A actualidade deste venres, 15 de setembro, as citas da fin de semana e a información deportiva en Noticias 13.30h

As pistas de tenis de Areas en Tui e de Valença acollen dende mañá ás 17h e ata o 1 de outubro o IV Torneo de Tenis da Eurocidade organizado polo club Tenis Tui. Hoxe na presentación avanzaron que teñen 200 inscritos tanto de Galicia coma de Portugal.

A praza de Frómista, no corazón do conxunto histórico, acolle este sábado a partir das 20.30h a festa despedida do verán en Tui organizada polo Betún coa colaboración do Concello. A música de Best Boy e dj Funkente, a gastronomía de Cociñarte e o viños Bimbio maridaranse nunha noite especial que foi presentada esta mañá.

A actualidade deste xoves, 14 de setembro, en Noticias 13.30h na RMT

Durante a xornadas de onte e a de hoxe o Concello de Tomiño participa no IV Congreso Internacional de Cidades Amigas da Infancia, que se está a celebrar en Madrid baixo o título “Acción Local para la Agenda 2030”.

Esta mañá puidemos falar con Sandra González, alcaldesa de Tomiño, que está a asistir a este congreso acompañada do persoal técnico de educación do Concello, e que nos comentou a súa experiencia durante a xornada de onte.

Este sábado celébrase a andaina polo Camiño Portugués pola Costa dende Caminha ata Tui organizada por Iacobus Tui. Oferta dous percorridos, o máis longo de 34 quilómetros de Caminha a Tui, e outro máis curto de 17 quilómetros de Vila Nova de Cerveira a Valença. A inscrición, gratuíta, está aberta ata mañá xoves ás 23.59h. A presentación tivo lugar esta mañá.

A actualidade deste mércores, 13 de setembro, en Noticias 13.30h na RMT

Os Roteiros Literarios son unha iniciativa do Servizo de Cultura e Lingua da Deputación de Pontevedra e da Asociación de Escritores e Escritoras en Lingua Galega que chega esta fin de semana a Tui coa proposta “Roteiro Aloia Máxico, Mítico e Lendario”.

O Monte Aloia será o protagonista do paseo literario que se vai celebrar o sábado e que foi presentado esta mañá coa presenza do alcalde de Tui, Enrique Cabaleiro, o concelleiro de Eurocidade, Miguel Ángel Capón, o concelleiro de Medio Ambiente, José Martínez Tato, o concelleiro de Turismo, Laureano Alonso, o deputado de Cultura e Lingua, Xosé Leal e a escritora Marta Dacosta en representación da AELG.

A actualidade de Tui e do Baixo Miño deste martes, 12 de setembro de 2017, en Noticias 13.30h

A actualidade deste luns, marcada polo inicio do novo curso escolar, en Noticias 13.30h