Í sendingini í dag hoyra vit tey, sum vórðu heiðrað við virðislønum frá Country Music Association herfyri. Vit gera eisini eitt sindur burtur úr Alan Jackson, ið fekk serligan heiður fyri lívslangt avrik.

Í hesi fyrstu Jambalaja-sendingini í hesi vetrarhálvuni fara vit at minnast fimm góðar sangarar, sum eru farnir í annað ljós hesar summarmánaðirnar, sum Jambalaja hevur ligið stilt.

Vit minnast Jerry Lee Lewis, sum andaðist 28. oktober.

Eitt sindur av nýggjum umframt gott gamalt er á skránni í dag. Sangarinnurnar Tanya Tucker, Dottie West og Wanda Jackson verða viðgjørdar, eins og Leslie Jordan, sum doyði í vikuni. Eisini fortelja vit søguna um, tá John Denver varð valdur til ársins undirhaldara, og Charlie Rich brendi kortið við navninum á. Herfyri vóru liðin 25 ár síðan John Denver doyði í flogvanlukku.

Jambalaja í dag snýr seg um sangaran, og tilrættisleggjaran Anita Kerr, sum doyði herfyri, 94 ára gomul. Sangbólkur hennara, Anita Kerr Singers, hevði sjáldsama stóra ávirkan á countrytónleikin, sum varð framleiddur síðst í fimmti árunum og fyrra helming av seksti árunum. Hesir sangararnir sungu undir á næstan øllum hittunum, sum vórðu tikin upp um hetta mundið.

Jambalaja í dag er ein blanding av gomlum og eldri. Vit hoyra burtur úr eini frálíkari heiðursútgávu við sangum hjá Billy Joe Shaver. Vit skulu eisini hoyra burtur úr eini sermerktari konceptútgávu hjá Ashley McBryde og - umframt okkurt gamalt - skulu vit eisini hoyra úr nýggjastu gospelplátuni hjá Tyler Childers.

Týsdagin andaðist sangarin og sangskrivarin Loretta Lynn, 90 ára gomul. Í Jambalaja í dag minnast vit hesa serstaku kvinnu, kallað "The Queen of Country Music", við at spæla nakrar av hennara frálíku sangum.

Eldri tónleikur, og nýggjur tónleikur, ið ljóðar eldri, er á skránni í dag. Vit hoyra søguna um tveir sangir, veruligir standards innan country. Og harafturat spæla vit sangir við sangarum, sum høvdu ella hava fylt runt ella hálvrunt í seinastuni.

Tað verður ikki countrytónleikur, men americana-tónleikur í Jambalaja hesaferð. Munurin millum country og americana er tó ikki altíð so lættur at hoyra. Í farnu viku vórðu ársins americana tónleikavirðislønir latnar, og sendingin snýr seg um hesar virðislønirnar, og sangirnar, ið vórðu tilnevndir til ársins americana-sang.

 

Ingi Samuelsen leggur til rættis.

Í Jambalaja í dag taka vit samanum og spæla nakrar góðar sangir, sum eru útgivnir gjøgnum summarmánaðirnar. Vit viðgera nøkur av teimum, ið eru tilnevnd eina CMA-virðisløn í ár, og so leita vit eisini aftur og fortelja søguna um ein sang hjá Kenny Rogers.