Ариун Сүнс Бурханы хүүхдүүдийн амьдралд маш олон чухал үүргийг гүйцэтгэдэг. Иохан 14:26-д Ариун Сүнсийг бидний Багш гэсэн бол Иохан 16:13-д Ариун Сүнс биднийг бүх үнэн рүү хөтлөн дагуулдаг гэж бичигдсэн байдаг. Харин Ром 8:9-д хэлэхдээ Ариун Сүнс биднийг Бурханы гэр бүлийн жинхэнэ гишүүн мөн болохыг баталдаг гэсэн байдаг.

Тэгвэл ХАМТДАА нэвтрүүлгийн энэ удаагийн дугаарт Др.Чарльз Стэнли бидэнд нэгэн чухал үнэнийг сануулах болно. Бид өөрсдийн хүчээр хэзээ ч итгэлийн амьдралаар амьдарч чадахгүй. Энэ л чухал үнэнийг Др.Стэнли бидэнд онцгойлон сануулж байна. Учир нь Бурхан биднийг Өөрөөс нь хамааралтайгаар амьдраасай гэж хүсдэг билээ. Ингээд хамтдаа АРИУН СҮНС яагаад бидний амьдралд АМИН ЧУХАЛ НЭГЭН юм бэ? гэдгийг сурч мэдэж авцгаая.

Гэвч би Бурханы нигүүлслийн сайнмэдээг гэрчилж, Эзэн Есүсээс хүлээн авсан үүрэг, албаа гүйцээхийн тулд өөрийн амийг юман чинээ бодолгүй явж ирсэн. Үйлс 20:24

Бурхантай эвлэрнэ гэдэг бол бидний амьдралын хамгийн чухал алхам юм. Тиймээс ч та энэ чухал алхмыг хийхээ бүү хойш тавиарай. Учир нь та хэзээ Бурхантай нүүр тулан уулзах вэ гэдгээ мэдэхгүй. Харамсалтай нь бид амьдралын аар саар асуудлууддаа түүртээд Бурхантай эвлэрэх тухай огт бодолгүй он жилүүдийг дэмий өнгөрүүлсээр байдаг.

харин Бурхан түүнд “Мунхаг чи, яг энэ шөнө амь чинь чамаас нэхэгдэх болно. Тэгвэл чиний бэлтгэснийг хэн эзэмших вэ?” гэж айлджээ. Лук 12:20

Коринтын итгэгчдэд хандан бичсэн захидалдаа элч Паул, “Харагтун, одоо тааламжтай цаг. Харагтун, одоо авралын өдөр” гэсэн байдаг. Заримдаа ажилч хичээнгүй, зөв сайн хүмүүс Бурханы тухай бодох сөхөөгүй явсаар байгаад гэнэтхэн л зүрхний шигдээс, цус харвалт гэх мэт хүнд өвчинд нэрвэгдэж Бурханы тухай эрүүл саруулаар эргэцүүлэн бодох боломжгүй байдалд хүрчихдэг. Энэ бол үнэхээр харамсалтай хэрэг.

Хэрвээ та Есүсийг Эзэн хэмээн амаараа хүлээн зөвшөөрч, Бурхан Есүсийг үхэгсдээс амилуулсан гэдэгт итгэх л юм бол Бурханы Сүнс таны дотор нутаглах болно. Тэр цагт та мөнх амийг хүлээн авсан гэдгээ мэдэх болно.

Нэг бол та сэтгэл хөдлөлөө захирна, эсвэл сэтгэл хөдлөл чинь таныг захирах болно. Өнөөдөр бидний ихэнх нь хэтэрхий завгүй амьдардгаасаа болоод сэтгэл хөдлөлөө ч хянах сөхөөгүй болчихсон явж байдаг. Хэрвээ та өөрөө ч ийм байдалд орчихсон байгаа бол МЭРГЭН ЗӨВЛӨМЖ нэвтрүүлгийг сонсоорой.

Өнөө үед Ариун Сүнсийг тойрсон маш олон зөрүүтэй ойлголтууд бий болсон байна. Зарим хүмүүс Ариун Сүнсийг энэ дэлхийд оршдог ямар нэгэн хий хоосон хүч мэтээр төсөөлдөг бол Ариун Сүнсний хүчийг өөрсдийн хүссэнээрээ ашиглах ёстой гэсэн бодолтой явдаг итгэгчид ч цөөнгүй болсон байна. Харин зарим итгэгчид Ариун Сүнс яг юу хийдэг талаар огт төсөөлөлгүй байдаг.

Тэгвэл өнөөдөр Др.Стэнли бидэнд итгэгч хүн нэг бүрийн амьдралд оршин буй Ариун Сүнсний тухай болон Бурханы хүслийг гүйцэлдүүлэхэд Ариун Сүнс бидэнд хэрхэн тусалдаг тухай өгүүлэх болно. Ариун Сүнсэнд түшиглэхгүйгээр бид итгэлийн амьдралдаа ялалт байгуулж чадахгүй юм. Тиймээс хамтдаа өнөөдөр Ариун Сүнс яагаад бидний амьдралд амин чухал Нэгэн юм бэ? гэдгийг олж мэдэх болно. Ингээд Др.Стэнлийн ярианд анхаарлаа хандуулцгаая.

Хэрвээ бид зовлон бэрхшээлээр дүүрэн нөхцөл байдал дунд Бурханы мутар хэрхэн ажиллаж байгааг нүдээрээ харж чаддагсан бол дэлхий ертөнцийг харах бидний хараа ямар өөр байх байсан бол? Та үүнтэй санал нийлэх үү? Гэтэл ихэнх тохиолдолд бид өөрсдийн амьдралд тохиолдож буй хүнд хэцүү асуудалд хэтэрхий автаад Бурхан бидний амьдралд ажлаа хийж байгаа гэдгийг мартчихдаг.

Нэгэн удаа Иеремиа олон нийтийн газар олны өмнө зогсоод улс үндэстнийхээ төлөө чангаар эхэр татан уйлж байсан. Тухайн үед хүмүүс түүнийг гайхан харж байсан ч түүний хэлэх гэсэн үгийг төдийлөн анхаарч сонсоогүй юм.

Тэгвэл өнөөдөр нөхцөл байдал тухайн цаг үеэс өөр болсон гэж үү?