A concelleira de Ensino, Sonsoles Vicente, fixo esta mañá balance positivo do que foi a quinta edición do Congreso EducODS que impulsa o CEIP nº1 de Tui, e no que participaron 21 centros educativos.

Conversamos con ela dende o acto de clausura.

Estas son as principais novas que recollemos en Noticias 13.30 h:

- Tui e a Eurocidade Tui-Valença, presentes na 47ª Feira Internacional Abanca Semana Verde de Galicia de Silleda

- Hoxe conclúe o V Congreso Educativo EducODS

- A portavoz nacional do BNG, Ana Pontón, visitou hoxe Tui varias entidades do - parque empresarial de Areas

- O paseo fluvial de Tui acolle esta tarde a graduación do alumnado do IES San Paio

- Hoxe comezan as Galimpiadas na ribeira de Caldelas

- Mañá poderá visitarse o Cabo Fradera con motivo do Día das Forzas Armadas

- Festival de San Antón, Festival de Primavera de Canto Coral e Música Tradicional, e Mes Cultural en Paramos entre as citas para a fin de semana

- O Judo Club Tudense celebra a súa exhibición de fin de curso este domingo no pavillón municipal

- Información deportiva

O Concello de Tui está presente até este domingo na 47ª Feira Internacional Abanca Semana Verde de Galicia que foi inaugurada onte en Silleda. A cidade conta cun posto propio e no da Eurocidade Tui-Valença.

A concelleira de Turismo tudense, Ana Núñez, explicou como foi a primeira xornada e as actividades que se desevolverán nesta feira.

Ao redor de 80 alumnos e alumnas do Conservatorio de Tui participarán no concerto de fin de curso que terá lugar esta tarde, ás 20.00 horas, no Teatro Municipal. Unha cita musical na que se interpretará un repertorio moi variado e que ten entrada de balde. Así nolo contou hoxe o seu director, Rubén López. Tamén se referiu á participación deste centro de ensinanzas musicais no Congreso EducODS.

Estas son as principais novas que recollemos en Noticias 13.30 h:

- Do 16 ao 20 de xullo celébrase o IKFEM Festival Tui-Valença

- Terceira xornada do congreso EDUCODS no claustro do Seminario Menor de Tui e no espazo sociocultural da rúa Camilo José Cela

- Esta tarde o alumnado do Conservatorio de Tui realiza o seu concerto de fin de curso no Teatro Municipal

- A exposición O Herbario de Rosalía pode visitarse en Tui

- A próxima semana realizarase unha visita ao Arquivo Municipal tudense

- Este sábado celébrase o Festival de Primavera de Canto Coral e Música Tradicional organizado pola Coral San Telmo e o XXIII Festival Folclórico de San Antón organizado pola Asociación Cultural Aloia

- A obra de teatro “O amor non ten idade” inaugura este sábado o Mes Cultural en Paramos

- Información deportiva

Hoxe mércores ás 20 h na Sala Félix Rodríguez terá lugar a presentación do libro "Rumbo á saúde ambiental planetaria e a un mundo novo: as claves para afrontar as grandes ameazas do século XXI", por parte do seu autor Francisco Peña.

Esta presentación forma parte da programación de Tui en Letras. Co autor conversamos hoxe sobre o propósito deste libro.

O tudense Iván Alonso compite dende mañá até o domingo no Campionato de Europa de Maratón de Piragüismo que se celebra en Ponte de Lima. Comezará mañá coa distancia en K1, o sábado na distancia longa, tamén en K1, e o domingo no K2 con Adrián Martín. Hoxe contounos como afronta a competición e como é o circuíto.

Estas son as principais novas que recollemos en Noticias 13:30 h:

- O paro rexistra en Tui a cifra máis baixa dos últimos dez anos con 889 persoas, 39 menos que no mes de maio

- Carmen Núñez, voceira do BNG, fai balance do pleno ordinario celebrado a pasada semana

- Continúa o Congreso EDUCODS no Paseo da Corredoira

- Antonio Orozco, Rita Rocha, James Rhodes, Milhanas, Fillas de Cassandra, Perico Sambeat e a Orquestra Jazz de Matosinhos actuarán no IKFEM Festival Tui-Valença que se vai celebrar do 16 ao 20 de xulloembro

- Esta tarde presentarase o libro de Francisco Peña Castiñeira, “Rumbo á saúde ambiental planetaria e a un mundo novo: as claves para afrontar as grandes ameazas do século XXI” na Sala Félix Rodríguez

- O padeeiro tudense Iván Alonso participará dende mañá en tres probas do Campionato de Europa de Maratón en Ponte de Lima

Hoxe proseguimos a rolda de entrevistas tras o pleno ordinario do pasado xoves con Carmen Núñez, a voceira do BNG.

Estas son as principais novas que recollemos en Noticias 13.30 h:

- Hoxe comezou o congreso EDUCODS no Paseo da Corredoira

- José Palacín, concelleiro non adscrito da corporación de Tui, fai balance do pleno ordinario celebrado a pasada semana

- O paro descende en 39 persoas en Tui no mes de maio

- Até o vindeiro luns está aberto o prazo de solicitude de praza para os campamentos “Verán Aventuras 2025" e o Campamento Tecnolóxico

- Do 23 de xuño ao 5 de setembro Ludiland organiza o seu campamento de verán no Liceo Casino de Tui

- Mañá presentarase o libro de Francisco Peña Castiñeira, “Rumbo á saúde ambiental planetaria e a un mundo novo: as claves para afrontar as grandes ameazas do século XXI” na Sala Félix Rodríguez

- Información deportiva