Hoe nou?!

Su-an bieg dat sy 'n Brug-verslawing tydens die grendelperiode in 2020 ontwikkel het, en Gerhard hou ook amper ongesond baie van bordspeletjies. Waar kom bordspeletjies (soos Monopoly) en kaartspeletjies (soos brug) vandaan? En wat is die gewildste speletjie? Bieg en speel saam!

Waar op aarde kom "die kluts kwyt" vandaan en waarom sal jy vir iemand "in die bresse tree" as jy iemand help? Prof Gerhard verduidelik geduldig, al voel Su-an of sy die kluts kwyt is...

“Swernoot” is een van die oudste skelwoorde wat in Afrikaans opgeteken is. Gerhard verduidelik hoe om dié woord se taboewaarde uit te werk, en Su-an besef dat dié woord gelukkig nie meer dieselfde betekenis het as 200 jaar gelede nie, want sy gebruik dit graag... Vind meer uit - klik hier!

Ons vergeet dikwels van mooi ouderwetse skelname soos skurk en boef, niksnuts en lieplapper, maaifoedie en lunsriem. Su-an en Gerhard gesels oor die woord “feeks” se taboewaarde en waar dié woord vandaan kom.

#skel #vloek #skelnaam #feeks #swernoot #skobbejak

Talle skreeusnaakse meme doen die rondte oor mense se reaksies as hulle iemand hoor hoes of nies. Su-an en Gerhard gesels oor waarom ʼn mens in Engels gewoonlik “Bless you” sê, maar in Afrikaans “Gesondheid”, asook oor die redes waarom ons nies.

Weet jy wat is die verskil tussen 'n pandemie, epidemie, endemie, sindemie en infodemie?

Te midde van die COVID-19-krisis wat tans (Maart 2020) wêreldwyd heers, hoor ʼn mens dikwels woorde soos “epidemie”, “pandemie” en “endemie”. Su-an en Gerhard pluis die terme uit mekaar, sodat almal beter kan verstaan wat die verskille nou eintlik is.

#uitbreking #koronavirus #COVID-19

Die gebruik om te vas speel in baie gelowe en denominasies ʼn sentrale rol in godsdiensbeoefening. Su-an en Gerhard gesels oor hoe een van die gebruike in die Rooms-Katolieke Kerk belangrike kulturele, politieke en ekonomiese gevolge gehad het. #Kos #Kerk #Vas #Vis

Herfstyd in Suid-Afrika bring eiesoortige geregte na ons tafels: gestoofde kwepers en vla; ligte soppe met seisoenale sampioene; konyn- of wildsvoëlpasteie. Dit is ook ʼn tyd wat veral geassosieer word met ingelegde kerrievis, maar wêreldwyd ook met paasbolletjies. Su-an en Gerhard gesels oor waar dié twee geregte vandaan kom.

#herfs #Paasfees #Ramadaan #Vastyd #kos #ingelegdekerrievis; #paasbolletjie

Su-an en Gerhard gesels oor die herkoms van seisoenname, spesifiek oor #herfs en #lente, en hoe dit staan teenoor die Engelse woorde #autumn en #spring. #Seisoene

Daar is baie Afrikaanse woorde vir mans wat rokjagters is, soos casanova, don juan, gigolo, pierewaaier en haantjie. Maar wat noem ons die vroulike teenhanger van ʼn rokjagter? Su-an en Gerhard gesels oor die herkoms van al hierdie woorde en soek saam-saam na ʼn geslagsneutrale term. #Liefdesmaand #Februarie