Սատանայի հետ երկար պարել չես կարող․ ինչ-որ պահի հոգնելու ես ու սթափությունդ, եթե դեռ լիովին չես սպառել քեզ, արթնացնելու է։ Դեմի Լովատոն թմրանյութերի չարաշահման պատճառով մահվանից հազիվ փրկվելուց հետո ներկայացնում է վերականգնման իր ալբոմ-ճանապարհը, որի կենտրոնում ինքն է ու իր մարդիկ։

Արդեն 1 տարուց ավելի աշխարհն ապրում է համավարակի պայմաններում։ Սահմանափակումները մեծ վնաս են հասցրել հատկապես փոքր ու միջին ձեռնարկատերերին։ Ինչպե՞ս կարելի է ոտքի կանգնել կորոնաշոկից հետո. թեման «Խոշոր պլանում» քննարկել ենք Փոքր և միջին ձեռնարկատիրության համագործակցության ասոցիացիայի նախագահ Ռուբեն Օսիպյանի և ռեստորանների սեփականատեր Վարդա Ավետիսյանի հետ։ 

« Բարթենդերների հետ մարդիկ զրուցում են երեկոյան՝ օրը ամփոփելու , լիցքաթափվելու համար, իսկ բարիստայի գործը մարդկանց արթնացնելն է  ու դա ինձ ավելի է դուր գալիս », - պատմում է Lumen Coffee-ի բարիստաներից Շանթ Ղազարը։  Մասնագետի հետ զրուցել ենք այս աշխատանքի առանձնահատկությունների ,պատահող հետաքրքիր դեպքերի  ու առհասարակ ՝ սուրճի մասին։

Հայկուհու հետ խոսել ենք իր բիզնեսի փակման պատճառներից։ Ու չեք հավատա, բայց Հայկուհին հստակ գիտակցում է, որ իր անհաջողության միակ մեղավորն ինքն է :) 

2 ոսկե և 1 արծաթե մեդալ են նվաճել ԵՊՀ-ին առընթեր Ա. Շահինյանի անվան ֆիզմաթ դպրոցի 11-րդ և 10–րդ դասարանների աշակերտներ Նարեկ Սարգսյանը և Գևորգ Սարգսյանը Ռուսաստանի Վորոնեժ քաղաքում անցկացված «Ռոբոարտ-2021» մրցույթ–փառատոնին։ Մասնակիցների մեծ մասը Ռուսաստանից էին, կային նաև թիմեր Բելոռուսից և Ղազախստանից։ Տղաները ներկայացնում են իրենց նախագծերը և հպարտությամբ նշում, որ երեքն էլ մրցանակային տեղեր են գրավել։ «Խելացի տուն» և «3D մեխանիկա» անվանակարգերում՝ ոսկե մեդալներ են նվաճել, իսկ «Կիբեռնետիկական արվեստ» անվանակարգում արծաթե։

Լանա Դել Ռեյի նոր՝ 7-րդ ստուդիական ալբոմում երգչուհին վերանայում է իր կյանքի որոշումները․ մասնավորապես՝ փառքի ու հայտնիության ճանապարհն ընտրելու ճակատագրական որոշումը։ Առանց դրա, երևի, կյանքը շատ ավելի հեշտ կլիներ։

Բուհն ավարտել ու մասնագիտությամբ գործի անցնել․ յուրաքանչյուր ուսանողի երազանքն է։ Սակայն միշտ չէ, որ դիպլոմը ստանալուց հետո աշխատանք գտնելը սահուն է ստացվում։ Պատճառները բազմաթիվ են, սակայն հիմնական խնդիրներից մեկը կրթության և աշխատաշուկայի միջև թույլ կամ խզված կապն է։ "Edu2work" հարթակը ստեղծվել է բուհ–գործատու անջրպետը վերացնելու համար։ Խոշոր պլանում թեման քննարկում ենք ԿԶՆ ազգային նորարարական կենտրոնի ղեկավար Տիգրան Ճորոխյանի ու Կրթության և զարգացման թիմի ղեկավար Անժելա Մովսիսյանի հետ։ 

Quest Project Isolation-ն առաջարկում է ժամանցի նոր տարբերակ՝ քվեստներ, որոնք հաղթահարելու համար պետք է մարզել միտքը: Սկզբում ձեզ կփակեն մի սենյակում, հետո կհանձնարարեն դուրս գալ :) իսկ դա այդքան էլ հեշտ չի լինելու: Փորձություններն ու առաջադրանքներն ամենուր են, լուծումները՝ ձեր գլխում: 

Ապրիլի 2-ին և 3-ին Սյունիքի մարզի Գորիս քաղաքում տեղի կունենա Ֆորմուլա Գորիս 2-օրյա կոնֆերանսը։ Նպատակներից մեկն է ցույց տալ, որ հնարավոր է կրթվել և հաջողության հասնել՝ ապրելով և աշխատելով Հայաստանի տարբեր համայնքներում։

Դրամական պարգևներ կստանան լավագույն 3 գաղափարները՝ 2000 ԱՄՆ դոլար ընդհանուր մրցանակային ֆոնդով։ Գաղափարները կարող են լինել տարբեր ոլորտներից՝ տեխնոլոգիական արտադրանքներ, ագրոբիզնես, տուրիզմ և այլն։

Կոնֆերանսի և մրցույթի մասին Իմ ռադիոյին պատմել են TCF Armenia (Թի ՍԻ Էֆ Արմենիա) ընկերության համահիմադիրներ, Ֆորմուլա Գորիս նախաձեռնության կազմակերպիչներ Մարիամ Համբարձումյանն ու Գևորգ Պողոսյանը:

Ամենապատասխանատու եւ կարեւոր մասնագիտություններից մեկը՝ ճարտարապետությունը միշտ ակտուալ է ու պահանջված։ «Մասնագիտարան»-ի այս թողարկմանը երիտասարդ մասնագետների հետ փորձում ենք պարզել ինչ առանձնահատկություններ ու դժվարություններ ունի այս գործը Հայաստանում ու ովքեր կարող են դառնալ ճարտարապետ։