Библи дээр биднийг залбиралд өөрсдийгөө зориулах тухай, хүнд хэцүү нөхцөл байдалд ч, баяр хөөртэй байхдаа ч аль ч тохиолдолд тасралтгүй залбираарай гэж олонтаа сургасан байдаг. Тэгвэл Бурхан яагаад итгэгч биднийг залбиралд тэгтэл нь хүчтэй уриалсан юм болоо?

Өнөөдөр Др.Стэнли бидэнд энэ чухал асуултын хариултыг өгөх гэж байна. Бидний Бурхантай гаргадаг тэрхүү залбирлын цаг нь бидний Бурханаас хүссэнээ гуйх цаг төдий биш юм. Харин энэ нь амьдралдаа үр жимстэй, үр нөлөөтэй, аз жаргалтай байх амин чухал эх ундарга юм. Бидэнтэй хамт байж, бидний залбирал биднийг хэрхэн Есүс Христэд улам ойртуулдаг болохыг мэдэж аваарай. Др.Стэнли өнөөдөр бидэнд “Бидний залбирал Бурханд нөлөөлдөг үү?” гэсэн асуултын хариултыг өгөх болно.

Өнөөдрийн нэвтрүүлгээр бид Христийн дүртэй адил болохоор тогтоогдсон гэдэг нь ямар утга учиртай болох талаар үзэх болно. Итгэгч бид энэ л ойлголтон дээрээ итгэл найдвараа тавих хэрэгтэй. Бид Бурханы үгийг унших тусам судлах тусам Бурханы итгэмжит байдлыг улам бүр таньж мэддэг. Бурхан бидэнд Бурханы хайрыг сонгох чөлөөт сонголт өгсөн юм байна гэдгийг бид ойлгодог. Хэрэв бид энэ хайрыг хүлээн авах юм бол бид аврагдаж, Бурхантай эвлэрч, зөвтгөгдөж бас алдаршуулагдах болно гэдгийг бид өмнөх хичээлүүдээрээ үзсэн. Ингээд хамтдаа Др.Чарльз Стэнлийн сургаалд анхаарлаа хандуулцгаая.

“Та алдаршуулагдсан”. Энэ бол өнөөдрийн ХАМТДАА нэврүүлгийн маань гол сэдэв. Бид сүүлийн дугааруудаараа Бурхан загалмай дээр чухам юуг хийсэн юм бэ гэдгийг өгүүлэхээр зорьж байгаа билээ. Др.Чарльз Стэнлийн гайхалтай сургаалуудаар дамжуулан бид Бурхан биднийг байгаагаар нь хайрласан болохыг, бид уучлагдсан, бид аврагдсан, бид Бурхантай эвлэрсэн болохыг мөн бид зөвтгөгдсөн бас Христтэй хамт цовдлогдсон гэдгийг бид сурч мэдсэн шүү дээ.

Бидний бэлтгэн хүргэдэг цуврал хичээлээр дамжуулан Бурханы үг таны амьдралд хийгээд таны зүрх сэтгэлд онцгой байр суурийг эзлэх болсон гэдэгт бид итгэж байна. Өнөөдрийн дугаараар таны үзэх тэрхүү гайхамшигтай үнэн таны бодол санааг Бурханы үгийн дагуу өөрчилж, таны амьдралыг шинэчлэх хүч чадалтай юм шүү.

Таны амьдралд ялалтаасаа илүү ялагдал нь олон байна уу? Та амьдралдаа сүнслэг ялагдлуудыг амссаар байна уу? Таны амьдралд хэзээ ч ялалт ирэхгүй юм байна даа гэж та цөхрөнгөө барж байсан уу? Та цаашид ингэж цөхрөнгөө барах шаардлагагүй болсон. Тун удахгүй бид итгэлийн амьдралдаа айдсаа ялан дийлж, бүтэлгүйтлээ даван туулж, ялалтанд хүрэх тэрхүү Библийн нууцаас сурах гэж байна. 

    ХАМТДАА нэвтрүүлгийн маань өнөөдрийн дугаараар Др.Чарльз Стэнли бидэнд Есүс Христ Голготын толгод дээр цовдлогдохдоо бидний төлөө чухам юуг хийж өгснийг тайлбарлаж өгөх болно. Бид өнгөрсөн хичээлүүдээрээ “Бурхан биднийг байгаагаар минь хайрладаг болохыг”, “Бид уучлагдсан, аврагдсан, зөвтгөгдсөн, Бурхантай эвлэрсэн” талаар үзэцгээсэн. Тэгвэл өнөөдөр бид “Та Есүс Христтэй хамт цовдлогдсон” гэсэн сэдвээр үзэх болно. Ингээд Др. Чарльз Стэнлийн хичээлд анхаарлаа хандуулцгаая.

Бид бол Бурханаар хүлээн зөвшөөрөгдөж, уучлагдаж, аврагдаж, хайрлагдаж, Бурхантай эвлэрч, Бурханы өмнө зөвтгөгсдөн хүмүүс юм. Хэрэв та өнөөдрийн сургаалыг анхааралтай сонсох юм бол Бурханы хүүхдүүд болсон бид Бурханаас маш олон ивээл ерөөлийг хүртсэн болохыг ойлгох болно. 

    Өнөөдөр бид танд Бурханы Хүү Есүст итгэх итгэлээр дамжуулан өгөгдсөн тэр бүх эрх чөлөө эд баялагийн талаар хуваалцах болно. Өнөөдрийн бидний үзэх сэдэв бол “Та зөвтгөгдсөн” гэсэн сэдэв байгаа. Ингээд хамтдаа Др.Чарльз Стэнлийн ярианд анхаарлаа хандуулцгаая.

Загалмай бидэнд юуны тухай өгүүлдэг вэ? ХАМТДАА радио цуврал нэвтрүүлгийн өнөөдрийн дугаараар бид Христитгэлт амьдралын чухал салшгүй ойлголтуудын нэг хэсэг болох нэгэн чухал ойлголтын талаар Др.Чарльз Стэнли бидэнтэй ярилцах болно. Бурхан биднийг байгаагаар минь хайрладаг болохыг бид өмнөх дугаараараа үзсэн. Үнэхээр Бурхан бидний хүн нэг бүрийг хайрладаг. Өнөөдрийн энэ цагт бид Бурхантай эвлэрсэн гэдгийг үзэх болно. Муудалцсан хүмүүс хоорондоо эвлэрдэг шүү дээ. Өөрөөр хэлбэл эвлэрнэ гэдэг нь хоёр ба түүнээс дээш тооны хүмүүс эргэн нэгдэж, ойлголцож, эв эетэй явахыг хэлдэг. Тэгвэл өнөөдөр хамтдаа Др.Чарльз Стэнли биднийг “Бурхантай эвлэрсэн” гэдэг үнэнийг хэрхэн хуваалцахыг анхааралтай сонсоцгооё.

Есүс Христ загалмай дээр амиа өгөхдөө Өөрт нь итгэгч хүн бүхэнд зориулан гайхамшигтай бэлгийг бэлдсэн юм. ХАМТДАА цуврал хичээлийн өнөөдрийн дугаараар Др.Чарльз Стэнли бидэнд загалмайн талаар гайхамшигтай үгийг дамжуулах болно. Өнөөдөр бид “Та аврагдсан” гэсэн сэдвээр үзэх болно. Та бүхэн манай цуврал хичээлүүдийг анхааралтай сонсож, сонсох бүртээ Есүс Христэд улам бүр ойртсоор байгаа гэдэгт бид итгэлтэй байна. 

    “Бид авралын авсан” хэмээн тунхаглахдаа бид чухам юуг тунхагладаг юм бэ гэдгийг бид өнөөдрийн хичээлээр үзэх болно. Өнөөдрийн хичээлээр дамжуулан бид Христийн загалмай гэдэг ямар утга учиртай болохыг үзэцгээх болно. 

    Энэхүү радио хичээлээр маань дамжуулан та бүхэн өөрсдийгөө Бурханы хүүхэд болохоо гүн гүнзгий ухаарч, үүгээрээ дамжуулан Бурханы хүслийн дагуу улам ихээр өөрчлөгдөөсэй гэж бид чин сэтгэлээсээ хүсэж байна. Ингээд хамтдаа Др.Чарльз Стэнлийн ярианд анхаарлаа хандуулцгаая.

Христийн загалмай дээрх үхэл бол бидний уучлалын үндэс суурь юм. Энэ л үнэнийг өнөөдрийн ХАМТДАА хичээлээр Др.Чарльз Стэнли бидэнд өгүүлэх болно. Бидний итгэл үнэмшлийн үндэс суурь болсон энэ л үнэний талаар өгүүлэх өнөөдрийн хичээлийн сэдэв бол “Та уучлагдсан”. Бурханы хайрыг хүртэхийн тулд та эхлээд өөрчлөгдөж сайн хүн болох шаардлагагүй юм. Бурхан та биднийг аль хэдийн байгаагаар минь хайрласан. Түүний нигүүлслийн мутар бидэнтэй хамт байгаа юм. Бид энэ үнэнийг ойлгох тэр цагт Бурханы бидэнд үнэгүй өгсөн тэрхүү уучлалыг хүлээн авч чаддаг. Энэ бол өнөөдрийн хичээлийн гол санаа юм. Хамтдаа Чарльз Стэнлийн хичээлийг анхааралтай сонсоцгоож Есүс Христийг улам илүү таньж мэдэцгээе.

Өнөөдрийн ХАМТДАА нэвтрүүлгийн сэдэв бол “Бурхан таныг байгаагаар чинь хайрладаг” гэсэн сэдэвтэй юм. Энэ сэдэвтэй холбоотой Библийн гайхамшигтай үнэнийг бид өнөөдөр үзэх болно. Энэ цагаар дамжуулан танд урам зориг өгөх болно.

Чарльз Стэнлийн өнөөдрийн хичээлийг та заавал сонсоорой. Тэгээд Есүс Христтэй ХАМТДАА байх нь ямар утга учиртай болохыг олж мэдээрэй. Өнөөдрийн сэдэв бол “Бурхан таныг байгаагаар чинь хайрладаг” гэсэн сэдэв байгаа. Бурхан үнэхээр таныг байгаагаар чинь хайрладаг юм шүү.

Өнөөдөр дэлхийн өнцөг булан бүрт буй Христэд итгэгчидэд зориулан гаргасан Христ итгэлийн талаар маш сайн сайн сурах бичгүүд, ном зохиолууд олноороо гарсаар байна. Бурханы үг болох Библийг уншиж судлахад тус дэм болох зорилготой маш олон бүтээлүүд гарсаар байна. Дээрээс нь Христитгэлт дуу, Христитгэлт радио, телевиз гээд л. Өөрөөр хэлбэл бидний хувьд Библийн чанартай сайн сургаал, хичээлүүдийг олж авах бүх л бололцоогоор өнөөдөр бид хангагдсан байна. Ингэлээ гээд бид нийгэм дээрээ хүчтэй, нөлөө бүхий байж тэр бүр чаддаггүй.   

    Жишээ нь Итгэгч бидний хувьд санхүүгийн буруу менежменттэй байх явдал түгээмэл байдаг. Итгэгч өсвөр насны хүүхдүүдийн дунд гэр бүлээс өмнөх бэлгийн харьцаанд орох явдал итгэгч биш хүүхдүүдийнхтэй адилхан хувьтай байдаг байна. Тэгвэл бид Бурханы талаар мэдэх боломж урьд урьдынхаас илүү их байсаар байтал бидний эргэн тойронд өөрчлөлт яагаад бодитоор ажиглагдахгүй байна вэ? Бид Бурханы тухай мэдээллүүдийг цуглуулаад байдаг хэрнээ Бурханыг таньж мэдэж амжаагүй явсаар байгаа юм биш биз дээ? Өнөөдөр Др.Чарльз Стэнли бидэнд Бурханыг хэрхэн чин сэтгэлээсээ эрэлхийлэх вэ гэдгийг заах болно.