د افغانستان د مالیې پخواني وزیر انوارالحق احدي امریکا غږ ته په ځانګړې مرکې کې ویلي چې د افغانستان په اړه د دوحې په درېیمه غونډه کې طالبان برلاسي ښکارېدل او د غونډې اجنډا د دوی په خوښه زیاتره د اقتصادي مسایلو په باب وه، په داسې حال کې چې نړۍ تمه لرله په دې غونډه کې به ترډېره سیاسي ستونزې وڅېړل شي.

امریکا کې د پوهنتون استاد علم خان احمدزی له افغانستان سره د مرستو د کموالي عمده لامل له نړۍ سره د اړیکو دپاره د طالبانو کمزورې پالیسي بولي. ښاغلي احمدزي له امریکا غږ سره په ځانګړې مرکه کې له افغانستان سره د مرستو د کمیدو اغیزې ناوړه ګڼلي دي.

لیکواله او شاعره شفیقه خپلواک وايي، د نجونو پر زده کړو بندیز نه جبرانېدونکی دی. مېرمن خپلواک د امریکا غږ سره په ځانګړې مرکه کې وویل چې د طالبانو له خوا د شپږم ټولګي پورته د نجونو پر زده کړو د بندیز له کبله، افغانستان لږترلږه یو نسل باسواده ښځې له لاسه ورکړې.

د نړیوال پرمختګ او د اوبو د زېرمو څېړونکی یار محمد تره کي د امریکا غږ سره په ځانګړې مرکه کې وویل، چې افغانستان د اوبو د زېرمو له اړخه یو بډایه هیواد دی، خو په تېرو کلنو کې په دغه هیواد کې د اوبو په برخه کې له ظرفیتونو ګټه اخیستل شوې نه ده. ښاغلی تره کی وايي، د اوبو مدیریت لا هم یوه ستره ننګونه ده.

په پېښور کې د کډوالو په چارو کې د ملګرو ملتونو ویاند قیصر افریدي د امریکا غږ سره په ځانګړې مرکه کې وویل چې د پاکستان د حکومت څخه یې غوښتي‌ چې افغان کډوال په زوره له خپلې خاورې و نه باسي، ځکه په افغانستان کې وضعیت ناڅرګند دی.

د کرکټ مبصر احمد فرهاد فدايي امریکا غږ ته په ځانګړې مرکې کې ویلي چې د افغانستان لوبډله له ښه پلان سره د کرکټ نړیوال جام ته تللې ده. فدايي وايي چې په ای پي ایل او نورو تجارتي لوبو کې د افغان لوبغاړو تجربه به په دغه جام کې د افغانستان په ګټه تمامه شي.

د افغانستان لپاره د خوړو نړیوال پروګرام مشره شاوې لي د افغانستان د نفوس درېیمه برخه له لوږې سره مخامخ بولي. له امریکا غږ سره په ځانګړې مرکه کې هغې ویلي چې په افغانستان کې د دومره زیات شمېر خلکو خوړو ته اړتیا د اندېښنې وړ ده.

د خیبر پښتونخوا د پولیسو پخواني مشر اختر علي شاه امریکا غږ ته په ځانګړې مرکې کې ویلي چې په افغانستان او پاکستان کې اورپکې ډلې بیا ځواکمنې شوي او د نړۍ هېوادونه یې اندېښمن کړي دي.

په بریتانیا کې د افغان خیریه ټولنې مشر محمد فهیم ځاځي، چې ددغه هېواد د شاهي کورنۍ لخوا د"بریتانیا د امپراتورۍ غړي" جایزه ورکړل شوې،‌ د امریکا غږ سره په مرکه کې وویل چې ددې جایزې په ترلاسه کولو سره یې بریتانیا مېشتو افغانانو ته د لا زیاتو خدمتونو د وړاندې کولو هوډ پیاوړی شوی دی.

ژورنالېست جبران لوراند د امریکا غږ سره په ځانګړې مرکه کې وویل چې په افغانستان کې د ازادو مطبوعاتو راتلونکې تیاره ده، ځکه ورځ تر بلې د طالبانو له لوري د رسنیو پر کار محدودیتونه لګول کیږي. لوراند وايي‌ چې د طالبانو د محدودیتونو او فشارونو له کبله اړ شوی چې د خبریالۍ کار پرېږدي.