Í Jambalaja í dag hoyra vit ymsan nýútgivnan tónleik, m.a. tvey countryløg framførd av norðuríranum Van Morrison í skiffle-stíli. Eisini hoyra vit um yngstu Carter-systrina, Anita Carter, ið hevði fylt níti 31. mars, um henni varð langt lív unt.

Í Jambalaja í dag fáa vit eina dagføring av singlehittlistanum hjá Billboard, vit markera sekstiáradagin fyri innspælingina av Ring of Fire, og so hyggja vit eftir teimum báðum tilkomnu harrunum, ið eru bodnir at framføra á countryfestivalinum í Sørvági.

Sankta Patríksmessa var fríggjadagin 17. mars, og í hesum sambandi verður írskur og gæliskur fólkatónleikur á skránni í dag. Men ikki bara við írskum tónleikarum. Vit hoyra eisini tónleikarar úr Skotlandi, Danmark, Italia, Fraklandi og Spania. Og so sjálvandi nakrar av teimum kendu, Dubliners og Pouges, og ein íra, sum setti gongd á countrybylgjuna í Írlandi í sekstiárunum.

Vit spæla bara Hank Williams sangir í Jambalaja í dag. Talan er um sangir, sum The Hillbilly Shakespeare hevur skrivað ella sungið. Eisini eru nakrir, sum eru fluttir yvir í føroyskt. Vit hoyra Ragnar í Vík, Hall Joensen, Evy Tausen, Karstin Danielsen, Magna Christiansen, Magnus á Stongum, Countrybólkin, The Faroe Boys og Gudmund Johannesson

Í Jambalaja í dag hoyra vit eitt sindur um bundinskap, um hjúnaskilnaðir og so minnast vit seksti ára dagin fyri eina flogvanlukku, sum rakti countrytónleikin meint.

Í Jambalaja í dag draga vit nakrar eldri hittlistasangir fram. Men vit skulu eisini hoyra Ray Benson og Willie Nelson syngja ein sang hjá Waylon Jennings, sum nærum var gloymdur áðrenn Ray Benson fann hann framaftur. Og so ein bluegrass sang við ungum sangara, sum hevur eitt herlið av teimum bestu innan bluegrass at hjálpa sær.

Jambalaja í dag er merkt av, at tað mest eru rættiliga ókend nøvn, ið verða spæld. Nøvn, ið eru komin við góðum spennandi tónleiki í seinastuni. Ein teirra eitur Alex Williams, ein nógv róstur outlaw sangskrivari, sum stundum minnir heilt nógv um Waylon Jennings.

Í Jambalaja í dag fara vit at spæla nakrar av sangunum og burtur úr nøkrum av útgávunum, ið vórðu heiðrað við Grammyvirðislønum farna vikuskifti.

Í Jambalaja í dag verður tað fyri tað mesta nýggjur útgávur og smakkroyndir upp á komandi útgávur. Vit hoyra eitt nú Luke Combs, Morgan Wallen, Hardy, Iris DeMent og Willie Nelson, sum fyllir níti til várs.

Í Jambalaja í dag hoyra vit um Lucindu Williams, sum fór um tey 70 í vikuni, um David Crosby, sum doyði herfyri, um ein tann besta sangin hjá Tom T. Hall og um cowboysangaran og jodlaran Wylie Gustafsson úr Montana.