Informativos

O Club de Produto Turístico de Galicia Suroeste ten aberto o proceso de adhesión. A iniciativa está dirixida a todas as empresas, entidades e profesionais vinculados ao sector turístico dos 14 concellos do xeodestino, que poderán sumarse a unha estrutura colaborativa deseñada para fortalecer a oferta, consolidar a marca territorial e impulsar unha visión compartida sobre o futuro turístico do territorio.

Sandra González, alcaldesa de Tomiño e presidenta de Galicia Suroeste explicou que é este Club de Produto.

Pódese ampliar a información en clubdeproduto.galiciasuroeste.gal/

Estas son as principais noticias que recollemos hoxe martes, 4 de agosto, en Noticias 13.30 h.

Con José Palacín, concelleiro non adscrito, abrimos hoxe a rolda de conversas tras o pleno ordinario que o pasado xoves celebrou a corporación municipal de Tui.

Estas son as prinicipais novas, que neste luns, 3 de agosto, recollemos en Noticias 13.30 h:

- O Concelllo de Tui recibe 70 mil euros do plan +Provincia para o arranxo de vías en Paramos

- O tudense Carlos Fer recibiu o Prémio Revelação IPDJ – na XXIV Bienal Internacional de Arte de Cerveira pola súa obra “Além do Álveo”

- Dobre cita hoxe en Música no Claustro cunha conversa co título Órgano en obras, e o concerto de Lítore Quartet

- Rodrigo Conde, remeiro do Club Remo do Miño, proclamouse esta fin de semana subcampión de Europa en 2x xunto a Caetano Hortas

- O Club Kaiak Tudense logrou 24 medallas no Campionato de España de Sprint

...

O Club Kaiak Tudense logrou 24 medallas no Campionato de España de Sprint das que 6 foron de ouro, 9 de prata e 9 de bronce. Logrou 1534 puntos, a so 14 do terceiro clasificado. , O presidente do Club Manuel Pedrares fixo balance desta cita nacional, referiuse tamén aos descensos popular e internacional que se van celebrar neste mes de agosto, e as citas internacionais que restan esta temporada.

Rodrigo Conde, remeiro do Club Remo do Miño, proclamouse esta fin de semana subcampión de Europa en 2x xunto a Caetano Hortas en Varese, Italia. Na Radio Municipal de Tui amosou a súa satisfacción por volver ao podio e nun europeo nun campionato que cualificou de espectacular. A final de es pecharán a temporada buscando título no Campionato do Mundo.

A Guarda vive dende hoxe e até o próximo luns día 10 a súa semana grande coas Festas do Monte da Guarda. Un programa que incorpora coma novidade a Milla Urbana que se disputa esta tarde, e que terá a apertura oficial coa lectura do pregón a cargo de Estela Doiro.

Así nolo contou o alcalde da Guarda, Roberto Carrero, quen avanzaba o programa festivo que se poderá gozar ao longo da semana, e facía un convite ás festas.

A Agrupación Musical do Rosal quedou clasificada no cuarto lugar no Mundial de Bandas celebrado esta fin de semana en Kerkrade. Logrou 95 sobre un total de 100 puntos. O director da banda, Javier Alonso, aínda emocionado explicaba que foi unha partipación moi especial que levou á banda ao lugar máis prestixioso do mundo para estas agrupacións, cun concerto vibrante, emocionante, ... Así nolo contou esta mañá.

Estas son as principais novas que hoxe venres,31 de xullo, recollemos en Noticias 13.30 h:

- Aprobada a conta xeral do Concello de Tui de 2025 co voto de calidade do alcalde

- Martes de Entroido e Luns de San Telmo serán os festivos locais en Tui en 2027

- Mañá comeza o XX Música no Claustro cun concerto moi especial

- O Cineclub Tui proxecta hoxe ás 21 h na Casa Cultural de Randufe “Mirani, historia da miña familia”

- Rebordáns celebra esta fin de semana a romaría de San Fins

- Rodrigo Conde do Remo do Miño participa esta fin de semana no Campionato de Europa

Estas son as principais novas que hoxe, 30 de xullo, recollemos en Noticias 13.30 h:

- Ás 20 h a corporación municipal de Tui celebra pleno ordinario

- Máis de 200 persoas voluntarias participan en Ollos no Monte

- A tudense Patricia González participa este sábado no concerto de apertura de Música no Claustro

- O Cineclub Tui leva mañá venres a Randufe a proxección de Minari en colaboración coa asociación Xuntanza

- "Arte con telas" é o título da exposición que dende hoxe pode visitar no Balneario de Caldelas

- Campus de Ciclismo con David Fernández no mes de agosto en Tui