Informativos

A Plataforma en Defensa da Sanidade Pública de Tui reclama que non sexa suprimida a praza de Traballo Social, na Unidade de Saúde Mental do Centro de Saúde de Tui, na que se presta atención aos concellos de Tui, Tomiño, A Guarda, O Rosal, Oia e Salceda de Caselas.

Así o explicaba hoxe Conchi Martínez da Plataforma en Defensa da Sanidade Pública de Tui, quen explicaba que hoxe é o último día no centro tudense da persoa que ocupaba até o de agora a praza. Tamén deu conta de como está o Centro de Saúde ante a chegada do verán.

Con Enrique Cabaleiro, alcalde de Tui e voceiro do PSOE, pechamos hoxe a rolda de conversas cos representantes da corporación municipal de Tui, con motivo dos dous anos dende que se celebraron as eleccións municipais.

Estas son as principais novas que recollemos en Noticias 13.30 h:

- Dezaoito puntos conforman a orde do día do pleno que hoxe, ás 20 h, celebra a corporación municipal de Tui

- Nico Montes, voceiro do Partido Popular,valora os dous anos transcorridos do actual mandato

- Protección Civil de Tui recibirá a medalla ao mérito na categoría de prata pola participación no continxente galego desprazado a Valencia tras a DINA

- 21 centros educativos participan a próxima semana en Tui no congreso EducODS

- Os Trastornos da Conducta Alimentaria centran a primeira charla hoxe das Xornadas Educativas organizadas polas ANPA’s de Tui

- A percusión protagonista hoxe do concerto de fin de Grao no Conservatorio tudense

- O campo Álvarez Durán acolle esta fin de semana a Amura Galician Rising Stars Cup

Baixo o título "As comunidades de montes fronte aos grandes incendios forestais", FIREPOCTEP+ organiza no Auditorio de Goián unha xornada, o sábado a partir das 9.30 horas na que analizará o papel fundamental das comunidades de montes na prevención de incendios, entre outras cuestións. Así nolo contou hoxe Juan Picós, coordinador de FIREPOCTEP+.

Hoxe continuamos coa rolda de conversas cos representantes da corporación municipal de Tui, con motivo dos dous anos dende que se celebraron as eleccións municipais, con Nico Montes, voceiro do PP.

Estas son as principais novas que recollemos en Noticias 13.30 h:

- Mañá ás 20 h terá lugar o pleno ordinario da corporación municipal de Tui con 18 puntos na orde do día

- Un veciño de Tui, de 70 anos, faleceu onte á tarde no Paseo da Corredoira

- Carmen Núñez, voceira do BNG, valora os dous anos transcorridos do actual mandato municipal tras as eleccións celebradas o 28 de maio de 2023

- As IV Xornadas Educativas organizadas polas ANPAS de Tui inaugúranse mañá ás 19 h cunha charla sobre prevención de TCA

- Hoxe comeza o curso "Da perda á esperanza" na Aula da UNED

- O Club Naútico San Telmo de Tui organiza un campamento de verán do 30 de xuño ao 14 de xullo

- Mañá preséntase o II Amura Galician Rising Stars Cup no Álvarez Durán

Hoxe proseguimos coa rolda de conversas cos representantes da corporación municipal de Tui, con motivo dos dous anos dende que se celebraron as eleccións municipais, con Carmen Núñez, voceira do BNG.

Estas son as principais novas que recollemos en Noticias 13.30 h:

- 18 puntos conforman a orde do día do pleno ordinario que este xoves celebra a corporación municipal de Tui

- José Palacín, concelleiro non adscrito en Tui, fai balance dous anos de mandato tras as eleccións municipais de 2023.

- A tudense Eva é unha das 30 integrantes no Consello Autonómico de Infancia e Adolescencia

- Xornada de Portas Abertas e Campamento de Verán na Escola da Banda de Música de Tui

- O tudense Alfonso Ferreira vén de realizar parte do Camiño Jeju Olle en Corea do Sul.

- Charla sobre acoso escolar, contacontos, concerto de fin de grao, e cinema citas para hoxe en Tui

- Sara Tui campioa da Women's Euro Beach Soccer League, coa selección española

Hoxe comezamos unha rolda de conversas cos representantes da corporación municipal de Tui, con motivo dos dous anos dende que se celebraron as eleccións municipais.

Comezamos con José Palacín, concelleiro non adscrito.

Estas son as principais novas que recollemos en Noticias 13.30 h:

- Un menor resultou ferido de gravidade onte pola tarden nun accidente de tráfico en Guillarei

- O vindeiro 9 de xuño comezará no IES Indalecio Pérez Tizón un curso AFD, Acción Formativa para Desempregados, de Actividades Auxiliares de Comercio

- Galitoon presenta mañá o espectáculo de contos e monicreques “Os descontacontos” en Tui

- “Morte entre as flores” dos irmáns Cohen é a película que proxecta mañá o Cineclub Tui

- David González Mella quinto na Copa do Mundo de Sprint e Paracanoe

- Quinto posto en grupos Show Grandes para o Club de Patinaxe Artístico Ribex no Campionato de Europa de Patinaxe

- ...