Модон тавилга хийдэг орчин үеийн техник технологи бий болохоос өмнө модон тавилгыг маш энгийн бөгөөд үр дүнтэй аргаар хийдэг байж. Жишээ нь модыг ойгоос тайрч авчираад нугалж хэвэнд оруулаад, олсоор уяж бэхэлдэг байж. Мужаан тэр модыг маш болгоомжтойгоор хэвэн оруулж янз бүрийн хэлбэр бүхий тавилга хийдэг байж. Бурхан ч бас биднийг үүнтэй төстэй аргаар өөрчилдөг. Тэр бидниг Есүс Христтэй адил дүр төрхийн дагуу өөрчилдөг. Ингэхдээ биднийг нугалж, сунгаж, заримдаа бидний хэрээс хэтэрсэн гэмээр тийм байдлаар биднийг өөрчилдөг. Гол асуудал бол та тэрхүү төгс Мужаантай хамтран Түүний хүссэн хэвэнд орж өөрчлөгдөж байна уу эсвэл Түүнийг эсэргүүцэж байна уу гэсэн асуудал юм шүү.

Хаврын дулаахан өдөр ногоон талд эрвээхэй нисэхийг харах үнэхээр сайхан. Бид энэ дүр зургийг таашаан харахдаа нэг зүйлийг огт анзаардаггүй. Эдгээр эрвээхэйнүүд ийнхүү эрх чөлөөтэй нисэхийн тулд, авгалдайн бүрхүүлээсээ гарах гэж ямар их тэмцэл хийдгийг бид тэр бүр анзаардаггүй. Нөгөөтэйгүүр авгалдайн бүрхүүлээс гарах гэж оролдож байгаа эрвээхэйнд бид гаднаас нь туслах юм бол тэр эрвээхэй үхэх болно. Яагаад гэвэл бүрхүүлээсээ гарах гэж тэмцэлдэх тэрхүү тэмцэл нь эрвээхэйн далавчийг нисэхэд бэлэн болгодог байна. Өнөөдөр Др.Чарльз Стэнли бидэнд бидний амьдралд тулгардаг зовлон бэрхшээл эргээд биднийг гэм нүглийн хүлээснээс чөлөөлж, сүнслэг өсөлтөнд хөтөлдөг болохыг сануулах болно.

Бид хүүхдийг уншиж сургахын тулд шууд том нэвтэрхий толь бариулдаггүй шүү дээ. Эсвэл жолоо барьж дөнгөж сурч байгаа хүнд уралдааны машин бариулдаггүй шүү дээ. Харин бид тухайн хүнийхээ нас болон чадварын онцлогт нь тааруулж бүгдийг анхан шатнаас нь эхэлдэг. Итгэгч бидний хувьд “Бидний баялаг” бол биднийг сүнслэг өсөлтөд хүргэх маш үр нөлөөтэй хэрэгсэл юм. Санхүүгийн ухаалаг менежмент бол бидэнд сүнслэг сахилга батыг суулгадаг Бурханы олон хэрэгслүүдийн нэг юм. Энэ талбар дээр та хэр өсөлттэй байгаагаа өнөөдрийн Др.Чарльз Стэнлийн сургаалаар олж хараарай.

Хоёр тариачин талбайдаа тариа тарихаар болжээ. Нэг нь 100 га газарт улаан буудай тарьсан бол нөгөөх нь 300 га газарт улаан буудай тарьжээ. Ургац хураах цаг болоход энэ хоёр тариачны хэн нь агуулахдаа илүү их буудайтай сууж байхыг бид амархан тааварлаж чадна. Хүн юу тарьснаа хураах болно гэсэн Бурханы зарчим бидний амьдралын талбар бүрт хамаатай юм. Бидний амьдарлд байх ёстой “суурь ойлголтууд”-ын талаар Др.Чарльз Стэнли бидэнд цуврал болгон сануулж байгаа билээ. Ингээд хамтдаа Библи дээр “бидний баялаг” чухам юу болох талаар хэрхэн өгүүлснийг үзэцгээе.

Итгэлийн амьдралд үйлчлэл гэдэг маш чухал ойлголт юм. Заримдаа бид үйлчлэлийг боломж гэж харахаасаа илүү үүрэг гэж харах гээд байдаг. Өнөөдөр Др.Стэнли бидэнд “бидний авъяас чадварууд” бол Бурханаас өгөгдсөн бэлэг бөгөөд үүнийг бид Бурханыг алдаршуулахад хэрэглэх учиртай гэдгийг сануулж байна. Бид бусдад хэр их сайн үйлс хийж, бусдад хэр их үйлчилж байгаа эсэхийг Бурхан нэг их тоодоггүй. Харин бидний хандлага сэдлийг чухалчлан анхаардаг. Хамтдаа Др.Чарльз Стэнлийн өнөөдрийн сургаалаар бидний авъяас чадварууд бидний амьдралд ямар чухал болох талаар хамтдаа сурцгаая.

Цагийн сайн менежмент гэдэг хүн бүхэнд хэрэгтэй зүйл. Компаний захирлаас эхлээд сургуулийн сурагч хүртэл хүн бүхэнд хэрэгтэй. Харин итгэгч бидний хувьд бид амьдралаа Бурханы зорилгын дагуу зохион байгуулахад суралцах хэрэгтэй юм. Өнөөдөр Др.Стэнли бидэнд цаг хугацаа гэдэг бол Бурханаас бидэнд өгөгдсөн эрхэм нандин бэлэг болохыг сануулах болно.

Албан байгууллагууд үйл ажиллагаагаа явуулахын тулд голдуу компьютер хэрэглэдэг. Ширээ, тавиурууд дээр компьютерийн залгуур, гар, мауз болон өөр олон хэрэглэлүүдийг зайгүй тавьсан байдаг. Гэхдээ компьютерийг ажиллуулах софтвайр байхгүй бол энэ бүх хэрэглэлүүд ямар ч хэрэггүй юм. Бид ч бас үүнтэй адилхан. Хэрвээ бид бодол санаагаа зөв цэвэр бодлоор програмчлах юм бол бидний үйлдэл ч бас зөв байж чадна. Үүнтэй нэгэн адилаар бид бодол санаагаа бурханлаг бус бодлуудаар дүүрэн байх юм бол бидний амьдрал ч бурханлаг бус байх болно. Тэгвэл хамтдаа бодол санаагаа хэрхэн өөрчлөх вэ гэдэг талаар хамтдаа сурцгаая.

Бид Эзэн Есүс Христийг Аврагчаа болгон хүлээн авах үед Бурхан бидэнд шинэ сүнсийг, шинэ зүрх сэтгэлийг, цоо шинэ амьдралыг өгсөн. Есүст итгэсэн тэр цагаас хойш өнөөдрийг хүртэл итгэлийн амьдралаар алхахдаа Аврагч Эзэнтэйгээ хэр их ойр дотно танилцсан бол гэж би заримдаа дотроо боддог. Бид заримдаа итгэлийн амьдралдаа өсөж хөгжиж байгаа эсэхээ мэдэж чаддаггүй.

Та Есүсийг өөрийнхөө найз гэж боддог уу? Та Есүст өөрийнхөө хүсэл мөрөөдөл, сэтгэлийн дарамтаа нээн ярьдаг уу? Эсвэл Есүс таны амьдралыг сонирхдоггүй, алс хол байдаг нэгэн юм шиг танд санаддаг уу? Др.Стэнли өнөөдөр бидэнд Есүс бидний найз байхыг хүсдэг талаар бидэнтэй хуваалцах болно. Энэ бол бидний хамгийн их орхигдуулдаг ойлголтуудын нэг юм. Есүс Христ бол бидний Эзэн байгаад зогсохгүй бидний хамгийн сайн найз юм шүү гэдгийг тэр бидэнд сануулах болно.

Др.Стэнли өнөөдөр бидэнд насан туршийн дотно сайхан нөхөрлөлийг хэрхэн цогцлоож, хэрхэн хадгалж явах талаар практик зөвлөмжүүдийг өгөх болно. Сайн найзын үнэ цэнийг та сайн мэддэг байхаа. Магадгүй та дотно найзаасаа хагацаж үзсэн учраас болгоомжилдог байж ч болно. “Би тэр бүх алдаагаа хэрхэн давтахгүй байх вэ?” гэж та дотроо боддог байж ч магадгүй. Хэрхэн дотны найзтайгаа нөхөрлөлөө эргээж сэргээх вэ? Ийм бодолтой явдаг хүн бүрт Др.Стэнли өнөөдөр “сэвтсэн нөхөрлөл”-өө хэрхэн сэргээх талаар үнэ цэнэтэй зөвлөгөөг өгөх болно.