Хуучин гэрээн дээр Израйлийн олон олон хаадын хаанчлалын түүх гардаг. Харамсалтай нь тэдний ихэнх нь Бурхан Эзэний тушаалуудыг үл тоож ард түмнээ гэм нүгэл худал хуурмаг шүтээн рүү дагуулсан байдаг. Харин бузар муу замаар алхаагүй цөөхөн хаадын нэг бол Иосиа хаан юм. Тэрээр бол өмнөх хаадаас тэс өөр хүн байсан. Тэрээр 16 хан насандаа амьдралаараа Бурхан Эзэнийг хайх тэр шийдвэрийг гаргасан байдаг. Түүний энэ халуун хүсэл нь Иудаг худал хуурмаг шүтээнээс нь цэвэршүүлэхэд түүнийг түлхсэн юм. Иосиа эцэг өвгөдөөсөө маш үнэтэй сургамжийг авсан байлаа. Тэрээр өөрийгөө болон ард түмнээ гэм нүгэлд уусан живэхээс аврахын тулд Эзэнд өөрсдийгөө бүхэлд нь зориулах ёстой гэдгийг тэр ухаарсан юм.  

    Өнөөдрийн ХАМТДАА нэвтрүүлгээр Чарльз Стэнли бидэнд энэ л зарчимыг хуваалцах болно. Хэрэв бид Эзэнийг идэвхитэйгээр эрж хайхгүй юм бол гэм нүгэл бидний амьдралыг аажим аажимаар эзлэх болно. Өнөөдрийн сургаалыг сонсохдоо та бүхэн энэ аюулаас өөрсдийгөө хэрхэн хамгаалах вэ гэдгийг анхааралтай сурч аваарай.

Бид ямар нэг ажлыг амжилттай сайн хийхийн тулд тодорхой хэмжээнд итгэлтэй байх ёстой байдаг. Та тамирчин ч бай, мужаан ч бай, хөгжимчин ч бай нисэгч ч бай хамаагүй тухайн ажлаа үр бүтээлттэй хийхийн тулд тодорхой хэмжээнд өөртөө итгэлтэй байх ёстой байдаг.

Тэгвэл үүний нэгэн адилаар бид итгэлийн амьдралдаа үр бүтээлтэй байхын тулд өөрсдийнхөө авралд итгэлтэй байх ёстой гэдгийг Др.Чарльз Стэнли бидэнд сануулж байна. Хэрэв бид мөхийн авралдаа итгэлтэй байж чадахгүй юм бол бид Бурханаас холдчих вий, Бурханд хаягдчих вий гэсэн айдас дотор амьдрах болно. Өнөөдөр хамтдаа “Эргэлзээгээ итгэл найдвараар солих нь” гэсэн сэдвээр сурцгаая.

Бид ямар нэг ажлыг амжилттай сайн хийхийн тулд тодорхой хэмжээнд итгэлтэй байх ёстой байдаг. Та тамирчин ч бай, мужаан ч бай, хөгжимчин ч бай нисэгч ч бай хамаагүй тухайн ажлаа үр бүтээлттэй хийхийн тулд тодорхой хэмжээнд өөртөө итгэлтэй байх ёстой байдаг.

Тэгвэл үүний нэгэн адилаар бид итгэлийн амьдралдаа үр бүтээлтэй байхын тулд өөрсдийнхөө авралд итгэлтэй байх ёстой гэдгийг Др.Чарльз Стэнли бидэнд сануулж байна. Хэрэв бид мөхийн авралдаа итгэлтэй байж чадахгүй юм бол бид Бурханаас холдчих вий, Бурханд хаягдчих вий гэсэн айдас дотор амьдрах болно.

Бид бүгд л амьдралдаа ямар нэгэн зүйлд хүрэхийг хүсэж байдаг. Тэр зорилгодоо хүрэх төлөвлөгөөг хүртэл боловсруулсан байдаг. Гэтэл Бурхан заримдаа бидэнд үүнээс маань тэс өөр зүйлийг хэлдэг. Харин тэр үед бид Бурханд эргэлзэж гайхаж эхэлдэг. 

    Тэгвэл өнөөдөр Др.Стэнли бидэнд Бурхан Өөрийнхөө алхам бүрийг бидэнд тайлбарлан ойлгуулах үүрэг хүлээгээгүй болохыг сануулж байна. Бид Бурханы удирдамжийг ойлгохгүй байх тохиолдолд бид Бурханы өмнө дуулгавартай байж Бурханд итгэх хэрэгтэй гэдгийг бидэнд ятгаж байна. Өнөөдрийн ХАМТДАА нэвтрүүлгийн дугаараар Др.Чарльз Стэнли бидэнтэй “Та Бурханд итгэж чадах уу” гэсэн сэдвээр хуваалцах болно

Библи дээр Бурхан Өөрийн хүмүүст тодорхой заавар өгсөн тохиолдол олон байдаг. Гэхдээ заримдаа тэр бүх зааврууд нь утга учиргүй юм шиг санагдмаар. Жишээ нь Бурхан Абрахамыг ганц хүүгээ өргөл болгон өг гэж хэлж байсныг та санаж байгаа байх. Бас Иерихо хотыг эзлэх үед Бурхан Иошуад ханыг тойрон алх гэж тушааж байсан. Харин Ноад хуурай газар дээр асар том хөвөгч авдар хий хэмээн тушааж байсан. 

    Гэхдээ энэ тохиолдол бүрт Бурхан хэрхэн ажилласныг та бид санаж байгаа. Бурхан биднийг Өөрт нь итгэж Бурханы тушаалыг ямар ч үед дуулгавартай дагаж чаддаг байгаасай гэж хүсдэг. Утга учиргүй, авцалдаагүй санагдаж байсан ч хамаагүй. ХАМТДАА нэвтрүүлгийн өнөөдрийн дугаараар Др.Стэнли бидэнд “Та Бурханд итгэж чадах уу?” гэсэн асуултад хариултыг өгөх болно.

Өнөөдөр энэ цагт биднийг сонсож байгаа олон хүмүүсийн хувьд амьдрал нь яг л тэнгисийн дунд давалгаанд ийш тийш шидэгдэн байгаа завь шиг санагдаж байгаа байх. Харин чухамдаа ийм л үед бид Бурханы итгэмжит байдалд найдвараа тавьж Бурханд итгэж найдах ёстой юм. Гэтэл бид салхи шуурганы аясаар ийш тийш шидэгдэж байгаа итгэлээ хэрхэн тогтвортой болгох вэ? 

    ХАМТДАА нэвтрүүлгийн маань өнөөдрийн дугаараар Др.Чарльз Стэнли бидэнд хэрхэн Бурханд хөдлөшгүй бат итгэх вэ гэдэг талаар тайлбарлаж өгөх болно. Хэдийгээр бидний дотор айдас, эргэлзээ мэдрэгдэж байж болох ч бид өөрсдийнхөө өмнө байгаа асуудлыг Тэнгэрлэг Эцэгтээ итгэж найдсан тэр нүдээр харж сурах хэрэгтэй юм. Хамтдаа “Итгэлийн тулаанд бат зогсох нь” гэсэн сэдвээр заах Др.Чарльз Стэнлийн ярианд анхаарлаа хандуулцгаая.

Маш олон байшин гаднаасаа харахад маш үзэмжтэй баригдсан байдаг. Харин суурийг нь маш сайн шалгаад үзэх юм бол тэр байшингийн жинхэнэ чанар нь танигддаг. Гэтэл бидний итгэл ч гэсэн үүнтэй адилхан юм. Энэ талаар өнөөдрийн ХАМТДАА нэвтрүүлгээр Др.Чарльз Стэнли бидэнд өгүүлэх болно. Хэрэв байшингийн суурь нь сул байх юм бол байшин ч тэр бидний итгэл ч тэр ялгаагүй бат бэх байж чадахгүй.

Өнөөдөр Др.Стэнли бидэнд “Итгэлээр алхах нь” ямар утга учиртай болохыг хэлж өгөх болно. Энэ цагийн туршид та өөрийнхөө амдралыг шалгаад үзээрэй. Салхи дэгдэж, бороо орж, үер буухад таны итгэл таныг хамгаалах уу, эсвэл таныг нураах уу? Та шалгаад үзээрэй. Ингээд Др.Чарльз Стэнлиг сонсоцгооё.

Ром 5:1 дээр өгүүлэхдээ “Тиймээс итгэлээр зөвтгөгдсөн бид бидний Эзэн Есүс Христээр дамжуулан Бурхантай эвлэрсэн билээ” гэсэн байдаг. Мөн Галат 3:11 дээр “Зөвт хүн итгэлээр амьдарна” хэмээн тунхагласан байдаг. Энэ хоёр ишлэлээс итгэл гэдэг ямар чухал болохыг бэлээхэн харж болно. Тэгвэл “итгэл” гэж яг юу юм бэ? Хэрэв та энэ асуултад итгэлтэйгээр хариулж чадахгүй байгаа бол өнөөдрийн сургаалыг анхааралтай сонсоорой. Өнөөдөр бид “Итгэлээр алхах нь” чухам ямар утга учиртай болохыг тодорхой үзэх болно. Мөн та өөрийнхөө амьдралд “итгэлээрээ алхах” тэрхүү практик аргуудыг ч өнөөдрийн энэ сургаалаар дамжуулан үзэх болно. Ингээд хамтдаа Др.Чарльз Стэнлийн ярианд анхаарлаа хандуулцгаая.

Христитгэл бол өөрөө гайхамшиг. Бусад хүмүүсийн амьдралд гайхамшиг болж байгааг олж харах юм бол та өөрийнхөө амьдралд гайхамшиг болох боломжтойг олж харах хэрэгтэй. Итгэх хэрэгтэй. Гайхамшиг миний амьдралд боломжтойг мэдсэн. Тийм учраас гайхалтай амьдралыг өгсөн Эзэнийг гэрчилж амьдарцгаая.

Та хичнээн сайн эсвэл хичнээн муу хүн байхаас үл шалтгаалаад эрт орой хэзээ нэгэн цагт Бурхантай эвлэрэх, Түүний уучлал өршөөлийг эрэлхийлэх хэрэгцээ шаардлагатай тулгарах болно. Харин тэр цагт Бурханы уучлал өршөөл бидний сайн үйлсээс хамаардаг биш харин Есүс Христийн үйлдсэн бидний төлөөх үйлстэй холбоотой болохыг ухаарах болно.