Í hesi fyrstu Jambalaja-sendingini í hesi vetrarhálvuni fara vit at minnast fimm góðar sangarar, sum eru farnir í annað ljós hesar summarmánaðirnar, sum Jambalaja hevur ligið stilt.

Hetta er seinasta Jambalaja sending á hesum sinni. Í sendigini hoyra vit um unga sangaran og sangskrivaran Zach Bryan, sum hevur tikið øll á bóli hinumegin hav. Eisini hoyra vit um teir, ið eru kosnir nýggir limir í Country Music Hall of Fame. Ein teirra er dugnaligi sangarin, Keith Whitley, sum doyði í 1989, bert 34 ára gamal.

Ingi Samuelsen leggur til rættis.

Í Jambalaja í dag hoyra vit góðan tónleik, sum er útkomin seinastu tíðina. Og so heilsa vit eisini einum væl umtóktum sangara - King of Country verður hann róptur - sum rundaði tey sjeyti árini í vikuni.

Í dag spæla vit burtur úr nýggju útgávuni, Palomino, hjá Mirandu Lambert. Vit minnast Mickey Gilley, sum doyði farna vikuskiftið og so spæla vit fleiri góðar sangir við Tammy Wynette. Í farnu viku vóru liðin áttati ár síðan Tammy Wynette varð borin í heim.

Í sendingini í dag hoyra vit nakrar sangir úr nýggjastu fløguni hjá Willie Nelson "A Beautiful Time". Eisini hoyra vit um Naomi Judd, sum doyði dagin fyri, at hon skuldi setast inn í Country Music Hall of Fame.

Í sendingini í dag fara vit at hoyra eitt sindur av nýútgivnum tónleiki, við denti á eina útgávu hjá Charley Crockett. Vit spæla eisini norskan tónleik - vinnarar av Spellemansprisen í farnu viku.

Í Jambalaja í dag hoyra vit nakrar góðar nýggjar sangir, men fara eisini at gera vart við eina 75 ára gamla upptøku og ein dugnaligan framleiðara, ið fylti 75 í vikuni. Harafturat hoyra vit málið í tveimum av eftirkomarunum hjá Conway Twitty og Loretta Lynn og hoyra at enda eina søgu um eitt samstarv millum George Jones og southern rock bólkin Blackberry Smoke.

Ingi Samuelsen leggur til rættis

Í Jambalaja í dag spæla vit sangir við teimum, sum vunnu Grammy virðislønir seinasta vikuskiftið og ACM-virðislønirnar fyri umleið einum mánaði síðani. Og so spæla vit eisini tveir sangir hjá einari av okkara heilt stóru hetjum, sum hevði fylt 85 í vikuni.

Gráa eminensan millum kvinnuligar countrysangarar, Emmylou Harris, fylir sjeytifimm í dag. Vit spæla tónleik við henni allan tíman.