ITGELRADIO

ITGELRADIO

Download on the App Store

ITGELRADIO episodes

  • ИТГЭЛЭЭ БАТЖУУЛАХ НЬ
    Элч Иудагаар дамжуулаад Бурхан бидэнд хуурамч багш нарын тухай сэрэмжлүүлгийг өгсөн байдаг. Итгэгч бидний хувьд хуурамч багш нар байдаг гэдгийг зүгээр мэдээд өнгөрөх нь хангалтгүй юм. Бид тэднийг ялгаж таньж чаддаг, тэдний хууран мэхлэлтийг ялгаж таньж чаддаг болох нь чухал юм. Бурханы үг ба Бурханы үнэн бол бидний итгэл рүү довтлох довтолгооноос биднийг хамгаалах хамгаалалт болдог. Тиймээс бид алдаатай сургаалыг ялгаж чаддаг байхын тулд Бурханы үгээр өөрсдийгөө тасралтгүй цэнэглэж байх нь чухал юм.
    Өнөөдөр Др.Стэнли Шинэ гэрээний Иуда номоор дамжуулаад бидэнд итгэлээ хэрхэн батжуулах вэ гэдгийг зааж өгөх болно.
    22 min
  • БУРХАН ЧАДНА
    Өнөөдөр таны амьралд ямар нэгэн хүнд хэцүү нөхцөл байдал тулгараад байна уу? Мэдээж та зүрхэндээ Бурхан танд энэ нөхцөл байдлыг даван гарахад чинь тусална гэдэгт итгэж байгаа байх. Гэхдээ та оюун бодолдоо “Бурхан бүхнийг хийх чадалтай байж яагаад надад ийм зүйлийг зөвшөөрч байгаа юм болоо?”, “Бурхан бүхнээс хүчирхэг юм бол яагаад яг одоо намайг аврахгүй байгаа юм болоо?” хэмээн гайхаж байж болох юм.
    Хэрвээ таны дотор ийм бодол төрж байсан бол та өнөөдрийн дугаарыг анхааралтай сонсоорой.
    24 min
  • БУРХАНЫ ХҮСЭЛ-БИДНИЙ АМАР ТАЙВАН
    Юу таны санааг хамгийн ихээр зовоодог вэ? Та нухацтай бодоод үзээрэй. Ямар зүйл таны санааг хамгийн ихээр зовоож, таны сэтгэлийг шаналгадаг вэ? Тэр зүйл чинь юу ч байж болно. Гэхдээ та нэг зүйлийг мэдэх үү? Та тэр зүйлдээ хэтэрхий их анхаарлаа хандуулах үедээ таны амьдралд хандсан Бурханы хүслийг умартаж байдаг. Айдас болон санаа зовнил таныг Бурханыг дуулгавартай дагахад чинь саад болж байдаг. Бидний санааг зовоож байгаа тэр зүйлдээ бид хэтэрхий их анхаарлаа хандуулах үедээ бид Бурханыг тодорхойгоор сонсож чаддагүй. Тиймээс өнөөдөр энэ цагт Др.Стэнли бидэнд нэгэн чухал үнэнийг сануулах болно. Бидний амьдралд хандсан Бурханы хүсэл биднийг амар тайван болгодог.
    26 min
  • АМАР ТАЙВНАА ХЭРХЭН ХАМГААЛАХ ВЭ? – 1 хэсэг
    Ариун Сүнс бидэнд амьдралын ямар ч хүнд хэцүү нөхцөл байдал дунд амар тайван байх хүчийг өгдөг. Итгэгч бидний хувьд үүнийг үнэн гэж итгэдэг боловч амьдралд маань хүнд хэцүү асуудал тохиолдох үед тэр бүр амар тайван байж чаддаггүй шүү дээ. 
        Өнөөдөр Др.Чарльз Стэнли бидэнд Бурханы амар тайван бол бодитой бөгөөд Түүнд итгэгч хүн бүхэнд, хэзээ ямагт нээлттэй байдаг гэдгийг сануулж өгөх болно. Бурханы амар тайван бидэнд хүчийг өгч, амьдралын аливаа хүнд хэцүү асуудлыг сөрөн алхах тэнхээг сэлбэдэг. 
    Энэ цагт та бидэнтэй хамт байж, Др.Стэнлийн ярианд анхаарлаа хандуулаарай. Бид хамтдаа “АМАР ТАЙВНАА ХЭРХЭН ХАМГААЛАХ ВЭ?” гэсэн сэдвээр ярилцах болно.
    26 min
  • АМАР ТАЙВНАА ХЭРХЭН ХАМГААЛАХ ВЭ? – 2 хэсэг
    Энэ амьдрал зовлон бэрхшээлээр дүүрэн байдаг гэдгийг бид бүгд сайн мэднэ. Өвчин зовлон, өр шир, харилцааны асуудал гээд бидний амьдралд тохиолддог таагүй бүхнийг тоочоод байвал барагдахгүй. 
        Бидний амьдралд тохиолддог энэ олон олон асуудал бидний амьдралд асар их санаа зовнил, сэтгэлийн дарамтыг авчирдаг. Гэхдээ санаа зовнил гэдэг эцсийн эцэст бидний өөрсдийн сонголтоос хамаардаг зүйл юм. Бидний амьдралд хүнд хэцүү асуудал тохиолдох үед та айж түгшиж, арай ядан урагш нэг алхах уу? эсвэл Бурхан итгэсэн бат итгэл, амар тайван, урам зориг дотроос урагш алхах уу? гэдэг нь таны өөрийн сонголтын асуудал юм.  
        Тэр бүх хүнд хэцүү нөхцөл байдал дунд бид хэрхэн амар тайван байж чадах юм бэ? гэж та гайхаж байж болох юм. Хэрвээ тийм бол та энэ цагт Др.Стэнлийн ярианд анхаарлаа дээд зэргээр хандуулаарай.
    24 min
  • БИД ЯАГААД АМАР ТАЙВНАА АЛДДАГ ВЭ? – 1 хэсэг
    Библи дээрээс харвал Бурханы итгэмжит олон үйлчлэгчдийн амьдралд маш хүнд хэцүү саад бэрхшээлүүд тулгарч байсан байдаг. Даниелыг арсланд хаяж өгч байсан. Иосефыг хуурамчаар гүтгэж, шоронд хорьж байсан. Элч Паулыг үхлүүт болтол нь чулуугаар шидэж байсан. Хэдийгээр тэд ийм аймшигтай нөхцөл байдалд орж байсан ч тэдний итгэл хүчтэй хэвээрээ байсан.                                                                                              
    Таны амьдралд хүнд хэцүү асуудал тулгарах үед та ч бас тэдэнд шиг байж чадах уу? Хүнд хэцүү нөхцөл байдалтай тулгарах үедээ бид хамгийн түрүүнд айдаг. Бидний амар тайван, баяр хөөр алга болдог. Хэрвээ та хүнд хэцүү нөхцөл байдлын өмнө ч амар тайвнаа хадгалж чаддаг тийм амьдралыг хүсэж байгаа бол энэ цагт анхаарлаа хандуулаарай. Энэ цагт Др.Стэнли бидэнд “БИД ЯАГААД АМАР ТАЙВНАА АЛДДАГ ВЭ?” гэдгийг хэлж өгөх болно.
    25 min
  • БИД ЯАГААД АМАР ТАЙВНАА АЛДДАГ ВЭ? – 2 хэсэг
    Бурхан Өөрийнхөө хүүхдүүдэд амар тайвныг өгдөг. Гэтэл маш олон хүмүүс амар тайвныг зовлон бэрхшээлгүй үед л байдаг зүйл гэж боддог. Хүмүүс амар тайвныг эрүүл мэнд, эд баялагтай холбож ойлгодог. Гэтэл Бурханы амар тайван нь хүнд хэцүү нөхцөл байдал дунд ч бидэнд илэрхийлэгддэг. Тэр бүү хэл хамгийн хүнд хэцүү тэр цаг мөчид Бурханы амар тайван илүү хүчтэйгээр мэдрэгддэг. Ариун Сүнсний оршихуй нь итгэгч хүн нэг бүрт зовлон бэрхшээлийн дунд ер бусын амар тайвныг, амар амгаланг мэдрүүлдэг. Ингээд хамтдаа “БИД ЯАГААД АМАР ТАЙВНАА АЛДДАГ ВЭ?” гэсэн сэдвээр үргэлжлүүлэн үзэцгээе.
    26 min
  • БИЕ БИЕНТЭЙГЭЭ ЭВТЭЙ БАЙХ НЬ – 1 хэсэг
    Үзэл бодол нийцдэг, санаа нийлдэг хүмүүстэйгээ эв найрамдалтай амьдрах амархан байдаг. Харин алхам тутамд чинь тантай сөргөөцөлдөж байдаг тэр хүмүүстэй эв найрамдалтай амьдрах боломжтой болов уу? 
                Итгэгч бидний хувьд эргэн тойрондоо байгаа бүх хүмүүстэй эв найрамдалтай амьдрах нь бидний үүрэг. Хэдийгээр тэр хүмүүсийн зарим нь бидний дайсан байхыг илүүд үзэж байж болох ч бид тэр хүмүүстэй аль болох эвтэй байхыг хичээх учиртай. Энэ цагт Др.Стэнли бидэнд хэрхэн БИЕ БИЕНТЭЙГЭЭ ЭВТЭЙ БАЙХ ВЭ? гэдгийг тайлбарлаж өгөх болно. Ингээд Др.Стэнлийн ярианд анхаарлаа хандуулцгаая.
    24 min
  • БИЕ БИЕНТЭЙГЭЭ ЭВТЭЙ БАЙХ НЬ – 2 хэсэг
    Матай номын 18-р бүлэг дээр Петр Есүс дээр ирээд өөрийнх нь эсрэг бурууг үйлдсэн хүнийг хэдэн удаа уучлах ёстой вэ? гэж асуусан байдаг. Петрийн бодлоор долоон удаа уучлахад хангалттай гэж бодсон. Бид ихэнхдээ Петртэй адилхан бодолтой байдаг. Бид уучлалын тал дээр шугам татаж, “үүнээс цааш уучлах аргагүй” гэж боддог. Тэгээд бусад хүмүүс тэр шугамыг минь давах үед бид тэр хүмүүстэй зөрчил тэмцэл үүсгэж, “тэр өөрөө эхэлсэн шүү дээ” гэж өөрийгөө зөвтгөдөг. Харин Петрийн энэ бодолд Есүс ямар хариулт өгснийг хамтдаа харцгаая. Матай 18:21-22-г уншицгаая, “Дараа нь Петр ирж, Түүнд —Эзэн, ах дүү маань миний эсрэг нүгэл үйлдэхэд би хэдэн удаа уучлах вэ? Долоон удаа юу? гэхэд нь Есүс айлдсан нь —Би чамд долоон удаа бус, харин дал дахин долоон удаа гэж хэлье.” 
        Бид өөрсдийн эргэн тойронд байгаа хүмүүсийг үргэлжлүүлэн уучилсаар байхын тулд яах ёстой вэ? гэдгийг өнөөдөр Др.Стэнли бидэнд зааж өгөх болно. Бид тийнхүү бусдыг уучилсанаараа өөр хоорондоо эв найрамдалтайгаар амьдарч чадна.
    25 min
  • ДОТООД АМАР ТАЙВАН
    Та Бурхантай эвлэрсэн үү? Хэрвээ та Есүс Христэд итгэсэн бол Бурхан таны бүх гэм нүглийг уучилсан. Тиймээс та Бурхантай эвлэрсэн гэсэн үг. Тэгвэл та бусадтай эв найртай байна уу? Магадгүй энэ асуултад хариулахад танд амаргүй байж мэднэ. Гэхдээ би энэ цагт өөр нэгэн илүү хувийн шинжтэй асуултыг асуумаар байна. Та өөрөө өөртэйгөө эвлэрч чадсан уу? Таны дотор дотоод амар тайван байна уу?
                Бид өөрөө өөртэйгөө эвлэрч, өөрөө өөрийгөө хүлээн зөвшөөрөхийн тулд яах ёстой вэ гэдгийг өнөөдөр Др.Стэнли бидэнд хэлж өгөх болно.
    22 min

About ITGELRADIO

From the publisher's feed

Библийн боловсрол олгох радио үйлчлэл