ITGELRADIO

ITGELRADIO

Download on the App Store

ITGELRADIO episodes

  • ХЭРЭГЦЭЭТЭЙ ЦАГТ ЯЛАЛТЫГ АВЧРАХ ХҮЧ - 2 хэсэг
    Бид бүгдийн амьдралд дааж давшгүй мэт санагдах тэр асуудлууд тулгардаг. Санхүүгийн хямрал, эрүүл мэндийн асуудал, харилцааны асуудал гэх мэт олон асуудлууд биднийг гарах гарцгүй мэт болгож мухардуулдаг. Харин Бурхан бидний хэрэгцээг бүрэн хангаж чаддаг гэдгийг бид мартаж болохгүй.
    Бид өөрсдийнхөө сул дорой байдлыг хүлээн зөвшөөрч, Бурханаас хамааралтай амьдрах үед Бурхан бидний хэрэгцээ бүхнийг хангаж өгдөг. Харамсалтай нь бид ихэвчлэн асуудлыг өөрсдөө шийдэх гэж оролддог. Өөрсдийн гараар тэр асуудлыг шийдэж чадахгүй юм байна гэдгийг ухаарч, цөхрөх хүртлээ бид Бурханд хандалгүйгээр өөрөө хичээж зүтгэсээр байдаг. Харин бидний энэ бардам хандлага Бурханы ажилд хамгийн ихээр саад болж байдаг юм. Хэрвээ танд хэрэгцээ байгаа бол өөрийгөө юу ч хийж чадахгүй гэдгийг хүлээн зөвшөөрч Бурханд залбир, тэгээд итгэ. Учир нь залбирал болон итгэл нь хамтдаа нийлэхээрээ “ХЭРЭГЦЭЭТЭЙ ЦАГТ ЯЛАЛТЫГ АВЧРАХ ХҮЧ” болдог юм.
    20 min
  • ХРИСТИЙН АМИЛАЛТЫГ ҮГҮЙСГЭХИЙН ҮР ДАГАВАР – 1 хэсэг
    Олон хүн Христийн амилалтын ач холбогдлыг маш дутуу үнэлж амьдардаг. Үүнийг өөрсдийнх нь амьдралд нэг их хамааралтай зүйл биш мэтээр боддог. Гэтэл Христ үхлээс амилсан гэдэг нь Есүс Христ бол Бурхан гэдгийг батлах баталгаа болж өгдөг. Есүс Христэд үхлийг ялан дийлэх хүч чадал бий гэсэн баталгаа болж өгдөг. Өнөөдөр бид хамтдаа энэхүү гайхамшигтай үнэний талаар сурцгаах болно.
    22 min
  • ХРИСТИЙН АМИЛАЛТЫГ ҮГҮЙСГЭХИЙН ҮР ДАГАВАР – 2 хэсэг
    Одоогоос 2000 жилийн тэртээд Есүс Христ энэ дэлхий дээр мэндэлсэн. Тэрээр энэ дэлхий дээр амьдарч, энэ дэлхийн хүмүүст үйлчилж байсан. Эцэст нь Есүс цовдлогдон нас барж, оршуулагдаад, гурав хоногийн дараа үхлээс амилж, булшнаасаа гарсан. Есүс Христийн үхэл болон Түүний амилалыг ойлгож байж бид Түүний агуу үйлчлэлийг, хүн төрөлхтөнд өгсөн мөнхийн авралыг ойлгох боломжтой болох юм. Өнөөдөр бид 1 Коринт номын 15-р бүлэг дээрээс “ХРИСТИЙН АМИЛАЛТАНД ИТГЭХИЙН АЧ ХОЛБОГДОЛ”  чухам юу юм бэ гэдгийг үзэх болно. Өнөөдрийн Библи судлалын энэ цагаар дамжуулаад бид Христэд итгэгч хүмүүсийг үхлийн дараа ямар ирээдүй хүлээж байгаа талаар онцгойлон үзэх болно. Ингээд хамтдаа Др.Чарльз Стэнлийн сургаалд анхаарлаа хандуулцгаая.
    22 min
  • ШИНЭ ГЭРЭЭНИЙ ҮЕИЙН БАТПИСМ БА ТҮҮНИЙ ШАЛТГААН
    Маш олон хүн баптисмын талаар тодорхой ойлголтгүй явдаг. Тэдний хувьд баптисмын утга учрыг ойлгоогүйгээсээ болоод ач холбогдлыг нь ойлголгүй явсаар байдаг. Хэдийгээр баптисм хүртэх эсэх нь бидний аврал авах эсэхтэй холбоогүй ч энэ бол итгэгч хүний итгэлийн амьдралд байдаг маш хүчтэй  гэрчлэл,  Бурханы өмнө дуулгавартай байгаагийн маш тод илрэл болж өгдөг юм. Хэрвээ та баптисм хүртэх эсэх тал дээр эргэлзэж тээнэгэлзэж байгаа бол өнөөдрийн хичээлийг анхааралтай сонсоорой. Др.Чарьлз Стэнли бидэнд Шинэ гэрээний үеийн баптисм ба түүний утга учрын талаар тодорхой тайлбарлаж өгөх болно.
    23 min
  • ЭЗЭНИЙ ЗООГ
    Загалмайд цовдлогдон нас барахынхаа өмнөхөн Есүс Өөрийн дагалдагч нартаа Өөрийнхөө энэ дэлхийд ирсэн зорилгыг нэгэн онцгой аргаар тайлбарлаж өгсөн байдаг. Есүс Христ Өөрийн 12 дагалдагч нартайгаа сүүлчийн удаа зоог барихдаа энэхүү онцгой зан үйлийг үйлдсэн юм. Өнөөдөр бид үүнийг “Эзэний зоог” хэмээн нэрлэдэг. Талх дарсаар дамжуулаад Есүс маргааш нь Иерусалим хотын гадна, модон загалмайгаар дамжуулан хийгдэх тэр нэгэн шинэ гэрээг зураглан үзүүлсэн байдаг. Өнөөдөр Христийн чуулган бүхэлдээ энэхүү гэрээний нэгэн хэсэг болсон гэдгээ хүлээн зөвшөөрч “Эзэний зоог”-ийн ёслолыг үйлддэг. Тэгвэл өнөөдөр сүм чуулган бүрт үйлдэгддэг энэхүү онцгой ёслолын утга учир нь чухам юу юм бэ гэдгийг өнөөдөр Др.Чарльз Стэнли бидэнд тайлбарлан таниулах болно.
    22 min
  • ИТГЭЛИЙН АМЬДРАЛААР ТЭНЦВЭРТЭЙГЭЭР АМЬДРАХ НЬ
    Хэрвээ бид итгэлийн амьдралаа график болгоод зурах юм бол ямар зураг гарах бол? Бидний ихэнхийнх нь график огцом дээшээ явсан, огцом доошоо буусан янз бүрийн дээшилж доошилсон зурааснуудаас бүрдэх байх гэж би боддог.
    Үнэндээ итгэгч бидний хувьд “ИТГЭЛИЙН АМЬДРАЛААР ТЭНЦВЭРТЭЙГЭЭР АМЬДРАХ НЬ” хамгийн хэцүү даваануудын нэг байдаг. Мэдээж бид өөрсдийнхөө сэтгэл хөдлөлийг илэрхийлэх нь зөв. Гэхдээ бид өөрсдийн анхаарлыг Бурхан дээр хандуулах юм бол нөхцөл байдлаас хамаарч дээшилж доошилдог биш харин ямар ч нөхцөл байдалд тэнцвэртэй амьдарч чадна. Мэдээж хэлэхэд амархан ч хийхэд хэцүү. Тиймээс та Др.Чарльз Стэнлийн өнөөдрийн сургаалд анхаарлаа хандуулаарай.
    25 min
  • ИТГЭЛИЙН СУУРЬ
    Үл итгэгч хүмүүстэй маргалдаж мэтгэлцэх үедээ бид ихэвчлэн тэднийг давж гарахыг хичээдэг. Ингэхдээ бид өөрсдийнхөө итгэл үнэмшлийг мэргэн цэцэн үгээр илэрхийлэн хэлж, янз бүрийн тоо баримтаар баталж нотлохыг хичээдэг. Бид юунд итгэж байгаагаа сайн мэддэг байх нь чухал ч үүний хажуугаар бидний итгэлийн суурь нь яг юу юм бэ гэдгийг мэддэг байх нь маш чухал юм.
    Бид үл итгэгч хүмүүстэй Христитгэлийн талаар ярилцахдаа хувьслын онол, эцсийн үеийн талаарх эш үзүүллэг гэх мэт олон янзын асуудлаар ярьсаар үндсэн шугамаасаа хазайх нь элбэг байдаг. Мэдээж үл итгэгч хүмүүсийн асуусан асуултад бид шударгаар хариулах хэрэгтэй. Гэхдээ бид болж л өгвөл яриагаа Христитгэлийн үндсэн асуудал руу, Христитгэлийн суурь луу чиглүүлж байх нь чухал юм. Христитгэлийн суурь нь Есүс Христ болон Түүний загалмай дээрх агуу үйлс шүү дээ. Элч Паул ч бас юуны түрүүнд үүнийг л ярихыг чухалчилдаг байсан. Бид ч бас үүнийг чухалчлах хэрэгтэй. Ингээд хамтдаа Др.Чарльз Стэнлийн сургаалд анхаарлаа хандуулцгаая.
    25 min
  • БУЗАР МУУД БУУЛТ ХИЙХИЙН НУУГДМАЛ АЮУЛ
    Бузар мууд буулт хийнэ гэдэг бидний итгэлийн амьдралд маш хор хөнөөлтэй байдаг. “Ганцхан удаа шүү дээ” гэж бид өөрсдийгөө хуурах үед энэ нь эргээд биднийг маш том сорилт уруу татлага руу хөтөлж байдаг. Бид бузар мууд буулт хийж, “ганц удаа юм чинь” гэж өөрийгөө хуурсаар нэг л мэдэхэд Бурханы өмнө дуулгаваргүй амьдралаар амьдарч эхэлдэг.
    Тэгвэл өнөөдөр Др.Чарльз Стэнли бузар мууд буулт хийх нь ямар хор хөнөөлтэй юм бэ гэдэг талаар бидэнтэй ярилцах болно. Гэм нүглийн өмнө өчүүхэн төдий буулт хийхэд л энэ нь ахисаар ахисаар нэг л мэдэхэд бид өөрсдөө тэрхүү гэм нүгэлдээ хүлэгдчихсэн явж байдаг. Тэгвэл “БУЗАР МУУД БУУЛТ ХИЙХИЙН НУУГДМАЛ АЮУЛ”-аас хэрхэн сэргийлэх вэ гэдгийг хамтдаа одоо сурцгаая. Ингээд Др.Чарльз Стэнлийн сургаалд анхаарлаа хандуулцгаая.
    30 min
  • ИТГЭЛТЭЙГЭЭР ЗАЛБИРАХ НЬ - 1 хэсэг
    Өнөөдөр залбирлын тухай номнууд олон болсон байна. Хэрхэн үр нөлөөтэй залбирах вэ, хэрхэн үр жимстэй залбирах вэ гэх мэт олон номнуудыг бид олж болно. Итгэгчид бид Бурханы өмнө цаг гаргаж, Бурханд хандан залбирах нь чухал гэдгийг мэддэг ч хэрхэн залбирах вэ гэдгээ тэр бүр мэддэггүй. Тийм ч учраас залбирлын талаар ном нилээд түлхүү бичигдэх болсон байх.
    Тэгвэл өнөөдөр бид Др.Чарльз Стэнлийн сургаалаар бэлтгэн хүргэдэг “ХАМТДАА” радио цуврал хичээлээрээ энэхүү чухал сэдвээр үзэх болно. Хэрвээ таны залбирлын амьдрал үр жимсгүй болчихсон юм шиг санагдаж байгаа бол та өнөөдрийн сургаалыг анхааралтай сонсоорой. Өнөөдөр Др.Стэнли бидэнд “хэрхэн итгэлтэйгээр залбирах вэ” гэдгийг зааж өгөх болно.
    26 min
  • ИТГЭЛТЭЙГЭЭР ЗАЛБИРАХ НЬ - 2 хэсэг
    Айдас, эргэлзээ, тээнэгэлзэл биднийг Бурхантай харилцахад саад болж байдаг. Бид Есүс Христтэй ямар холбоотой болохоо мэдэхгүй байх үед бидний залбирал хүчгүй байдаг. Тэгвэл Др.Чарльз Стэнли бидэнд өнөөдөр энэ сэдэвтэй холбоотой олон чухал зүйлсийг өгүүлэх болно. Ингээд хэрхэн итгэлтэйгээр залбирах тухай энэ цагт хамтдаа сурцгаая.
    27 min

About ITGELRADIO

From the publisher's feed

Библийн боловсрол олгох радио үйлчлэл