Есүс Христийг дагагч хүний жинхэнэ илрэл бол ямар нэгэн итгэл үнэмшлийн систем төдий биш харин Христтэй болон бусадтай харилцах бидний харилцаа юм шүү гэдгийг Библи бидэнд батлан хэлдэг билээ.

Жинхэнэ гэмшилгүйгээр жинхэнэ уучлал ирэх боломжтой юу? Ийм боломж байхгүй гэдгийг Библи батлан хэлдэг. Нэрт Библийн багш Жон Вүүдбриж Библийн дагуух гэмшилд зайшгүй байх ёстой 5 элементийг бичсэн байдаг. Мэргэн зөвлөмж нэвтрүүлгээс сонсоорой.

“Хэрвээ бидний хамгийн агуу хэрэгцээ боловсрол байсан бол Бурхан бидэнд рүү багш илгээх байсан. Хэрвээ бидний хамгийн агуу хэрэгцээ технологи байсан бол Бурхан бидэн рүү эрдэмтэн илгээх байсан. Хэрвээ бидний хамгийн агуу хэрэгцээ мөнгө байсан бол Бурхан бидэн рүү эдийн засагч илгээх байсан. Харин бидний хамгийн агуу хэрэгцээ нь уучлал байсан учир Бурхан бидэн рүү Аврагчийг илгээсэн билээ”.

Энэ ганцхан үг бидний аз жаргал болон зовлон гуниг, эрх чөлөө болон гав гинж, диваажин болон тамын хоорондох ялгаа зааг болж байдаг юм. Урьд өмнө нь энэ үгийг номлогчид маш эрч хүчтэйгээр тунхаглан номлодог байлаа. Бид хүмүүний алдаа дутагдал, буруу үйдлийг энэ үгээр илэрхийлдэг байлаа. Гэвч цагийн эрхэнд хүмүүс энэ үгнээс аль болох татгалзах болж, арай аядуу зөөлөн үгийг хэрэглэх болсон байна. Тэгвэл орчин үед хүмүүсийн аль болох зайлсхийх болсон энэ үг ямар үг вэ? Энэ үг бол гэм нүгэл гэсэн үг юм.

Өнөөдөр таны амьдралын нөхцөл байдал яг л шоронгийн хана хэрэм шиг санагдаж, өмнөө тулгарсан асуудлаас бултаж зайлах ямар ч боломжгүй юм шиг танд мэдрэгдэж байна уу? Таныг түнэр харанхуй нөмөрч, та ганцаардан шаналж байна уу? Тэгвэл Бурханы тухай мэддэг бүхнээ эргэн санаарай.

Бурханы үгэнд бичигдсэн Бурханы амлалтууд болон бидний Бурханаас гуйн залбирч буй гуйлтуудын хоорондын уялдаа холбоог ойлгосноор миний залбирлын амьдрал эрс өөрчлөгдсөн юм. Учир нь Бурхан Өөрийн амлалтуудыг заавал сахидаг.

Христэд итгэсэн хүмүүс бүгдээрээ Христийн дотор Бурханд зориулан тусгаарлагдсан байдаг. Үүнийг Библид “ариусгагдсан” гэж нэрлэсэн байна. Тэгвэл Христийн доторх байр суурийн хувьд Бурханд зориулан тусгаарлагдсан бид тэр бүр энэ байр сууриндаа нийцсэн амьдралаар амьдарч чаддаггүй. Эндээс л итгэгчдийн дотор зөрчил үүсдэг. Тэгвэл өнөөдөр Др.Стэнли бидэнд итгэгч хүн бүрийн дотор үүсдэг энэ зөрчлийн талаар тайлбарлаж, бидэнд “Христийн дотор” байх гэдэг нь ямар учиртай болохыг тайлбарлаж өгөх болно. Ингээд Др.Стэнлийн ярианд анхаарлаа хандуулцгаая.

Өөрийгөө энэ дэлхий дээр тохиолдлоор амьдарч байгаа хүн биш харин Бурханы зорилгын дагуу, Бурханы үр төрхөөр бүтээгдсэн Бурханы хүүхэд гэдгийг ойлгосноороо та өөрийгөө хэн болохыг таньж мэдэх болно

“Таны аз жаргалтай эсвэл сэтгэл дундуур амьдрах нь таны геннээс хамааралтай байж болох юм” хэмээн Иллиноисийн их сургуулийн сэтгэл судлалын тэнхимээс гаргасан нийтлэлд бичсэн байсныг би саяхан уншсан юм.

Өнөөдөр та эцэг эхээсээ ямар ч генийг өвлөж авсан байж болно. Харин Бурханд итгэх итгэл таны амьдралыг харах харааг эрс өөрчлөх болно гэдэгт би итгэлтэй байна.

Та Бурханыг хэрхэн олох вэ? Энэ асуултад хариулахаас чинь өмнө би өөр нэг зүйлийг танаас асууя. Хэрвээ хүүхэд чинь алга болчихвол та яах вэ? Хүүхдээ хайна биз дээ? Найз нөхөд айл хөршийнхнөө хөдөлгөж, хүүхдээ олох хүртэл эрэх болно. Тэгвэл Бурханыг олох болон алга болсон хүүхдээ олох хоёр адилхан гэж үү?

Бурхан алга болчхоод бид хайж олох гээд байгаа хэрэг үү? эсвэл бид алга болчхоод Бурхан биднийг олох хэрэгтэй байгаа юм уу?