Tui acolleu esta mañá o Encontro das Oficinas de Emprego Transtronfeirizas. Así o contamos en Noticias 13.30 h. Amais recollemos a celebración de plenos infantís coincidindo co Día Mundial da Infancia. Robín Trigás, que hoxe ás 19.30 h inaugura exposición na Sala Municipal de Tui fíxonos un avance da obra que amosa. Outras citas do día forman parte deste tempo de información que pechamos dando conta da creación da asociación Callejeiriños Tudenses.

Hoxe mércores, ás 20 h na Sala Municipal de Exposición, presentarase o libro "Silverio Rivas" editado pola Fundación Xoán Piñeiro, dentro da colección Nerga. En Noticias 13.30 h falamos con Xesús Vázquez, presidente da Fundación Xoán Piñeiro, desta publicación que hoxe se presenta en Tui.

Un espectáculo con improvisación e participación do público. Así será a charla "A Ciencia da adolescencia" que hoxe ás 19 h ofrecerán na Sala Félix Rodríguez en Tui a actriz Arantxa Treus e a divulgadora científica Leticia Costas. Esta última explicounos que non se trata dunha charla ao uso, e que vai dirixida dende aos propios adolescentes coma ás familias.

Abrimos Noticias 13.30 h coñecendo o traballo que realiza o equipo VioGén da Garda Civil. Falamos con Leticia Costas da charla en clave de humor sobre o cerebro adolescente que hoxe ofrecerá, xunto a Arantxa Treus, ás 19 h, na Sala Félix Rodríguez, e con Xesús Vázquez, presidente da Fundación Piñeiro, sobre a presentación do libro sobre Silverio Rivas, ás 20 h na Sala Municipal de Exposicións. Recollemos tamén outras novas coma o Certame de Rondallas, a actividade da aula da UNED ou o pecha da inscrición esta noite para a Urban Trail Night Eurocidade.

Mañá mércores, ás 20 h, na Sala Municipal de Exposicións, terá lugar a presentación do libro sobre Silverio Rivas editado polo Fundación Piñeiro dentro da colección Nerga. O libro conta co patrocinio do Concello de Tui. A concelleira de Cultura, Sonsoles Vicente, destacou a importancia desta publicación dun artista que é todo un referente.

Abrimos o Noticias 13.30 h deste martes coñecendo os recursos que están a dispor das vítimas de violencia de xénero e do seu entorno. A concelleira de Cultura, Sonsoles Vicente, deu os detalles da presentación en Tui do libro sobre Silverio Rivas. A tudense Andrea González é a primeira muller que preside Xuventudes Musicais de España. As citas co cinema e a música, e o deporte co novo título de Sara Tui e a Urban Trail Night completan este tempo de información.

A programación do 25N do Concello de Tui abre hoxe o Noticias 13.30 h deste luns. Amais damos conta da reunión entre o alcalde de Tui e o bispo da diocese para abordar, entre outros temas, os actos conmemotivos do 800 aniversario da Catedral en 2025. Damos conta tamén da campaña da Gran Recollida do Banco de Alimentos, e da campaña “Gnomos e bufandas” de Diversidades Acolle. Outras novas de Tui e da comarca e o deporte completan este tempo de información.

En Noticias 13.30 h abrimos lembrando que o domingo pecha o programa de mentoring para o comercio local que se vai celebrar nas próximas semanas en Tui. A crónica de sucesos lévanos até Valença. Tui foi recoñecido con dúas flores no certame Vilas en Flor, cuxos premios foron entregados este mediodía. Recollemos tamén todas as citas da fin de semana en Tui e no Baixo Miño e as novas deportivas.

Ata este domingo está aberto o prazo de inscrición no Programa de Mentoring Dixital para o comercio local que organiza o Concello de Tui. A concelleira de Comercio, Ana Núñez, deu conta dos obxectivos e de a quen vai dirixido. As persoas interesadas deben presentar a súa solicitude por rexistro de entrada na casa do concello ou a través da sede electrónica.

En Noticias 13.30 h volvemos hoxe de novo a nosa mirada informativa cara as zonas afectadas pola DINA. Neste caso facémolo a través da voz da farmacéutica tudense Marta Morais que vive en Valencia. Amais recollemos citas destacadas coma a presentación hoxe ás 20 h da tradución ao galego de "Carmen de Cometa" de Francisco Sánchez, que realizou Laureano Alonso. Amais coñecemos máis polo muído coa concelleira de Comercio Ana Núñez o programa mentoring dixital para o comercio local. Outras citas e o deporte completan este tempo de información.