Estas son parte das novas que hoxe recollemos en Noticias 13.30 h:

- Tui acadou 15 millóns de euros de fondos europeos nos últimos anos

- Nico Montes, voceiro do PP, valora do pleno ordinario do mes de setembro

- Un mozo de 26 anos foi rescatado de augas do río Miño en Tui pola Comandancia Naval do Miño e a Policia Local

- La MMarca gañou o Concurso Novas Ondas Sonoras

- O circuíto + Escénicas da Deputación chega mañá martes, ás 11 h, ao Teatro Municipal de Tui co espectáculo “A Libraría Máxica” de Inventi Teatro

- A Biblioteca Municipal celebra con nove actividades o Mes da Biblioteca

- O tudense Lino Martinez Perez gañou esta fin de semana a Copa de España de Judo

Con Nico Montes, voceiro do PP, continuamos a rolda de conversas cos grupos políticos da corporación tras o pleno ordinario correspondente ao mes de setembro.

Tui abordará distintos proxectos nas parroquias ribeireñas do Miño grazas á axuda de 4,3 millóns de euros de fondos europeos do plan EDIL. Así o explicou o alcalde, Enrique Cabaleiro, na nosa sintonía. O proxecto presentando conxuntamente con Salvaterra de Miño, conformando unha Área Funcional, conlevará en total un investimento superior aos 7 millóns de euros.

Enrique Cabaleiro amosou a súa satisfacción por esta nova achega destacando que nos últimos anos o Concello de Tui foi beneficiario de 15 millóns de euros de fondos europeos

O paro subiu na comarca do Baixo Miño en setembro en 23 persoas até as 2.402 persoas en situación de desemprego. Así o contamos en Noticias 13.30 h onde o alcalde de Tui, Enrique Cabaleiro anunciou a concesión de 4,5 millóns de euros de fondos europeos a un proxecto conxunto presentado polos concellos de Tui e Salvaterra.

A intervención en Tui 100 pares de zapatos de presunta procedencia ilícita por parte da Garda Civil é outra das novas da xornada.

Repasamos as citas da fin de semana en Tui e na fin de semana e as novas do deporte.

Estas son as novas desta xornada de xoves, 2 de outubro, que recollemos en Noticias 13.30 h:

- Mabel Lozano imparte esta tarde unha charl aen Tui sobre “As redes da pornografía, a trata e a prostitución, e os riscos para a adolescencia hoxe”

- "Os contos de Lobicán" de Redrum Teatro chegan mañá venres ao Teatro Municipal

- Este sábado celébrase o Concurso Novas Ondas Sonoras organizadas por IKFEM

- Pexegueiro celebra festas na honra a San Miguel esta fin de semana

- A VII Regata Cidade de Tui ten lugar este sábado

Estas son as principais novas que recollemos en Noticias 13.30 h:

- Quedan 60 días para que comece a conmemoración do 800 aniversario da consagración da Catedral de Tui.

- Continuamos a rolda de conversas tralo pleno de setembro con Carmen Núñez, voceira do BNG

- Ana Carpintero gañadora do Premio A Profesional Autónoma de CaixaBank por Somos Océano

- Acitui celebra hoxe asemblea xeral na Sala Félix Rodríguez

- Mabel Lozano impartirá mañá a charla “As redes da pornografía, a trata e a prostitución, e os riscos para a adolescencia hoxe”

- Redrum presenta este venres en Tui “Os contos do Lobicán”

- Información deportiva

Con Carmen Núñez, voceira do BNG, continuamos a rolda de conversas cos grupos políticos da corporación tras o pleno ordinario correspondente ao mes de setembro.

Estas son as novas que recollemos en Noticias 13.30 h:

- Esta mediodía presentouse a imaxe de marca do 800 aniversario da consagración da Catedral de Tui

- A CSIF solicitou a suspensión inmediata da actividade no edificio da Axencia Tributaria en Tui, tras confirmarse niveis de radón extremadamente altos

- Hoxe ás 18.30 h farase entrega dos premios AJE aos que optan catro mulleres da comarca do Baixo Miño

- Con motivo do Día Internacional das Persoas Xordas, o Cineclub Tui vai proxectar hoxe “Sorda” de Eva Libertad

- ACITUI celebrá mañá a súa asemblea xeral na Sala Félix

- Información deportiva

Estas son as principais novas que recollemos en Noticias 13.30 h:

- O concello de Tui cambiará as luminarias das parroquias por tecnoloxía led

- Abrimos rolda tras o pleno ordinario de setembro co concelleiro non adscrito, José Palacín

- A colaboración entre a Cámara de Comercio de Tui e o IGAPE facilitou a participación e sete empresas galegas en Marmomac, feira referencia na industria da pedra natural, en Verona

- Unha vintena de nenos e nenas asisten cada semana ao taller de reforzo escolar do Concello de Tui

- Hoxe ás 19 h no edificio Francisco Sánchez nova actividade do programa #FemininoPlural baixo o título "Entender e previr todas as formas de violencia de xénero"

- O cineclub Tui proxecta mañá “Sorda”

- Resultados deportivos da fin de semana

Abrimos hoxe con José Palacín, concelleiro non adscrito, a rolda de conversas posterior ao pleno ordinario celebrado o pasado xoves pola corporación municipal de Tui.