A actualidade deste venres, 22 de setembro de 2017, en Noticias 13.30h, coas cita da fin de semana e a información deportiva.

A antiga Escola de Chans en Randufe acolle o Centro Comarcal de Alzheimer grazas ao convenio entre AFAGA e o Concello de Tui. Ao longo de todo o ano nel, segundo explicou o concelleiro de Servizos Sociais, Laureano Alonso, trabállase coas persoas que sofren esta doenza. Amais iluminouse a Área Panorámica de morado co gallo deste día mundial, e mañá chega a Tui Reta3 Movámonos polo Alzheimer.

A actualidade deste xoves, 21 de setembro de 2017, en Noticias 13.30h

Son varias as liñas nas que está a traballar a Oficina de Rehabilitación que o pasado mes de xullo abriu as súas portas no Concello de Tui. Lembramos que atende ao público os xoves de 9 a 14h no departamento de Urbanismo.

Unha das liñas na que traballa é a información as axudas ou subvencións existentes en cada momento, segundo informa a concelleira de Patrimonio, Carmen Núñez. Arestora está aberta a convocatoria de axudas para a instalación de ascensores e outros dispositivos de accesibilidade para vivendas

A actualidade de Tui e do Baixo Miño deste mércores, 20 de setembro de 2017, en Noticias 13.30h.

Esta fin de semana rexistráronse novas pintadas no conxunto histórico de Tui no entorno da igrexa de San Telmo. Desgraciadamente non son actos illados senón que se repiten con demasiada frecuencia. A concelleira de Patrimonio, Carmen Núñez, apuntou hoxe que é desalentador o vandalismo que se rexistra de xeito reiterado na cidade histórica e tamén noutros puntos da cidade, que xeran amais un gasto importante en reposición de elementos, e tamén na limpeza de pintadas. Arestora están a estudar a posibilidade de colocar cámaras de vixilancia.

As autoridades de inspección ambiental de Galicia e Portugal están a levar a cabo unha xornada de formación na sala Félix Rodríguez no edificio da Área Panóramica en Tui.

Trátase dunha acción dirixida aos axentes de ambos países que colaboran no control do traslado de residuos transfronteirizos co obxectivo de informar dos principais cambios normativos e dos protocolos de actuación.

Datos positivos do turismo este verán en Tui. Así se desprende dos datos de consultas recibidas na Oficina Municipal de Turismo. Máis de 34 mil persoas se achegaron ata este punto de información nos meses de xuño, xullo e agosto. Son 2 mil máis que no mesmo período de 2016.

A actualidade de Tui e do Baixo Miño na Radio Municipal de Tui

A actualidade deste luns e os resultados deportivos da fin de semana en Noticias 13.30h.