Jain Laghu Siddh Bhatti (Prakrit) जैन लघु सिद्ध भत्ति (प्राकृत) ◆

असरीरा जीव-घणा, उवजुत्ता दंसणे य णाणे य ।

सायारमणायारा, लक्खणमेयं तु सिद्धाणं ।। ।।

मुलुत्तर-पयडीणं, बंधोदय-सत्त-कम्म-उम्मुक्का ।

मंगल-भूदा सिद्धा, अट्ठ-गुणातीद-संसारा ।। 2 ।।

अट्ठ-विह-कम्म-वियला, सीदीभूदा णिरंजणा णिच्चा ।

अट्ट-गुणा किदकिच्चा, लोयग्ग-णिवासिणो सिद्धा ।। 3 ।।

सिद्धा णट्ठट्ठ-मला, विसुद्ध-बुद्धी य लद्ध-सब्भावा ।

तिहुयण-सिर-सेहरया, पसीयंतु भडारया सव्वे ।। 4 ।।

गमणागमण-विमुक्के, विहडिय-कम्मट्ठ-पयडि-संघाए ।

इ-संपत्ते, सासय-सुह-रते सिद्धा वंदिमो णिच्चं ।। 5 ।।

जय-मंगल-भूदाणं, विमलाणं णाण-दंसण-मयाणं

तइ-लोय-सेहराणं, णमो सया सव्व-सिद्धाणं ।। 6 ।।

सम्मत्त-णाण-दंसण-, वीरिय-सुहुमं तहेव अवगहणं ।

अगुरुलहुमव्वावाहं, अट्ट-गुणा होति सिद्धाणं ।। 7।।

तव-सिद्धे णय-सिद्धे संजम-सिद्धे चरित्त-सिद्धे य ।

णाणम्मि दंसणम्मि य, सिद्धे सिरसा णमंसामि ।। 8 ।।

*अंचलिका

इच्छामि भंते! सिद्ध-भत्ति-काउस्सग्गो कओ, तस्सालोचेउं। सम्मान सम्मदंसण सम्मचारित्त जुत्ताणं, अट्ठविह कम्म विप्पमुक्काणं, अट्टगुणसंपण्णाणं, उड्ड-लोय-मत्थयम्मि पइट्ठियाणं, तव-सिद्धाणं, णय-सिद्धाणं, संजम-सिद्धाणं, चरित्त-सिद्धाणं, अतीताणागद-वट्टमाण-कालत्तय- सिद्धाणं, सव्व-सिद्धाणं णिच्चकालं अंचेमि, पूजेमि, वंदामि, णमंसामि, दुक्खक्खओ, कम्मक्खओ, बोहिलाहो, सुगइ-गमणं, समाहि-मरणं, जिण गुण-संपत्ति होउ मज्झ।