Hey øll somul :-) 

Studio71 er ein heimasending hjá Hyggjuráðnum, har Pætur fer at viðmæla og ummæla okkurt gott sóttarundirhald til tykkum har heima á sofuni. 

3. sending fevnur um heimildar-heimin! Her eru 5 dokumentar darlings hentaðar úr persónligu skjáttuni :-)

 

Room 237 (Rodney Ascher, 2012)

The Fog of War: Eleven Lessons from the Life of Robert S. MacNamara (Errol Morris, 2003)

Wild Wild Country (Maclain Way & Chapman Way, 2018)

Alene i vildmarken (Danmarks Radio, 2017 --)

Exit Through the Gift Shop (Bansky, 2010)

Hey øll somul :-) 

Studio71 er ein heimasending hjá Hyggjuráðnum, har Pætur fer at viðmæla og ummæla okkurt gott sóttarundirhald til tykkum har heima á sofuni. 

2. sending snýr seg um 5 feitar filmar. Hetta eru 5 filmsperlur hentaðar úr persónligu skjáttuni :-)

 

A Serious Man (Coen beiggjarnir)

There Will Be Blood (Paul Thomas Anderson)

The Square (Ruben Østlund)

Hey øll somul :-) 

Studio71 er ein heimasending hjá Hyggjuráðnum, har Pætur fer at viðmæla og ummæla okkurt gott sóttarundirhald til øll tykkum har heima á sofuni. 

1. sending snýr seg um 5 viðmæli til eina góða sendirøð at hugna sær við. Talan er um "Dark", "Fargo", "BoJack Horseman", "Westworld" og "The Young Pope".

Jane Austin er aftur og aftur tillagað til film, hesaferð er tað skaldsøgan “Emma”, sum er gjørd til film við sama heiti, og Anya Taylor-Joy spælir høvuðsleiklutin sum Emma.

Síðani hava vit aftur eina Stephen King tillaging, í hesum føri “The Outsider”, ein sendirøð í tíggju pørtum, ið byggir á bókina við sama heiti eftir Horror-konginum sjálvum.

Og síðst hava vit donsku spennings-drama sendirøðina “Når støvet har lagt sig”, ið tekur støði í lagnunum hjá átta fólkum áðrenn og aftaná eitt yvirgangsálop í Keypmannahavn.

Guy Ritchie vendir aftur til "cockney gangster" røturnar við krimi-skemtifilminum "The Gentlemen" við Matthew McConaughey í høvuðsleiklutinum. 

Jim Carrey spælir ein barnasjónvarpsvertur í sorgarfullu og skemtiligu sendirøðini "Kidding" á HBO.

At enda ummæla vit "The Invisible Man", ein nýggj tulking av skaldsøguni hjá H.G. Wells, har Elisabeth Moss spælir høvuðsleiklutin.

Hesaferð ummæla vit tveir amerikanskar spælifilmar, "The Call of the Wild" og "Bombshell", og ein Oscar-vinnara, dokumentarfilmin "American Factory".

 "The Call of the Wild" er ein nýggj tulking av klassisku søguni hjá Jack London við Harrison Ford í høvuðsleiklutinum. "Bombshell" er ein samtíðarsøguligur drama filmur, sum snýr seg um "me too" rákið. 

Síðani eru vit flugan á vegginum í eini kinesiskari bilarútaverksmiðju í Ohio, USA, í dokumentarfilminum “American Factory”.

Geytavirðislønirnar vórðu handaðar seinasta leygarkvøld, tá Geytin 2020 var í Norðurlandahúsinum. Átta føroyskir stuttfilmar vóru tilnevndir, og teir vórðu allir vístir leygarkvøldið. 

Tað var eksistentialistiski barna-stuttfilmurin "Hví eru vit her?" hjá Búa Dam og Dánjali á Neystabø, ið vann Geytan. Skerpiwestern stuttfilmurin "Trøllabeiggi" hjá Gudmundi Helmsdal vann áskoðaravirðislønina. 

Gunnvá Zachiariasen, sjónleikari og Hermann Eliassen, miðlafrøðingur, vóru við leygarkvøldið. Tey ummæla vinnarar og hinar tilnevndu filmarnar í Hyggjuráðnum.

Vit ummæla "Klovn the Final", triðja og møguliga seinasta filmin um teir báðar, Casper Christensen og Frank Hvam.

Síðani ummæla vit ógvisliga Netflix-filmin "Uncut Gems". Adam Sandler spælir høvuðsleiklutin, og sum nakað øðrvísi, er hann í einum álvarsamum leikluti. Vit kenna hann annars best sum skemtara.

Síðst, men ikki minst, ummæla vit Suðurkoreanska filmin "Parasite", sum vann fleiri Oscar virðislønir til ársins Academy Awards í Los Angeles.

The Academy Awards vera fyri 92. ferð sunnukvøldið 9. februar í Los Angeles, USA. 24 Oscar virðislønir skulu handast. 

Tiltakið sjálvt byrjar umleið kl. 23.30 sunnukvøldið, og Oscars handanin er so kl. 01.00. 

Níggju filmar eru tilnevndir til besta film. Teir eru: "Ford vs Ferrari", "The Irishman", "Jojo Rabbit", "Joker", "Little Women", "Marriage Story", "1917", "Once Upon a Time in Hollywood" og "Parasite". 

Í Hyggjuráðnum hesaferð tosa vit um filmarnar, sum eru tilnevndir.