Вашингтон ДС дэх "Энэрэл" цуглааны бүтээсэн сонсдог библи

Ариун библи ОБАДИА ном 2004 оны орчуулга

Олон хөршүүд, найз нөхдүүд бие биендээ мөнгө зээлдүүлснээсээ болоод эргээд харилцаагаа сэвтүүлж байна. Банкнаас зээл авах нь ерийн үзэгдэл болсон ч эргүүлэн төлөхдөө хүмүүс тийм ч сахилга баттай байж чаддаггүй.

Үнэндээ Библид ч мөн бусдаас зээлэхийг сайшаагаагүй байдаг. Дуулал номонд хэлэхдээ, “Буруут хүн зээлээд буцааж эс өгнө Зөвт хүн харин өгөөмрөөр өгдөг” (Дуулал 37:21) гэсэн байдаг бол Гэтлэл номонд Бурхан Өөрийнхөө ард түмэнд хуулийг өгөхдөө, “Хэрэв хүн хөршөөсөө ямар нэгэн юм зээлж аваад тэр нь эзнийх нь үгүйд гэмтэх эсвэл үхвэл зээлсэн хүн бүрэн нөхөн төлөх ёстой” (Гэтлэл 22:14) хэмээн сануулсан байдаг.

Амьдрал шударга гэж хэн хэлсэн юм бэ? Лав л Бурхан ингэж хэлээгүй. Гэр бүлүүд салж итгэл найдвар, хүсэл мөрөөдлүүд унтарч байна. Африкт мянга мянган гэмгүй хүүхдүүд ДОХ-ын халдвараар амиа алдаж байна. Ямар ч эрүүл саруул ухаантай хүн Бурханаас саад бэрхшээл, өвчин зовлон гуйхгүй шүү дээ.

Гэвч амьдралын хатуу хөтүү, зовлон бэрхшээлээр дамжуулаад бид амьдралын хамгийн том сургамжуудыг олж авдаг гэдэгтэй бүгд санал нийлдэг. Хамгийн гол нь бид тухайн асуудлаас болоод сэтгэлээр унах юмуу уур хилэн, үзэн ядалтад автах биш харин тэр асуудлыг даван гарах хүчийг Бурханаас хүлээн авах нь чухал юм.

Бид цаг хугацааны талаар их ярьдаг ч цаг хугацааг ашиглах тал дээр маш бага зүйлийг хийдэг. Бурханыг хайрлаж, Бурханыг алдаршуулан амьдрахад цаг гарга. Өнөөдрийн өдрийг та дэмий бүү өнгөрүүлээрэй.

Хэрвээ өнөөдөр таны амьдралд зовлон бэрхшээлийн сорилт нүүрлэсэн байгаа бол урам зоригтой байгаарай. Бурхан тантай ч бас хамт байх болно. Тиймээс ч эрт цагт Иов “Гэвч Тэр миний замыг мэддэг. Тэр намайг шалгасан бөгөөд би алт мэт урагш гарч ирнэ” (Иов 23:10) хэмээн тунхагласан билээ.

Их зовлонгийн үе эхэлснийг илтгэх ямар тэмдэг байх вэ? Энэ нь бөмбөг тэсрэх мэт их дуу чимээ байх уу? Эсвэл аймшигтай дайн тулаан байх уу? Үгүй ээ, энэ бол анир чимээгүй байдал юм. Тэнгэрт хагас цагийн туршид ер бусын анир чимээгүй болсон тухай Иохан бичсэн байна. Үүний дараачаас дэлхийн төгсгөл эхлэх болно.

Зарим хүмүүс Бурхан Израилийг бүр мөсөн орхисон гэж үздэг. Гэвч тийм бишээ. Бурхан Израилийн үлдэгсдийг үргэлж тунхагласаар ирсэн юм. Тэгвэл Илчлэл номонд Библи дэх бүх л томоохон эш үзүүллэгүүд биеллээ олдог. Тэр утгаараа бид Илчлэл номыг тал бүрээс онгоцнууд ирж буудаг аварга том онгоцны буудалтай зүйрлэж болох юм.

Их зовлонгийн үеийн сүүлийн хагаст дэлхий дээр эхлээд асар хүчтэй газар хөдлөлт болж, араа нь нар харанхуйлж, сар цус адил улаан болсон байна. Модноос унаж буй жимс адил одод дэлхий дээр унаж, тэнгэр заагдах мэт болж, уулс арлууд байрнаасаа хөдөлнө гэж Иохан бичсэн байна.

Илчлэл номоос харвал Их зовлонгийн үе нь хар салхи шиг гэнэтхэн эхлэхгүй гэдэг нь илэрхий байна. Харин долоон лац нь ээлж дараагаар, цаг хугацааны хувьд тодорхой дарааллын дагуу өрнөх болно. Энэ бүх үйл явдлыг Эзэн Есүс Христ Өөрөө бүхэлд нь удирдах бөгөөд энэ дэлхий дээрх бүхий л бүтээлүүд Түүний тушаалын дагуу хөдлөх болно. Тиймээс тэнгэр газар дээр 7 лац бүхий хуйлмал номын лацыг нээх зохистой Нэгэн Есүс Христээс өөр байхгүй юм.

“Хүндлэл мөргөл” гэдэг үг нь “үнэ цэнийг өргөх” гэсэн утгатай үг байдаг. Үнэхээр бүхий л үнэ цэн зөвхөн Есүс Христэд зохистой юм. Тиймээс ч тэд тэнгэрт бидний цусаа урсган байж Золигч болсон Есүс Христийг магтан дуулж байгааг бид харж байна. Ингэхдээ тэд хараахан авралыг авч амжаагүй байгаа боловч хожим авах тэр бүх хүмүүсийн төлөө мөн Христийг магтан дуулж байсан.