Esta mañá reuniuse en Tui a Xunta Local de Seguridade presidida polo alcalde de Tui e a subdelegada do goberno en Galicia, coa presenza da Policía Local, Policía Nacional e a Garda Civil. Na mesma repasouse a situación de seguridade no Concello de Tui no que o nivel de delictos e faltas diminuiu, pero segue a preocupar as consecuencias do ocio nocturno, para o que a subdelegada do goberno amosou a súa colaboración.

Indicou o alcalde que neste tema vai haber firmeza por parte dos corpos e forzas de seguridade do estado e do propio concello levando a cabo medidas para solucionar os problemas derivados do ocio nocturno. Outro dos temas abordados foi a violencia de xénero.

26.928 peregrinos chegaron no mes de abril a Santiago, segundo os datos da Oficina de Acollida do Peregrinos. Deste total 6.213, o 23,07% realizaron o Camiño Portugués.

De Tui partiron en abril 1.648 peregrinos e 1.126 fixérono de Valença, co que en total a Eurocidade sumou 2.774 peregrinos.

O alcalde de Tui, Enrique Cabaleiro, fixo unha valoración moi positiva que ven refrendar o crecemento exponencial do Camiño, e que este é un dos elementos singulares e identificativos do Concello o que esixe actuar con melloras no Camiño, e facer un chamamento á corresponsabilidade ao sector privado neste ámbito.

A actualidade deste mércores, 3 de maio, en Noticias 13.30h

A actualidade do día en Noticias 13.30h coas citas para a fin de semana e a información deportiva

A Deputación de Pontevedra trasladou hoxe a súa campaña "Degusta Europa" ao mercado municipal de Tui. A partir das 12 horas os tudenses e visitantes puideron degustar petiscos elaborados polos alumnos do CIFP Manuel Antonio para promocionar o Camiño e a gastronomía local.

A presidenta da Deputación, Carmela Silva, visitará Tui o vindeiro luns día 8 de maio para reunirse co alcalde de Tui, Enrique Cabaleiro e tratar novos investimentos ao redor do Camiño de Santiago. Así o adiantou esta mañá aos micrófonos da Radio Municipal de Tui na súa visita ao acto de promoción das rutas xacobeas que hoxe tivo lugar no mercado municipal. Carmela Silva adiantou polo tanto que nese acto do día 8 de maio trataranse os investimentos da Deputación en Tui e especificamente o apoio e promoción do Camiño Portugués ao seu paso pola cidade xa que, dixo, Tui é o "corazón do camiño" e contará con todo o apoio da administración provincial.

A actualidade deste xoves, 27 de abril, en Noticias 13.30h.

242 persoas participarán este domingo no II Trail Monte Aloia cun percorrido de 25 quilómetros para o trail e de 15 para o minitrail. O percorrido será en gran parte por territorio do Parque Natural do Monte Aloia. A organización corresponde á Asociación Cultural Virxe da Dores

Esta proba foi presentada esta mañá polo concelleiro de Deportes e Turismo, Laureano Alonso, xunto a José Villaverde e Rafael Estévez, membros da organización.

Balance moi positivo das festas de San Telmo 2017 que onte remataron e que ao longo de dez días ofreceron un amplo abano de actividades para todos os públicos. O propio alcalde, Enrique Cabaleiro, fixo un balance positivo destes festexos, en declaracións á RMT, donde quixo agradecer o traballo e colaboración de todos os que fixeron posible estas festas.

A actualidade do día en Noticias 13.30h na Radio Municipal de Tui