O próximo luns haberá pleno en Tui con 20 puntos na orde do día nos que destacan a aprobación inicial ou modificación de ordenanzas así coma os de carácter económico. Con esta nova abrimos hoxe Noticias 13.30 h. No informativo de hoxe a música é protagonista polos concertos das festas de San Telmo, pero tamén falamos da Semana Santa, de moda e do deporte.

Árdora é o nome da nova colección de calcetíns da empresa tudense SomosOcéano. Inspirada na outra beira do Miño presenta deseños con cores sólidas e vibrantes, texturas e fíos metalizados. Falamos con Ana Carpintero desta nova colección que se suma ás dedicadas ao cinema con Pedro Almodovar ou Alex de la Iglesia, ao do Xabarín Club.

O CPA Ribex fixo historia o pasada sábado ao lograr a medalla de bronce no Campionato de España de Grupos Show Grandes. É o primeiro club galego en subir ao podio nun nacional destas características. Este terceiro posto dalles paso directo ao Mundial que terá lugar en Italia en setembro.

Play Doc celebrará do 1 ao 5 de maio unha edición moi especial xa que cumpre 20 anos. Hoxe o festival anunciou a primeira das retrospectivas que estará dedicada a William Friedkin, director de French Conection ou O Exorcista. Contounolo Ángel Sánchez, codirector de Play-Doc.

O Concello de Tui adxudicou a redacción da Ordenación dos Solos Urbanizables de Pazos de Reis. Con esta nova abrimos hoxe Noticias 13.30 h. As festas de San Telmo son protagonistas polo Premio Cidade de Tui á Asociación Amigos da Catedral e polos concertos do sábado de Fillas de Cassandra, Quinkillada e Dj Amarok. A retrospectiva de Play-Doc, e o bronce no nacional do CPA Ribex forman parte tamén do informativo de hoxe.

Tradición e innovación danse a man na Festa do Meixón que mañá comeza en seis restaurante de Tui e que foi presentada este mediodía. Así o contamos en Noticias 13.30 h onde amais recollemos as palabras da enóloga tudense Susana Esteban Premio Cidade de Tui 2024, as citas e o deporte.

Mañá preséntase a Festa do Meixón, que será unha das citas gastronómicas das Festas de San Telmo. Así o recollemos en Noticias 13.30 h xunto as citas do día como o encontro coa escritora Inma López esta tarde en Tui, a carreira solidaria do CEIP de Guillarei, a presentación do poemario da tudense Paula Fernández Varela, ... e o deporte.

Restan dez días para o inicio das festas de San Telmo en Tui. En Noticias 13.30 h falamos do inicio do programa festivo o próximo día 30, da oferta musical e gastronómica.

Amais buscamos outras citas para estes días coma a actividade do Espazo Xove, a Carreira Solidaria do CEIP de Guillarei ou a terceira xornada de Mulleres Migrantes na aula da UNED. Completamos coa información deportiva.

Un total de dez adegas van participar o sábado 30 e o domingo 31 de marzo no III Encontro de Viños da Raia na praza da Inmaculada. O evento, que forma parte das festas de San Telmo, foi presentado este mediodía. Así o contamos en Noticias 13.30 h. Haberá viños brancos, tintos e espumosos pero tamén gastronomía.

As festas de San Telmo protagonizan hoxe boa parte do Noticias 13.30 h. Recollemos as palabras do alcalde, Enrique Cabaleiro, e da concelleira de Cultura, Sonsoles Vicente, sobre os festexos. Amais a enóloga Susana Esteban e a Asociación Amigos da Catedral recibirán o Premio Cidade de Tui 2024. Este mediodía presentouse o III Encontro de Viños da Raia. Tamén hai outras novas e o deporte.