Asteburu honetan Gasteszenan antzerkia izango da: 'Fadoak entzuten zituen gizona' komedia beltza. Eta bertan parte hartu duen Ane Gabarain aktorea elkarrizketatu dugu Ispilu Beltzaren parean. Patria telesailan etakide baten amaren papera egin du Gabarainen eta bogan dago hamaika hedabidetan.

Gainera Lur Olaizolak 'Els dies que vindran' Carlos Marques-Marcet zuzendariaren lana ekarri digu. Gaur, ostirala, proiektatuko da Tabakaleran.

Jarri kaskoak eta entzun!

Gaur argitaratu du Rafa Ruedak 'Rueda' disko berriko aurrerapen kantua, 'Foto Zaharrak' izenekoa. Horren aitzakian Ispilu Beltzaren parera gonbidatu eta arnasa luzeko elkarrizketa egin diogu. Musikaz, egungo egoeraz eta hemendik aurrerakoaz hitz egin dugu eta bi abesti erakutsi dizkigu primizian.

Gainera, ostiralero legez, Tobacco Days liburu-dendara gerturatu gara Ines Garcia Azpiazuren gomendioak jasotzeko. Etxean denbora dezente igaro behar dugun honetan, Kulturak salba gaitzala!

Jarri kaskoak eta entzun!

Disko berriaren grabaketa amaituta, nahasketa eta masterizazio lanetan dabil Olatz Salvador. Aurki izango du bere bigarren abesti bildumaren masterra. Hala ere, oraindik ez daki noiz kaleratuko duen, Covid-19 madarikatua medio. Guk Ispilu Beltzaren parera gonbidatu dugu.

Gainera Harri Fernandezen eskutik telesailen inguruan hitz egingo dugu Idi Begia sailean. Cobra Kai, Mindhunter, Chilling Adventures of Sabrina eta zientzia fikziozko distopiez ariko gara.

Jarri kaskoak eta entzun!

Udazkena berritasunen urtaroa izan ohi da euskal kulturan. Durangoko Azoka -aurten digitala- jomugan hartuta literatur eta musika argitalpenak sortzen dira onddo beltzen gisan. Ispilu Beltzan hasiak gara sortzaileekin hizketan eta gaurkoan Mikel Urdangarin eta Rafa Rueda gerturatuko zaizkigu saiora. 'Izurdeen lekua' eta 'Rueda' lanak argitaratuko dituzte azaroan.

Jarri kaskoak eta entzun!

Josemi Beltran Donostia Kulturako zinema alorreko burua da eta pandemiaren bigarren olatua surfeatzea tokatu zaio Beldurrezko eta Fantasiazko Zinemaren Astea antolatzean. Aurtengoa salbuespenezkoa izango da, ez baitu abonurik izango eta, beraz, ezingo baitira sail ofizialeko pelikula guztiak ikusi. Beltranek berak kontatu digu ispilu beltzaren parean.

Gainera Harri Fernandezekin Eusko Jaurlaritzak iragarri dituen neurriak aztertu ditugu eta Rafael Berrioren EP berriaz hitz egin dugu Kultur Periskopioan.

Jarri kaskoak eta entzun!

Azaroaren 6an AEBetan estrenatuko du Netflixek 'La trinchera infinita' filma. Gainera 'El Hoyo' eta 'O que arde' pelikulekin lehian da oscarretarako hautagaitza lortzeko. Gaur Jon Garaño zinemagilea izango digu Ispilu Beltzaren parean.

Ostiralero legez Tobacco Days liburu-dendatik osteratxoa egingo dugu Ines Garcia Azpiazuren gomendioak jasotzeko.

Jarri kaskoak eta entzun!

Ostegunero legez idi begitik begiratu eta serieen inguruan hitz egiteko ordua iritsi zaigu Harri Fernandezekin. Saio honetan, baina, gonbidatu berezi bat batu zaigu: Angel Aldarondo. Rafael Berrioren inguruko dokumentala egiten dabil eta Koldo Almandozek zuzendu duen 'Hondar Ahoak' telesaileko gidoilari ere izan da. Hori gutxi balitz Beldurrezko Asteko kortinilla egiten du urtero.

Wanda sekzioan berriz Sorogoyenen 'El Reino' filmaz hitz egingo dugu Sara Hernandezekin. Larunbatean Tabakaleran proiekzio berezia egingo dute eta Olivier Arsonek soinu banda zuzenean interpretatuko du.

Jarri kaskoak eta entzun!

Izaro eta Kursaal aretoa, amaitu ezinezko istorio bat. Hasieran bi kontzertu eskaini behar zituen. Gero, aforo jaitsiera medio, lau eta azkenean 6 kontzertu izango dira berriz edukiera jaitsi ostean. Sergio Cruzado bere managerrarekin hitz egin dugu.

Gainera Lander Garroren '2 urte, 4 hilabete eta egun bat' dokumentala estrenatuko da Donostiako Trueba zinemetan eta zinemagileari ekainean egin genion elkarrizketa berreskuratu dugu.

Jarri kaskoak eta entzun!

Maria Aizpuru zinemagilea proiektu berri batekin dabil buru belarri: 'Sombras de Beirut' dokufikzioarekin. Libanora bidaiatu eta bertan grabatutako elkarrizketa sorta bat oinarri hartuta crowdfunding kanpaina jarri du martxan pelikula finantzatzeko. Errefuxiatu siriarrek Libanon bizi duten apartheid egoera eta biolentziaren buklea landu nahi ditu. Ispilu Beltzaren parean kontatu digu.

Jarri kaskoak eta entzun!

Aurtengo negua bi bider negu izango da euskal kulturgintzarentzat. Eta horren sintoma nabarmena da Durangoko Azoka birtuala izango dela. Nerea Mujika azokako zuzendariak azaldu dizkigu aurtengo edizioaren nondik norakoak Ispilu Beltzaren parean.

Gainera Harri Fernandezen Kultur Periskopiotik begiratu dugu datozen egunetako ekitaldi eta ekimenak errepasatzeko.

Jarri kaskoak eta entzun!