Գրաբարյան ձեռագրերն արհեստական բանականությամբ վերծանող ծրագիր է ստեղծել Մոսկվայի Լոմոնոսովի անվան պետական համալսարանի մասնաճյուղին կից Ա. Երիցյանի անվան վարժարանի 11-րդ դասարանի աշակերտ Գոռ Գրիգորյանը: G․A․I ծրագիրը 4 տարբեր մրցույթներում արժանացել է մրցանակի։ Հիմնական դժվարությունը, որին բախվել է պատանի ծրագրավորղը G․A․I․ ստեղծման ընթացքում՝ ձեռագրերում անընթեռնելի կամ վնասված տառատեսակներն են։ Պատահական չէ, որ ծրագիրն անվանել է վերծանիչ, եթե մարդու աչքը չկարողանա տարբերել տառերը վնասված լինելու պատճառով, ապա արհեստական բանականությունն այն կհամեմատի իր տվյալների բազայում առկա տառերի հետ և կգտնի ճիշտ տարբերակը։ Ծրագիրը կատարելագործելուց հետո այն կնվիրի Մատենադարանին։ Իսկ մոտ ապագայում G․A․I․ ոչ միայն համակարգչի, այլև հեռախոսների համար հասանելի կդառնա։

Հանա Ռեյդն իր լավագույն կյանքը չէր ապրում, երբ խումբը դեռ 2017-ին սկսեց աշխատել երրորդ ստուդիականի վրա։ Ինչպես միշտ` արվեստը ծառայեց որպես փրկություն։ Ջեմսեշնների արդյունքում ծնված այս ալբոմում ամփոփված են վերջին տարիների բոլոր կոնտրաստային հույզերը՝ մաժորային ռիթմերով, բայց տեղ-տեղ` շատ մութ բառերով։ Californian Soil-ը բենդի ամենահարուստ ալբոմներից մեկն է, որը ներառում է նեոն-լիթ փոփից մինչև խմբին բնորոշ գոթական տրամադրությամբ բալլադներ։

Նելլիի հետ որոշել եմ հանդիպել Երևանի ամենամարդաշատ վայրում՝ Կասկադում։ Վայրը պատահական չեմ ընտրել։ Ինձ հետաքրքիր էր, թե ինչ արձագանք են տալիս մարդիկ Նելլիին, որովհետև նրա կյանքի ամենամեծ ձախորդություններից մեկը արտաքնի պատճառով աշխատանք գտնելու դժվարությունն է։

Նելլին պարզապես մյուս աղջիկների նման չէ։ Այո։ Նելլին տարբերվում է իր արտաքին տեսքով և հագնվելու ոճով։ Նելլին ոչ սովորական արտաքնի պատճառով երկար ժամանակ չի կարողացել աշխատանք գտնել։

Նելլին արտասովոր արտաքնից չի նեղվում, պահ եկել է, որ մտածել է՝ կարող է՞ սկսեմ բարձրակրունկներ հագնել, մազերս երկարեցնել, դիմահարդարվել, որ կարողանամ աշխատանք գտնել, բայց որոշել է մի անգամ էլ փորձել։ Ստացվել է։

Երևանի կենտրոնում գտնվող բուհերը քաղաքից դուրս հանելու և նոր՝ ակադեմիական քաղաք կառուցելու վարչապետի հայտարարությունը բանավեճերի առիթ տվեց։ Հնարավո՞ր է արդյոք Հայաստանում ստեղծել նման միջավայր, ի՞նչ նախադրյալներ կան դրա համար. «Խոշոր պլանում» թեման քննարկում ենք ԳԱԱ Գիտակրթական միջազգային կենտրոնի դեկան Ատոմ Մխիթարյանի և Մալմոյի համալսարանի շրջանավարտ Ռուզաննա Բալդրյանի հետ։ 

Ապրիլի 17-ին կկայանա Երիտասարդ գրողների ընտանիքի առաջին գրական միջոցառումը։ 

«Հոտերի տարբերակում արհեստական բանականության կիրառմամբ» Քվանտ վարժարանի թիմի նախագիծը հաղթել է Հայկական համադպրոցական գիտության փառատոնին՝ դառնալով առավելագույն միավոր ստացած 2 նախագծերից մեկը։ Վարժարանի 12–րդ դասարանի աշակերտ, թիմի անդամ Դավիթ Գյուլամիրյան պատմում է, որ երեք համադասարանցիներով, ֆիզիկայի ամբիոնի մասնագետ Գրիգոր Աղաբաբյանի գլխավորությամբ դեռ 2019 թվականի ավարտին են սկսել աշխատել արհեստական քթի ստեղծման ուղղությամբ։ Կորոնավիուսային համաճարակը դանդաղեցրեց աշխատանքները, բայց ընկերներով համախմբվելով կարողացան ավարտել հոտեր տարբերակող սարքի պատրաստում։

R&B արտիստ Գիվեոնը հասցրել է լավ սերտել ցավը երաժշտության փոխարկելու արվեստը։ Նոր ստուդիականը բաժանումից հետո սկսվող հույզերի քարտեզ է, որի վերջին կանգառը խտացված զգացողությունների կիզակետ է։ Վինտաժային ձայնի ներդաշնակությունը թրեքերի մելոդիկ գործիքավորումների հետ թույլ է տվել ստեղծել սոուլի դասական սկավառակ։

Հաճախ բույրը մարդու մասին պատմում է ավելին, քան արտաքինը կամ բնավորությունը, բույրերը մեզ կարող են տեղափոխել ուր ասես, անգամ մանկություն․ պարֆյումեր Ծովակ Ոսկանյանն ինքն է վերստեղծել իր մանկության բույրը, մեկ տարվա աշխատանքի արդյունքում նա կարողացել է ստանալ իր տատիկի պահարանի բույրը։ Նա մեզ հյուրընկալել է իր լաբորատորիայում , պատմել իր խորհրդավոր աշխատանքի մասին ու ծանոթացրել իր բույրերի աշխարհին։

Տաթևն ու իր թիմը ինչ-որ պահի հասկացան, որ նորաստեղծ ստարտափում մի մե՜ծ ֆեյլ են թույլ տվել։ Ցայտնոտի մեջ չընկան, միանգամից չորոշեցին, որ պետք է ամեն բան հավաքել, դնել մի մեծ գեղեցիկ փայտե տուփի մեջ և պահել խորդանոցում։ Սառը դատողությունն օգնության հասավ։

Տաթևի ու իր թիմի ֆեյլը մի քանի անգամ հետ գցեց աշխատանքները։ Որակապես գուցե չտուժեցին այդքան, բայց եթե չլիներ այդ դեպքը, մի քանի անգամ ավել արդյունք կունենային, մյուս կողմից էլ հետագայում գուցե ավելի մեծ նախագծերի ժամանակ նման սխալ թույլ տային։

Արդեն մեկ տարի է, ինչ գործում է Safe YOU հայկական հավելվածը, որի նպատակն է կանխարգելել կանանց նկատմամբ բռնությունը։ Հավելվածը ներբեռնելով հեռախոսի մեջ պետք է գրանցվել և վտանգի դեպքում սեղմել HELP կոճակը։ Այն ունի նաև ավտոմատ ձայնագրման համակարգ և քննարկումների հարթակ։ Վերջերս Forbes պարբերականն անդրադարձել էր Safe YOU հավելվածին՝ ներկայացնելով վրաց կնոջ պատմությունը: Իմ ռադիոյի ստուդիայում զրուցել ենք ԵՊԲՀ առողջապահական իրավունքի խմբի դասախոս, իրավագետ, Safe YOU–ի համահեղինակ Մարիամ Թորոսյանի հետ։