturinn byrjar á þvaðri hjá Bjarna og Einari um lasertag og hvor þeirra ætti að vera krýndur skyndihjálparmaður ársins.

Loksins loksins! Ellen Austmann, aðdáandi og auglýsandi Hemma frænda númer eitt, er mætt til að ræða mikilvæg málefni líðandi stundar og gleðjast með Hemmunum á nýju ári. Ekki missa af þessum. Eða þúrst, gerðu bara það sem þú vilt en það væri frábært ef þú myndir hlusta á þennan. Takk.

Flugvirkinn og fréttahaukurinn Guðmundur Hallur „kötturinn“ Hallsson kemur í nýjárskaffi til Hemma frænda. Deiglan, flugvirkjun, trommusláttur og margt fleira er til umræðu í þættinum.

Magnús Bjarni Gröndal er gestur í áramótaþætti Hemma frænda 2019-2020. Hann er með sólóverkefnið Mighty Bear og er einnig söngvari/gítarleikari post-metal bandsins We Made God. Maggi er talinn af mörgum vera hressasti gestur Hemma frænda ársins 2019.

Gunnar Þór Böðvarsson er gestur í jólaþætti Hemma frænda. Hann segir okkur frá íkornum, Kínverjum og tölvuleikjanámi í Noregi. Óstaðfestar heimildir um Jesú Krist koma fram í þættinum sem eru að öllum líkindum fleipur og málræpa.

Tanya Lind Pollock ræðir við Hemma frænda um seiðlist, tónlist, jólin, páskana og líf sitt. Mosi sonur hennar og Gunnar Ragnar Sveinbjörnsson kærasti fá að segja nokkur orð líka.

Egill Karel Logason er gestur Hemma frænda að þessu sinni. Hann er einn af fáum aðdáendum þáttarins sem fær að koma og sjá undir huluna hjá Hemma frænda og spyrja þáttastjórnendurna spjörunum úr en Bjarni fer einmitt úr buxunum í þættinum.

Guðmundur „Mundi“ Hauksson virðir neysluhyggjuna að vettugi. Hann gaf allar eigur sínar og ferðaðist erlendis til að finna sjálfan sig. Við fáum að heyra sögu Munda og spjöllum um hugleiðslu, jóga og sjökrur.