د نړیوال پرمختګ او د اوبو د زېرمو څېړونکی یار محمد تره کي د امریکا غږ سره په ځانګړې مرکه کې وویل، چې افغانستان د اوبو د زېرمو له اړخه یو بډایه هیواد دی، خو په تېرو کلنو کې په دغه هیواد کې د اوبو په برخه کې له ظرفیتونو ګټه اخیستل شوې نه ده. ښاغلی تره کی وايي، د اوبو مدیریت لا هم یوه ستره ننګونه ده.

د صمدخان اڅکزي د ژوند او فعالیتونو په اړه د هغه د لمسي او لیکوال ایاز اڅکزي سره ځانګړې مرکه شوې چې د صمدخان اڅکزي"زما ژوند او ژوندون" کتاب یې انګریزي ته ژباړلی دی.

د کډوالو د حقونو فعاله منیزه کاکړ وايي پاکستان افغان کډوال د سیاسي ګټو لپاره کارولي دي. کاکړ له امریکا غږ سره په ځانګړې مرکه کې وویل اسلام اباد په نوي اقدام کې پریکړه کړې چې د روان کال د اپریل له نیمايي وروسته د افغانو کډوالو د ایستلو بله لړۍ پیل کړي چې راجستر شوي کډوال هم پکې شامل دي.

امریکا کې د پوهنتون استاد علم خان احمدزی له افغانستان سره د مرستو د کموالي عمده لامل له نړۍ سره د اړیکو دپاره د طالبانو کمزورې پالیسي بولي. ښاغلي احمدزي له امریکا غږ سره په ځانګړې مرکه کې له افغانستان سره د مرستو د کمیدو اغیزې ناوړه ګڼلي دي.

د کانونو د چارو څیړونکي سلطان جان کلیوال امریکا غږ سره په مرکه کې ویلي چې د طالبانو د کانونو او پټرولیم وزارت پرته له دې چې د شرکتونو تخنیکي شرایط مطالعه کړي، د کانونو د کېندلو قراردادونه ورکړي، د افغانستان د کانونو سرچینې تخریب او له منځه وړي. ښاغلی کلیوال وايي طالبان کانونه د پیسو پیدا کولو لپاره پلوري.

د امریکا د ملي دفاع پوهنتون استاد علي احمد جلالي وايي طالبان د ویرې له لارې په افغانستان کې واک چلوي او حکومت نه بلل کیږي. ښاغلي جلالي د امریکا غږ سره په ځانګړې مرکه کې وویل چې د افراطي ډلو سره د طالبانو اړیکې په افغانستان او سیمه کې سرخوږی رامنځ ته کولای شي.

د افغانستان پخوانی لوی څارنوال محمد فرید حمیدي وایي طالبان هیڅ داسې دلیل نلري چې د جمهوریت د دورې د اساسي قانون احکام غیر اسلامي ثابت کړي. حمیدي د امریکا غږ سره په ځانګړې مرکه کې ویلي چې طالبان د خپلو ملګرو او حکومتي غړو جرمونه پټوي خو په عامو خلکو بیا قانون تطبیقوي.

د افغانستان د پوهنې وزارت پخوانۍ سرپرستې رنګینې حمیدي د امریکا غږ د ځانګړو مرکو خپرونې ته ویلي چې د نجونو پر تعلیم د طالبانو د بندیز له امله افغانستان ته د اوښتي زیان جبرانول به لسیزې وخت ونیسي.

د افغانستان پخواني لوی درستیز جنرال شېر محمد کریمي د امریکا غږ سره په ځانګړې مرکه کې وویل، د دوحې تړون په پایله کې طالبان پرته له جګړې واک ته ورسېدل. ښاغلی کریمي وايي طالبانو خپل یو اړخیز حکومت جوړ کړی دی او د افغانستان د خلکو غوښتنې پکې منعکسې نه دي.

د اسلامي چارو شنونکی عبدالقادر قانت وايي د طالبانو د حکومت دنده ده چې عصري زده کړو ته زمینه برابره کړي او یوازې د مدرسو په جوړولو سره نورو زده کړو ته شا نه کړي. ښاغلي قانت د امریکا غږ سره په ځانګړې مرکه کې وویل، د دیني مدارسو جوړولو ترڅنګ عصري زده کړې او د میرمنو زده کړې یوه جدي اړتیا ده.