Batzuetan, tarteka bada ere, gertatzen da lanak bizitzarako irakasbideak eskaintzen dizkigula.   Lezioak, esango nuke, lezio berbak gehiegi erakartzen ez nauten tradizio pedagogikoetara hurbilduko ez banindu. Badakizue, dakienak ez dakienari zerbait azaltzea eta hori dena. Ez zait orohar bereziki erakargarria egiten. Baina hala ere, batzuetan bai, batzuetan lezioak jasotzen ditugu.

Espainiar Estatuaren birzentralizazio mehatxu berrien harira Maddalen Iriarte, Gasteizeko legebiltzarrean EH Bilduko bozeramalea, elkarrizketatu dugu Gakoa saioan. Bere hitzetan, «geroz eta argiago geratzen ari da euskaldunok Estatu propioa behar dugula». Iriarteren hitzetan, gaur gaurkoz «espainiako Estatua 155. artikulua da».

Xabier Erro (Lesaka, Nafarroa, 1946) mendizale eta alpinista ezaguna hil egin da, Hondarribiko bere etxean eta bera oroitzeko, Felipe Uriarte bere laguna eta mendizalea ere bai elkarrizketatu dugu Gakoa saioan.

Puigdemonten atxiloketak eta ostiraleko espetxeratzeek haserrea areagotu dute Kataluniako jendartearen parte zabal batean eta atzoko protestak horren adibide argia dira. Hedabide espainiar batzuk ordea, independentismoaren mobilizazioak geroz eta “biolentoagoak” direla nabarmendu du nahi izan dute, protesta kriminalizatze aldera. Baina zenbatekoa izan zen atzoko biolentzia Kataluniako kaleetan? Eta noren aldetik? Poliziak ez al zuen biolentzia hori hauspotu?

Aste Santuko oporren atarian, kontzientzaik astintzeko asmoarekin etorri zaigu gaur Onintza Enbeita. Oporren kontrako apologia egiteko inolako asmorik gabe, Aste Santuko jai egunen harira hausnarketa proposatuko digu gaur, Gakoa saioan.

“Mugarik gabeko euskara, ofizialtasuna!”. Lelo hori izango du larunbat honetan, martxoaren 24an, Iruñeako kaleak zeharkatuko dituen manifestazioak. Euskal Herrian Euskarazek egin du deialdia, eta bertako Azaitz Gartziak azaldu digunez, oraindik ere “gure eguneroko jardunean euskaldunoi mugak” ezartzen zaizkigula salatzeko asmoa dute.

Eguneko lehen puntua pobreziaren kontrako borrokari eskainiko diogu gaur Gakoa saioan. Izan ere, «pobreziarik eta bazterketarik gabeko herri baten alde» deituriko manifestua helarazi diote gaur, Bilbon, Iñigo Urkullu EAEko lehendakariari. Jaurlaritzak Bilbon duen egoitza atarian elkarretaratzea egin dute «pobreziaren kontrako manifestua» sinatu duten eragileetako kideek eta bertan, Lakuako Gobernuak Diru Sarrerak Bermatzeko Errentan egin asmo duen erreforma salatu dute, «murrizketak ekarriko dituelako».

“Hau ez da gure hezkuntza!” lemapean greba eta mobilizazio eguna izan da gaur Euskal Herriko ikastetxeetan Ikasle Abertzaleakek deituta. "Euskal Herriko langile klasearen beharretara eraikitako hezkuntza" baten aldeko greba izan da gaurkoa. Hego Euskal Herriko ikastetxe ezberdinetan mobilizazioak izan dira. Eguerdian izan dira mobilizazio edo manifestaizoa nagusiak Iruñean, Donostian, Bilbon, Gasteizen, Markiñan, Lizarran, Laudion, Gernikan edota Beasainen.

Deigarriak egiten zaizkit, EAEn batez ere, edozein hauteskunde inkesta edo emaitzen aurrean, EH Bildutik egiten diren irakurketak: “erabakitzeko eskubidearen aldekoak gehiengoa garenez” edo “nazio honen aitortzaren aldekoak  nagusitasuna dugunez”, “hau edo bestea egin behar dugu”. Gero, behin eta berriro ikusi den moduan, beste alderdiek egin beharko luketen hori ez dutenez egiten, kontraesanetan aritzea egozten zaie. Gehiegitan, umearen kasketaren tonua duen “baina zuk hau esan edo sinatu duzu eta beste hori egiten duzu” bezalako baieztapenarekin amaitzen da bidea.

Guardia Zibilak egindako atxiloketen inguruko hausnarketarekin ekin diogu gaur Gakoa saioari eta horretarako, Miren Zabaleta, Oihana Garmendia eta Olatz Dañobeitiarekin batera goizean atxilotu duten Antton Lopez elkarrizketatu dugu.