د امریکا د کرکټ بورډ نوی اجرائیوي رئیس نور محمد مراد وايي، دی غواړي چې د افغانستان او امریکا ترمنځ د کرکټ په چارو کې همکاري وشي او دواړو ټیمونو ترمنځ د کرکټ لوبې ترسره شي. ښاغلي مراد دا خبرې مطیع الله عابد سره په ځانګړې مرکه کې کړیدي.

د افغانستان او پاکستان ترمنځ د روانو ترینګلتیاو په اړه د افغانستان د تېر حکومت د چارواکي عاطف مشعل سره چې په پاکستان کې سفیر پاتې شوی، ځانګړې مرکه شوې ده.

د کابل د بریښنا شرکت پخوانی رئیس وحیدالله پوپلزی وايي، که په کار کې یې خنډ نه وای راغلی، نو د کابل ښار د بریښنا ستونزه به په بشپړ ډول حل شوې وای.

د افغانستان د ماليې پخوانی وزیر انورالحق احدي وايي چې په سویس کې د افغانستان درې نیم میلیارده ډالره پانګه خوندي ده او په دې اړه هر ډول اندیښنه ناسمه ده. تر دې دمخه د افغانستان د بیارغونې لپاره د امریکا پلټونکې ادارې (سیګار) په سویس کې د افغانستان د امانت صندوق څخه د ناسمې ګټې اخیستنې او طالبانو ته د ور ګرځولو په اړه اندېښنه ښودلې وه. ښاغلي احدي له امریکا غږ سره په ځانګړې مرکه کې ویلي چې یو سلنه هم دا امکان نه ګوري چې د غو پیسو نه دې ناوړه کټه پورته شي. هغه زیاته کړې چې د افغانستان د امانت صندوق تر اوسه ۱۹۰ میلیونه ډالر ګټه کړې ده.

د پوهنتون پخوانی استاد اسماعیل مشعل چې څه موده مخکې په کابل کې د نجونو پر زده کړو د بندیز په غبرګون کې یې اعتراض کړی وو، د امریکا غږ سره په مرکه کې وویل چې طالبانو په زندان کې سخت شکنجه کړی دی. ښاغلی مشعل وايي په ښار کې د خپل درې ورځني اعتراض لپاره یې اجازه ترلاسه کړې وه، خو په دویمه ورځ‌ ونیول شو. د مشعل د زندان کیسه دلته کتلای شئ.

د جمهوري دورې پخواني امنیتي او سیاسي چارواکي محمد معصوم ستانکزي د امریکاغږ سره په ځانګړې مرکه کې ویلي چې په سیمه کې ناامني د افغانستان پرضد د پاکستان د تیرو لسیزو ناکامه سیاستونه دي چې تندلاري نیابتي ګروپونه يی روزل او نن يي خپل هیواد ته خطر پېښ کړی. د ښاغلي ستانکزي په باور پاکستاني طالبان او نورې جنګي ډلې پاکستان روزلي او اوس يي د اختیاره وتلي دي. ستانکزي پدې مرکه کې د افغان طالبانو غوښتي چې د ولس غوښتنو او مشورو ته غوږ ونیسي او د داخلي او نړیوال مشروعیت ترلاسه کولو دپاره د ټولو افغانانو په خوښه نظام جوړ کړي.

د افغانستان او نړۍ د تودو موضوعګانو په هکله د مسولینو، مقاماتو، کارپوهانو او څیړونکو سره ځانګړې مرکې هره چهارشنبه د ماښام ۶:۰۰ بجو څخه تر ۶:۳۰ بجو دقیقو پورې د امریکاغږ په سپوږمکۍ او ډیجیټلي خپرونو کې وګورئ او واورئ.

تېر یو کال کې په پاکستان کې د لویو بریدونو مسولیت داسې ډلو اخیستی دی چې پخوا یې نومونه نه و اوریدل شوي.په ورته وخت کې پاکستان د افغان طالبانو پر حکومت فشار راوړی چې د تحریک طالبان پاکستان پر ضد عمل وکړي. دغې ځانگړې مرکې کې مو د خراسان ویب پاڼې د خبریال افتخار فردوس سره په دی ټولو مسایلو خبرې کړیدي.

په پاکستان کې د تیر کال په اوږدو کې د لویو بریدونو مسئولیت داسې ډلو په غاړه اخیستې چې نومونه یې مخکې نه و اوریدل شوي. دغه نوې ډلې څوک دي او څه موخې لري؟ په دې اړه خبریالې نزرانې یوسفزۍ د خراسان ویبپانې له مدیر مسئول افتخار فردوس سره مرکه کړې ده.

د افغانستان د کرکټ بورډ پخوانی عمومي رئیس نسیم دانش وايي چې د کرکټ په نړیوال جام کې د ملي ټیم د ښه ځلیدو نه پس د لوبغاړو او کرکټ بورډ مسئولیتونه لا نور زیات شوي دي چې ګټلی نوم او مقام له لاسه ورنکړي. له ښاغلي دانش سره مطیع الله عابد مرکه کړې ده.