Гэм нүгэл бидний амьдралд орж ирэх үед маш хурдан тархаж, бидний Бурхантай харилцах харилцааг тасалж, бусдад хандах хандлагыг сэвтүүлж, бидний бусадтай харилцах харилцаанд цав суулгадаг. Харин Бурханы уучлалаар дамжуулан бидэнд ирсэн аврал бидний Бурхантай дайсагнасан зөрчлийг арилгадаг. Харамсалтай ихэнхдээ бидний бусадтай муудалцсан зөрчил хэвээрээ үлдчихдэг. Өс хонзон, хорсол занал, гомдол энэ бүхэн бидний итгэлийн амьдралд шаардлагагүй ачаа дарамтыг нэмж байдаг. Тэгвэл итгэгч бид бие биендээ хэрхэн хандах ёстой вэ?

Бид бүгд л дотно сайн найзтай болохыг хүсдэг. Тэгсэн хэрнээ дотроо ганцаардлыг тээсээр амьдарч буй хүмүүс бидний эргэн тойронд маш олон байдаг. Тэгвэл бидний заримынх нь хувьд яагаад ийм гүн гүнзгий дотно сайхан нөхөрлөлийг бий болгох тийм хэцүү байдаг юм болоо? Яагаад бидний зарим нь ганцаардлаар дүүрэн амьдарсаар байна вэ? Хэдийгээр Бурхан бидний бүх л хэрэгцээг бүрэн хангах чадалтай боловч Бурхан биднийг эргэн тойронд байгаа хүмүүстээ хүрээсэй, тэдэнтэй нөхөрлөөсэй гэж хүсэж байдаг гэдгийг өнөөдрийн нэвтрүүлгээр Др.Стэнли бидэнд ойлгуулах болно. Бидэнтэй хамт байж ганцаардлаа даван гарч “Бурханлаг нөхөрлөлийг цогцлоох”-л тустай 10 практик алхамуудыг сурч аваарай.

Библи дээр жинхэнэ нөхөрлөлийн түүх олон байдаг. Мосе Аарон хоёр, Наоми Рут хоёр, Паул Силас хоёр, Ионатан Давид хоёр, тэр ч битгий хэл Есүс Өөрөө хүртэл Петр, Иохан, Иаков нартай ойр дотно нөхөрлөж байсныг бид мэднэ. Өнөөдөр Др.Стэнли бид ч бас тэдэнтэй ялгаагүй болохыг сануулах болно. Үнэндээ бидний эргэн тойронд хурдацтай өрнөж буй энэ нийгэмд Библийн баатруудаас ч илүүгээр сайн найз нөхөд бидэнд хэрэгтэй. Та өнөөдрийн нэвтрүүлгийг сонсохдоо өөрийг чинь хүрээлэн буй хүмүүсийн талаар бодоод нэг үзээрэй. Тэдгээр хүмүүс чинь танд урам зориг өгч, босгон байгуулж байна уу гэдгийг нэг тунгаагаад үзээрэй.

Марафон гүйлт бол 26 км тасралтгүй гүйдэг маш тэсвэр тэвчээр шаардсан уралдаан. Энэ уралдаанд оролцож буй тамирчид сайтар бэлтгэгдсэн байх ёстойгоорс гадна замаасаа гарахгүй, ухарч няцахгүй байнга бариаг харж явах ёстой байдаг. 1 Коринт 9-р бүлэг дээр элч Паул итгэлийн амьдралыг яг л ийм уралдаантай зүйрлэсэн юм. Зарим итгэгчид итгэлийн амьдралынхаа гараанаас маш хурдан гүйдэг боловч уралдаанаа дуусгаж чадалгүй сульдан зогсох нь ч бий. Гэтэл зарим нь замаасаа гарч уралдааны орхидог. Харин зарим нь уралдаанаас айж, гараанаасаа хэзээ ч урагш алхдаггүй. Харин тэсвэр тэвчээртэйгээр замаа дуусгасан хүмүүсийг шагнал хүлээж байдаг. Тэгвэл та ямар уралдаанд гүйж явна вэ? Таны хичээл зүтгэл шагнагдах болов уу? Эсвэл шагналд тэнцэхгүй байх болов уу? Энэ л асуултын хариултыг өнөөдөр Др.Чарльз Стэнли бидэнд өгөх болно.

Аливаа улсын Засгийн газрын нэгэн онцгой үүрэг бол үндэсний аюулгүй байдлыг сахин хамгаалах явдал байдаг. Хэн нэгэн хүн армид алба хаавал тэр хүнийг хувцас хунар, хоол хүнс болон бусад шаардлагатай зүйлсээр нь төр хангаж өгдөг. Улсын зардлаар тэд улс эх орноо хамгаалдаг гэсэн үг. Тэдгээр хүмүүст олгогдож байгаа хангамж бол “зайлшгүй байх ёстой хангамж”. Яагаад гэвэл тэдгээр хүмүүс улс орноо хамгаалахын тулд цаг зав, авъяас чадвар гээд олон зүйлээ зориулж байгаа юм. Тэгвэл Библи бидэнд хэлэхдээ чуулган ч бас Бурханд үйлчлэгч нарт тийнхүү хандах хэрэгтэй гэдгийг ХАМТДАА нэвтрүүлгийн өнөөдрийн дугаараар Др.Чарльз Стэнли бидэнд хувцаалцах болно.

Хоёр хүн нэг цуглаанд зэрэгцэн сууж, адилхан номлол сонсож байна. Нэг нь тэр үгнээс урам зориг авч, өөрчлөгдөж байхад нөгөө нь ямар ч өөрчлөлтгүй гөлийн сууна. Ялгаа нь юундаа байна вэ? Өнөөдөр Др.Стэнли биднээс ТА БУРХАНЫ ҮГИЙГ ХЭРХЭН СОНСДОГ ВЭ? хэмээн дахин асууж байна. Матай номын 13-р бүлэг дээр Бурханы үгийг сонсож байгаа хүмүүсийн гаргадаг дөрвөн янзын хандлагыг өгүүлсэн байдаг. Др.Стэнлийн өнөөдрийн сургаалтай хамт байж та өөрийгөө ямар сонсогч болохыг олж хараарай хэмээн таныг урьж байна.

Таны бодол санаа Библийг сурч судлахад чинь хэр их нөлөөлдөг талаар та өмнө нь бодож үзэж байсан уу? Хэрэв та Бурханы үгийг сонсохдоо зүрх сэтгэл чинь нээлттэй байх юм бол та Бурханы үнэнийг ойлгох болно. Харин Бурханы хэлэх үгэнд хил хязгаар тогтоож, хааж боодог нэгэнд Бурханы үг тэс өөрөөр сонсогддог юм. Тэгвэл ТА БУРХАНЫ ҮГИЙГ ХЭРХЭН СОНСДОГ ВЭ?

Өнөөдөр Др.Стэнли библиэс Матай номны 13 дугаар бүлэгт гарах сургаалт зүйрлэлийг бидэнд тайлбарлан энэхүү асуултанд хариулахад маань бидэнд туслах болно.

Итгэгч бид залбирлын талаар ярихдаа голдуу л залбирлын хариултаа авах тухай, хүссэн хариултаа авах тухай ярьдаг. Ингэж бид өөрсдийнхөө хэрэгцээнд гол анхаарлаа хандуулснаараа үндсэн зорилгоо мартдаг.  

    Өнөөдөр Др.Стэнли бидэнд залбирлынхаа хандлагыг өөрчлөх, үүний тулд Бурхантай гаргах тэр цагийг хэрхэн үр дүнтэй байлгах вэ гэдэг талаар заах болно. Хэрэв таны залбирал амьгүй, таны залбирал сул болчихсон юм шиг санагдаж байгаа бол та өнөөдрийн “Амьдралаа залбирлын амьдрал болгох нь” гэсэн сэдэвтэй Др.Стэнлийн сургаалыг анхааран сонсоорой.

Итгэгч бид Агуу Бурхантай хүссэн үедээ, хүссэн зүйлээ ярих боложмтой байдаг. Тэгвэл бидний дундаас хэд маань энэ гайхамшигтай боломжийг, гайхамшигтай эрх мэдлийг чухалд тооцдог билээ? Ихэнхдээ бид Бурхантай залбирах цагийг орондоо орох зуураа, дэлгүүр явах замдаа ч юмуу хам хумхан л гаргадаг. Бид ихэнхдээ залбирах цагаа хойшлуулсаар хойшлуулсаар унтахынхаа өмнө залбирдаг. Тэгээд ихэнхдээ бид залбирч ч чадалгүй унтаад өгдөг шүү дээ. Өнөөдөр, бид энэ асуудлыг хэрхэн шийдэх вэ гэдэг талаар үзэх болно. Ингээд хамтдаа “Амьдралаа залбирлын амьдрал болгох нь” гэсэн сэдвээр заах Чарльз Стэнлийн ярианд анхаарлаа хандуулцгаая.

Иаков 5:16 дээр, “Зөвт хүний залбирал нь үр нөлөөтэй бөгөөд ихийг гүйцэлдүүлж чадна” гэсэн байдаг. Та энэ ишлэлийг үнэн гэж бодож байна уу? Бурхан бүхнийг мэддэг. Бүгдийг хардаг. Бүгдийг урьдаас тогтсон байдаг. Тэгвэл бидний залбирал үүнийг нь өөрчилж чадна гэж үү? Хэрэв та энэ асуултаас болоод залбирч чаддаггүй бол өнөөдрийн сургаалыг анхааралтай сонсоорой. Өнөөдөр Др.Стэнли биднийг өдөр бүр залбирахад тустай тийм үгсийг бидэнтэй хуваалцах болно. Бидний залбирал Бурханд нөлөөлдөг үү? гэсэн энэ асуултанд Др.Чарльз Стэнли хэрхэн хариулахыг хамтдаа анхааралтай сонсоцгооё.