“Надад Бурхан хэрэггүй, би асуудлаа өөрөө зохицуулж чадна”. Ингэж хэлж буй хүмүүстэй би үе үе таардаг. Тэр үед би тэднээс, “Нээрээ юу?” гэж асуудаг. Гэхдээ би дотроо тэдэнд ингэж хэлмээр санагддаг. “Та бол үнэхээр онцгой нэгэн байна. Тан шиг ийм хүн дэндүү ховор учраас таныг өнөө үеийн эрдэмтэд сайтар судалбал зохино. Ийм агуу өөртөө итгэлтэй хүний талаар дэлхий нийтээрээ судалж, юу таныг Бурханд итгэж буй хэдэн зуун сая хүмүүсээс ийм өөр болгож байгааг олж мэдэх хэрэгтэй” гэж хэлмээр санагддаг.

Тэр үнэхээр бидний гэм нүглийг ой санамжаасаа үүрд арчин хаяж, мөнхийн мөнхөд дахин хэзээ ч сөхөхгүй гэдгийг Библи батлан хэлдэг. Тэгвэл өнөөдөр та өнгөрсөн амьдралдаа гаргасан алдаагаа санаж, буруутгалын хүнд ачааг үүрэн амьдарч байгаа юм биш биз?

Уур хилэн, үзэн ядалтаа хэдий хүртэл хадгалах вэ? Танд шударга бус хандсаны төлөө та гомдож, хилэгнэж байж болох ч үүнийгээ та хэр удаан хадгалах вэ? Эзэн Есүс нэгэнтээ, “Хэрэв та нар хүмүүсийн алдааг уучилбал тэнгэрлэг Эцэг чинь та нарыг мөн уучилна. Харин та нар хүмүүсийг эс уучилбал Эцэг чинь мөн алдааг чинь эс уучилна” (Матай 6:14-15) хэмээн айлдсан байдаг.

Та Бурханы нигүүлслийн талаар юу мэдэх вэ? Та Бурханы нигүүлслийн дотор бүрэн дүүрэн эрх чөлөөтэй амьдарч чадаж байна уу? Энэ асуулт бол Христэд итгэгч хүн бүрийн хариулах учиртай асуулт юм. Тэгвэл Хамтдаа нэвтрүүлгийн энэ удаагийн дугаараар бид энэ тухай үзэх болно.

Хэрвээ таны амьдрал Христийг гэрчлэн харуулж чадахгүй байгаа бол та Бурханы нигүүлсэл дотор алхаж чадахгүй байна гэж дүгнэхэд хол зөрөхгүй гэдгийг Др.Стэнли батлан хэлж байна. Ингээд хамтдаа 1 Коринт 1:1-9 эшлэлээс “Итгэгчдийн дотор байдаг зөрчил”-ийн тухай үзэх болно.

Харагтун, Би удахгүй ирнэ. Хүн бүрд үйлдсэнийх нь дагуу буцаан төлөх шагнал минь Надтай хамт байгаа. Альфа ба Омега, Эхэн ба Эцэс, Эхлэл ба Төгсгөл нь Би байгаа юм. Илчлэл 22:12-13

Зарим нэг үгийг зөвхөн Бурханы хүүхэд болсон хүмүүс л хэрэглэдэг. Тийм үгсийн нэг бол “Халелүяа” гэсэн үг юм. Халелүяа хэмээх Еврей үг нь “халлал” болон “яах” гэсэн 2 үгийн нийлбэр юм. Халлал гэдэг нь “магтах” гэсэн үг бол “яах” гэдэг үг нь Иехова буюу Бурханыг илэрхийлдэг.

Бидний өмнөө тавьсан зорилго, бидний гүйцэтгэж буй төлөвлөгөө Бурханы хүслээс хэр хол байна вэ? Бид Бурханы өмнө ирээд, “Бурхан минь, миний төлөвлөгөөг ивээж өгөөч. Энэ бүх төлөвлөсөн зүйлсээ гүйцэлдүүлэхэд минь туслаач” гэж залбирахын оронд, “Эзэн минь, энэ өдөр Та намайг юу хийгээсэй гэж хүсэж байна вэ?” хэмээн асуун залбирдаг бол бид илүү сэтгэл амар амьдрах байсан болов уу...

Хэрвээ та Христэд итгэж Бурханы хүүхэд болсон бол таны амьдралд тохиолдож байгаа бүх зүйл Бурханы хувьд чухал гэдгийг ойлгоорой. Бас таны амьдралын 7 хоног бүрт 168 цаг л байдаг гэдгийг Бурхан мэднэ. Гэтэл заримдаа бид өөрсдөө энэ хугацаанд дэндүү их зүйлийг амжуулахаар төлөвлөчихдөг. Тэгээд үүнийгээ амжуулж чадахгүй ядарч эхлэх үедээ стресстэж бухимдаж эхэлдэг.

“Уруу татлага гэдэг бол шоколадаар бүрсэн амтат бүрмэлтэй адилхан юм. Ганц ялгаа нь шоколадан бүрмэлийн дотор өт хорхой нуугдаж байдаг” гэсэн байдаг.

Тиймээ, уруу татлага нь гаднаа үргэлж амттай сайхан харагдаж байдаг. Тиймээс ч уруу татлагад бууж өгснөөрөө бид хэсэг хугацаанд таашаалыг мэдэрч, зугаа цэнгэлийг эдэлдэг.

Зарим хүмүүс Эверестийн оргилыг эзлэх тухай, Сахарын элсэн цөлийг туулах тухай бодож байхад харин зарим хүмүүс, “Бурхан минь энэ өдрийг даван туулахад минь туслаач” хэмээн залбирч байдаг. Магадгүй өнөөдөр та ч бас яг ийм байдалд орчихсон байж болно. Хэрвээ тийм бол та ганцаараа бишээ. Тантай адил байдалтай байгаа хүмүүс маш олон бий. Харамсалтай нь ийм хүнд хэцүү асуудалтай нүүр тулсан үедээ бид өөрөөсөө өөр хүний тухай бодох сөхөөгүй болчихдог.