A actualidade do día en Noticias 13.30h na Radio Municipal de Tui

O Colectivo Contra a Moción de Censura en Tui fixo público onte un novo manifesto titulado "Unha gran mentira” . Ao tempo convocan á cidadanía a unha reunión o luns ás 20h na Sala Félix Rodríguez, á unha mobilización o martes 16 ás 20h na praza do concello, e o mércores 17 ás 12h a asistir ao pleno onde se debaterá a moción de censura.

As tres corais tudenses San Telmo, Ponte das Febres e Centro Sociocomunitario serán as protagonistas do Festival de Outono de Corais de Tui que se celebrará o próximo mércores, 11 de outubro, ás 20h no Teatro Municipal. Foi presentado esta mañá na casa do concello.

A actualidade deste xoves, 5 de outubro de 2017, en Noticias 13.30h.

A Guarda presentou onte as súas xornadas Diálogos en Educación, que este ano se celebran en outono, e non en verán como se viña facendo nas anteriores edicións.

Serán durante catro venres e a primeira cita terá lugar o 27 de outubro da man de Juan José Bueno Aguilar, profesor na Universidade da Coruña no departamento de pedagoxía e didácticas. Nesta ocasión o tema a tratar será “O multiculturalismo nas aulas, problema ou oportunidade”.

A actualidade deste mércores, 4 de outubro de 2017, en Noticias 13.30h.

A Guarda acollerá dende mañá ata o sábado a primeira Feira de Emprego e Formación “Imaxinactívate” cun amplo programa de obradoiros, no que as prazas están completas, charlas e mostras orientados ao emprendemento e á mellor empregabilidade das persoas con ideas de novos negocios ou en busca dunha nova filosofía de traballo.

O concelleiro de Formación e Emprego, Javier Crespo, explicaba cales son obxectivos desta iniciativa que fará fincapé no financiamento e no traballo colaborativo.

O IES Antón Alonso Ríos acolle estes días unhas xornadas para poñer de relevo a vida do persoeiro do que toma o seu nome e que inclúe conferencias, a proxección dun documentario e unha exposición. Natalia Jorge é a comisaria desta última e contounos o que alí se pode atopar sobre a figura de Alonso Ríos.

A actualidade deste martes, 3 de outubro de 2017, en Noticias 13.30h

A actualidade deste luns, 2 de outubro, marcada pola presentación dunha moción de censura en Tui en Noticias 13.30h