Herriz Herri

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin.

Zapatuan Orozkoko Santa Luzia azokatik egin genduan saioa. Danetarik ezagutu genduan gure gonbidatu honeen eskutik: Zaloa Ramos Lehen sektoreko eta Ingurumeneko zinegotzia, Gorka San Emeterio Itxina Ganaderuen alkarteko presidentea, Sonia Barrondo Gorbeialde Landa Garapenerako alkarteko teknikaria,  Niko Astobiza eta Estizen Manzarbeitia Garrafa alkarteko kideak, Aitor Arrutia Bertso Eskolako kidea eta Argiñe Ekiñe Atxulaur futbol taldeko zuzendaritzako kidea.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin.

Herria ezagutu dogu Jesus Iriondo alkatearen eskutik. Gero, EIKA kooperatibari buruz lehendakaria dan Iñigo Arrieta hurreratu da gure mikrofonoetara. Gazteak herrian geratzen dirala aitatu deusku alkateak, eta gazte asanbladako Aitanak halan konfirmau deusku. Euskeraren erabilerea dala-eta, Etxebarrian pozik dagozala gaineratu deusku Urtzi Uriarte Euskera teknikariak.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin.

Zapatuan Aulestira hurreratu zan Herriz Herri ibiltaria, 600 biztanle inguru daukozan herria ezagutzeko asmoz. Irati Urberuaga alkateagaz berba egin genduan, kirol arloan Unai Goitia aulestiarra eta Mutrikuko sokatira taldeko kideagaz eta Tiktok munduan ezaguna eta aulestiarra dan Janire Atxurragaz berba egiteko aukerea izan genduan. Beste alde batetik, Aulestiko 9 urteko hiru ume (Nira, Izar eta Joane) be hurreratu ziran geurera, eta kontau euskuen zelakoa dan umea izatea holako herri txikian.

Gero, Aulesti eta Markinara joateko bidearen ganean berba egin genduan, errepide hori ez dago behar dan moduan eta herritar batzuk aspaldi dabilz kontu hau salatzen, arazo honetaz berba egiteko Eneritz eta Josu etorri ziran gure irratsaiora. Amaitzeko, Mexikotik Aulestira etorri zan Paolagaz be berba egin genduan, Aulestiko tabernan lan egiten dauan behargina, eta bere istorioa ezagutzeko aukerea izan genduan.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin.

Zapatuan Abanto-Zierbenara hurreratu ginan. Iñaki Urrutia alkatearen eskutik herria ezagutu genduan, gero Oier, Liam eta Erlaitz musikariak izan genduzan, herrikak, Los de la Kiny musika taldearen barri emoten. Kirola be jorratu genduan, Ainhoa Merodio eta Jessica Mejideren eskutik, Gallartako boleibol taldeko jokalariak diranak. Bigarren orduan herriko Musika Eskolako Idurre Blanco eta Oier Linaza ikasleak hurreratu ziran eta lankidea dan Gontzal Galán be alkarrizketatu genduan, Gallartako herritarra.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin.

Asteon Lea Artibai eskualdera hurreratu gara. Amorotora hain zuzen. Asier Arrizabalaga alkateak eta Ibon Gabiola alkate ohiak emon deuskue ondo etorria. Herriko gorabehera guztien barri emon deuskue. Kultur arlokoak, barriz, Ainhoa Ansorregi kultura zinegotzia eta dantza taldeko kideak kontau deuskuz. Iban Zabala pala jokalaria ezagutu dogu. Eta Herriz Herri saioa amaitzeko, Amorotoko eskolako guraso alkarteko Nerea Onaindia, eta Intza, Maule, Anje, Ilargi, Udare eta Xanet gaztetxoakaz egon gara berbetan.

 

Asier Arrizabalaga alkateak eta Ibon Gabiola alkate ohiak emon deuskue gaur ondo etorria Amoroton, Herriz Herri saioan. Asier bera ondarrutarra da, baina esan deuskunez Amoroto ezagutzen dauenak nekez aldeten dau bertatik. Alkatea aukeratzeko modu berezia dabe Amoroton, herri hautagaitza bidez egiten dabelako. Gaur egungo alkatea, Asier, eta aurreko agintaldikoa, Ibon, alkarregaz egon dira gaurko alkarrizketan. Amorotoko gorabehera guztien barri emon deuskue eta alkarrizketa honetan daukazue entzuteko modua.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin.

Asteon Zamudiora hurreratu gara. Lander Aretxabaleta herriko alkateak herriaren gorabeherak azaldu deuskuz, martxan daukiezan proiektu nagusiak eta zelako garrantzia daukan holako azokea herria eta herritarrentzat. Itziar Landeta kultura zinegotziak herriaren jaien barri emon deusku, San Martinen barri. Gero, postuetara hurreratu gara talogilea dan Aitor Aurrekoetxeagaz, eta bitxiak sortu eta saltzen dauzan Esti Yuguerosekin berba egitera. Azkenik, Oneka Zaballa, Dimako abeltzainagaz sakon berba egin dogu daukan bizitzaz landa-eremuan, egunerokotasunari buruz eta baserrian daukiezan behiei buruz.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin.

Asteon Ibarrangelura hurreratu gara, eta herriko gorabeherak Jesus Mari Ziluagarekin jorratu doguz, herriko Kultur Etxetik. Eraikina bera Bego Ziluagarekin ezagutu dogu, bai herrian daukien kultura eskaintza zabala be. Natxitua eskolako proiektu barria Estik, Guraso alkarteko kideak azaldu deusku. Gametxo Spa Hotelera be hurreratu gara Beñat Gabikagoeaskoarekin eta Ogoñope Surf Eskola ezagutu dogu Jokin Etxebarriaren eskutik.

Giro itzela egon zan domekan Loiun, azokearen 30. urteurrenean. Urtemuga biribila zala.eta egun berezia antolatu gura izan eben. 50 postu batu ziran guztira, danetariko produktuekin: ortuariak, ogia, euskal pastela, gaztaiak, txakolina... Artisauak be ez ziran falta izan, euren lan ikusgarriekin.

Makina bat jentegaz berba egiteko aukerea euki genduan bertatik zuzenean egindako Herriz herri saioan. Kepa Arriaga alkateordeak azaldu euskuzan azokearen ganekoak, poz-pozik 30 urte bete ditualako. Ilusinoz eratu eben 30. urteurrena ospatzeko azokea. Oihane Ojanguren Erdikoetxe txakolindegikoak esan euskun aurton mahats uzta eskasa euki dabela, eguraldiak ez dauelako lagundu. Produkzinoan igarriko da. %20 gitxiagokoa izatea itxaroten dabe. Halanda be txakolin ederra egingo ei dabe, zuria, gorria eta baltza. Artisauen aldetik, Jone Landa pasau zan gure mikrofonoetatik, 'Amatxo, maitasunez josia'-tik. Mungiakoak dira eta batez be poltsak, nezeserrak eta umeentzako osagarriak egiten ditue.

Animalia exotikoen erakusketea be egon zan. Atentzinoa deitzeko modukoak eroan zituan bertara Jon Lacruzen familiak: dromedarioa, Bantu idia, uretako bufaloak, llamak, alpakak...Aner Lacruz semeak emon euskuzan azalpenak. Pateak be ez ziran falta azokan, "Eskuola" pateak. Sasoi honetan topera dabilz saltzen, Itasne Agirrek esan euskunez.

Holakoxeak eta bestelako batzuk aztertu genduzan domekako Loiuko Herriz herri saioan.

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin.

Asteon Zaratamo bisitau dogu Loraldia Plaza ekimena dala-eta. Alberto Ugarriza alkatea, Tomas Salcedo zinegotzia, Maite Larburu musikaria, Mikel Urrutikoetxea pelotaria eta Jon Maia bertsolariak pasau dira Bizkaia Irratiko mikrofonoetatik.