ITGELRADIO

ITGELRADIO

Download on the App Store

ITGELRADIO episodes

  • МӨНГӨ САНХҮҮГИЙН ТУХАЙ ЗӨВ ОЙЛГОЛТ - 1 хэсэг
    Бид улс орнуудын засгийн газар их хэмжээний өр тавьсан тухай янз бүрийн мэдээ сонсдог шүү дээ. Тэдний энэ их өр нь ихэвчлэн буруу менежмент, өндөр зардал, хариуцлагагүй үйл ажиллагаанаас болсон байдаг. Тэгвэл засгийн газрыг хүнд байдалд оруулдаг энэ асуудлууд хувь хүнийг ч бас хүнд байдалд оруулдаг байх нь. 
        Библи дээр санхүүгийн талаар маш олон ухаалаг мэргэн зөвлөгөө, зөв сайн зарчмууд агуулагдаж байдаг. Харамсалтай нь итгэгчид тэр бүр үүнийг мэддэггүй, дагаж мөрддөггүйгээс болоод санхүүгийн асуудалтай амьдрах нь элбэг байдаг. Тэд энэ мэргэн ухаан тэдний гэр бүл, ажил төрөл, харилцаа холбоог нь аварч чадах мэргэн ухаан гэдгийг тэр бүр мэддэггүй.  
    Тэгвэл бидний түгээмэл гаргадаг санхүүгийн алдаануудыг хэрхэн засаж залруулах вэ?, мөнгө санхүүтэй холбоотой асуудлуудыг хэрхэн шийдвэрлэх вэ гэдгийг Др.Стэнли бидэнд зааж өгөх болно. Ингээд хамтдаа “МӨНГӨ САНХҮҮГИЙН ТАЛААРХ ЗӨВ ОЙЛГОЛТ” гэсэн сэдвээр үзэцгээе.
    29 min
  • МӨНГӨ САНХҮҮГИЙН ТУХАЙ ЗӨВ ОЙЛГОЛТ - 2 хэсэг
    Бид мөнгө санхүүгээ захиран зарцуулахдаа ч, мөнгө санхүүг олохдоо ч Бурханы хүслийн дагуу байх нь чухал юм. Мөнгө санхүү бидний амьдралд ямар чухал вэ гэдгийг Бурхан сайн мэддэг. Тийм ч учраас бид амьдралын энэхүү чухал талбартай холбоотой практик зөвлөгөө, удирдамжуудыг Библиэр дамжуулан Бурхан бидэнд өгсөн байдаг. Бид Бурханы хүслийн дагуу санхүүгээ захиран зарцуулахын тулд юуны түрүүнд бидний санхүүгийн эх үүсвэр нь хэн бэ гэдгийг ойлгох нь чухал гэдгийг Др.Стэнли бидэнд сануулж байна. Ингээд Др.Стэнлийн ярианд анхаарлаа хандуулцгаая.
    27 min
  • ЗАЛБИРЛЫН ХЭВ МАЯГ - 1 хэсэг
    Бие биенийгээ сайн таньдаг байлаа гээд үүнийг бид жинхэнэ нөхөрлөл гэж хэлэхгүй. Харин бие биентэйгээ ойр дотно, чин сэтгэлийн харилцаатай байх нь жинхэнэ нөхөрлөлийн зорилго юм.
    Үүний нэгэн адилаар бид ч бас Бурхантай харилцахдаа зүгээр нэг зан үйл гүйцэтгэж байгаа юм шиг, эсвэл ямар нэгэн шашны дэг жаяг мөрдөж байгаа юм шиг байдлаар хандах юм бол энэ нь жинхэнэ харилцаа байж чадахгүй. Тиймээс бид Бурхантай харилцахдаа Бурхантай ойр дотно, Бурханыг хайрласан тэр хандлагаар харилцах нь чухал юм.
    Бид хэн нэгэн хүнтэй ойртож нөхөрлөхийн тулд цаг гаргах нь чухал. Бас тухайн хүнтэйгээ байнгын харилцаатай байх нь чухал юм. Тэгвэл бидний залбирал бидэнд Эзэн Есүстэй байнгын харилцаатай байх боломжийг олгож байдаг. Тиймээс бидний залбирал ямар хэв маягтай байх ёстой вэ гэдгийг бид мэдэх нь чухал юм. Энэ бол бидний хувьд Библийн дагуу залбирах маш чухал алхам. Өнөөдөр хамтдаа энэ чухал сэдвээр сурцгаах болно.
    28 min
  • ЗАЛБИРЛЫН ХЭВ МАЯГ - 2 хэсэг
    Магадгүй та “Эзэний заасан гуйлтыг” цээжээрээ мэддэг байж болох юм. Магадгүй та Эзэний заасан гуйлтыг цээжээрээ мэддэг хэрнээ утгыг ойлгодоггүй тэр хүмүүсийн нэг ч байж мэдэх юм. Тэгвэл Есүс Христ бидэнд энэхүү залбирлыг зааж өгөхдөө бидэнд яг юуг ойлгуулахыг хүссэн юм болоо?
    Бид Есүсийн зааж өгсөн энэхүү залбирлаар залбирах нь сайн ч Бурхан биднийг зөвхөн энэ үгсээр л залбираарай гэж огт хэлээгүй юм. Есүсийн зааж өгсөн энэхүү залбирал бол бидэнд хэрхэн залбирахыг зааж өгсөн нэгэн жишээ гэж бид ойлгож болно. Тиймээс бид энэ залбирлыг үг бүрчлэн цээжлээд амны уншлага болгох биш харин энэ үлгэр жишээ, энэ хэв маягийг нь ойлгож өөрсдийнхөө амьдралд хөрвүүлэн хэрэглэх нь чухал юм. Ингээд хамтдаа Др.Чарльз Стэнлийн сургаалд анхаарлаа хандуулцгаая.
    25 min
  • МАЦАГ БАРИН ЗАЛБИРАХ НЬ
    Маш олон итгэгчид мацаг барин залбирах залбирлыг Хуучин гэрээний зүйл мэтээр боддог. Абарахам, Давид, Даниелын үед бол мацаг барих нь чухал байсан байж болно харин одоо бол тийм биш гэж маш олон итгэгчид эндүүрдэг. Хоолоо хорин байж залбирах нь өнөөдрийн бидний нийгэмд зохихгүй, нийцэхгүй зүйл юм шиг тэдэнд санагддаг. Хэрвээ бид мацаг барихын ач холбогдолыг ойлгох юм бол энэхүү сүнслэг дасгалжуулалт нь ямар чухал болохыг тодорхой олж харах болно. Ингээд хамтдаа “Мацаг барин залбирах нь” гэсэн сэдвээр сурцгаая.
    24 min
  • АМАР ТАЙВНЫ ЭХ СУРВАЛЖ - 1 хэсэг
    Др.Чарльз Стэнлийн Библийн хичээлээр бэлтгэн хүргэдэг ХАМТДАА нэвтрүүлгийн энэ удаагийн дугаар ийнхүү эхэлж байна. Иохан 14:27 дээр Эзэн Есүс бидэнд ийнхүү амласан байдаг. Тэрээр бидэнд, “Амар амгаланг Би та нарт үлдээнэ. Амар амгалангаа Би та нарт өгнө. Ертөнцийн өгдгөөс өөрийг Би та нарт өгч байна. Өр зүрхээ бүү шаналга. Бүү түгшицгээ” хэмээн захисан.   
        Гэхдээ үнэнийг хэлэхэд бидний ихэнх нь айж түгшиж, санаа зовниж амьдардаг. Заримдаа Есүсийн бидэнд өгсөн тэрхүү амар тайвныг мэдэрч, тэрхүү амар тайван дотор амьдрахад хэцүү санагддаг. Тэгвэл өнөөдөр Др.Чарльз Стэнли бидэнд бидний амар тайвны эх сурвалж нь чухам юу юм бэ? гэдгийг хэлж өгөх болно.
    20 min
  • БИБЛИЙН АРГА ЗАМААР ЗАЛБИРЧ СУРАХ НЬ - 1 хэсэг
    Бидний амьдралд ямар нэгэн асуудал тулгарах үед, эсвэл ямар нэгэн хэрэгцээ гарах үед бид маш шаргуугаар залбирч эхэлдэг. Гэтэл хэдэн өдөр эсвэл хэдэн долоо хоног өнгөрсөн ч нөхцөл байдалд ямар ч өөрчлөлт гарахгүй байвал бид аяндаа шантарч эхэлдэг. Бид залбирлаа зогсоодог. Гэтэл бид залбирлаа зогсоож, Бурханы хүслийг, Бурханы хариултыг эрэлхийлэхээ болих үед бид Бурханаас бидэнд бэлдсэн сүнслэг үнэт эрдэнэсийг алдаж байдаг. Бидний тэсвэр тэвчээрийг шалгасан тэр бүх хүнд хэцүү цагууд ихэнхдээ хамгийн гайхалтай ивээл ерөөлийг дагуулдаг гэдгийг бид мартаж орхидог. Тэгвэл өнөөдрийн энэ цагт бид Библийн арга замаар хэрхэн залбирах вэ гэдэг талаар сурах болно.
    28 min
  • БИБЛИЙН АРГА ЗАМААР ЗАЛБИРЧ СУРАХ НЬ - 2 хэсэг
    “Залбирал таны өдөр тутмын амьдралын салшгүй чухал хэсэг мөн үү?” гэсэн асуултанд та шударгаар “тиймээ” гэж хариулж чадах уу?
    Олон итгэгчид Бурхантай хамт байх цагийг тэр бүр гаргадаггүй. Тэдний хувьд энэ цаг залхуутай, уйтгартай цаг мэт санагддаг. Заримдаа өөрийгөө хүчлэн байж Библи уншихдаа, хүчлэн байж залбирахдаа танд ч бас ийм мэдрэмж төрдөг байж болох юм.
    Гэтэл Бурхан бидэнд залбирлыг өгөхдөө хэзээ ч бидний урмыг хугалж, биднийг зоригийг мохоох гэж өгөөгүй. Харин ч Бурханд хандан залбирах залбирал бидний хувьд урам зориг, эрч хүч авах эх сурвалж байх учиртай юм. Ингээд өнөөдөр Др.Чарльз Стэнлийн Библийн хичээлийг хамтдаа сонсож Библийн дагуу хэрхэн залбирах вэ гэдгийг сурч авцгаая.
    26 min
  • ЕСҮСИЙН НЭРЭЭР
    Есүс нэгэнтээ Өөрийн дагалдагч нартаа Өөрийнх нь нэрээр залбираарай гэж захьсан байдаг. Хэрвээ Өөрийнх нь нэрээр залбиран гуйх юм бол гуйлтанд нь заавал хариулах болно гэж Есүс амласан. Тэгвэл энэ үг нь яг юу гэсэн утгатай юм болоо? Бид “Есүсийн нэрээр залбирлаа, Амен” гэж залбирлаа дуусгах юм бол гуйсан бүхнээ заавал авна гэсэн үг үү?
    Өнөөдрийн энэ цагт бүгдээрээ залбиралтай холоотой чухал үнэнийг олж мэдэх болно. Мөн бид Бурханы өмнө залбирлаа өргөхдөө ямар хандлагатай байх ёстой вэ гэдгийг ч бас үзэх болно. Мөн Есүсийн нэрээр залбирах нь ямар утга учиртай юм бэ? гэдгийг бид ойлгож авах болно.
    24 min
  • ХЭРЭГЦЭЭТЭЙ ЦАГТ ЯЛАЛТЫГ АВЧРАХ ХҮЧ - 1 хэсэг
    Бурхан Их үерээр дамжуулан энэ дэлхий дээр сүйрлийг буулгах гэж байгаагаа Ноад урьдаас мэдүүлэх үед Ноа Бурханд итгэж хөвөгч бүхээгийг хийсэн байдаг. Мөн Мосе Бурханы дуудлагыг хүлээн авч Израильчуудыг Египетийн боолчлолоос чөлөөлсөн байдаг. Хуучин гэрээний энэ хоёр итгэмжит хүний өмнө хоёр өөр агуу үүрэг оногдсон боловч тэдэнд нийтлэг нэг зүйл байсан юм. Бурхан тэдэнд амлалтыг өгсөн. Харин тэд тэрхүү амлалтанд итгэсэн юм.
    Өнөөдөр энэ цагт Др.Стэнли бидэнд Бурхан Өөрийнхөө амлалтанд үргэлж хүрдэг гэдгийг дахин сануулах болно. Хэрвээ Бурхан амласан бол тэр амлалтыг биелэсэнд тооцож болно. Харин бидний хувьд залбирлаараа дамжуулан Бурхантай хөл нийлүүлэн алхаж, итгэлээрээ амьдрах нь л чухал юм. Учир нь залбирал болон итгэл нь хамтдаа нийлэхээрээ “ХЭРЭГЦЭЭТЭЙ ЦАГТ ЯЛАЛТЫГ АВЧРАХ ХҮЧ” болдог юм.
    24 min

About ITGELRADIO

From the publisher's feed

Библийн боловсрол олгох радио үйлчлэл