Í dag spæla vit sangir hjá og greiða frá teimum sangarum og bólkum, sum vórðu heiðraðir við CMA Awards av Country Music Association undanfarna mikudag. Vit hoyra m.a. Lainey Wilson, Chris Stapleton, Luke Combs og Jelly Roll.

Í dag fara vit ein túr fimmti ár aftur eftir tónabreytini, og boyra burtur úr plátum, sum komu út í 1973. Tað verður ikki bara countrytónleikur, men eisini týðandi útgávur, sum kanska hava havt sína ávirkan á countrytónleikin.

Í dag hoyra vit nakrar góðar eldri sangir, sum í seinastuni eru komnir út í nýggjum útgávum. Eisini markera vit føðingardagin hjá tveimum mætum sangskrivarum, Joni Mitchell og Glen Frey.

Vit leggja oyru til nøkur av teimum, sum herfyri vórðu heiðrað av Canadian Country Music Association. Eisini hoyra vit um kend country-hjún og hoyra dømi upp á góðan gamaldags honkytonk tónleik úr Svøríki.

Í dag hoyra vit um, at Keith Whitley, næstan 35 ár eftir deyða sín, hevur fingið viðurkenning frá Grand Ole Opry. Vit hoyra eisini eitt sindur um sangin Jolene hjá Dolly Parton, sum hevur fimmti ár á baki. So hoyra vit eisini fleiri góðar nýggjar sangir.

Í hesi sendingini hoyra vit meira av nýggjum tónleiki í Jambalaja stíli, sum er komin út síðan sendingin fór í summarfrí. Spildurnýtt frá Brad Paisley við álvarsligum boðskapi, og so silkibleytir tónar frá Vince Gill og steel-guitaristinum Paul Franklin. Eisini verða nakrir nýggir føroyskir sangir at hoyra.

Jambalaja í dag tekur saman um nakrar av góðu útgávunum, sum eru komnar í summar. Vit hoyra sangirnar, ið hava myndað hittlistarnar, og so hoyra vit eisini nýtt frá eitt nú Colter Wall, Whey Jennings og Billy Don Burns.

Í Jambalaja í dag hoyra vit um teir tónleikarar, sum vórðu heiðraðir av Americana Music Association á einum tiltaki í Ryman Auditorium í Nashville herfyri.

Vit hoyra sangir úr trimum nýggjum úgtávum í dag, hvør í sínum lagi av høgari góðsku. Og so minnast vit eisini tríggjar mætar sangarar og sangskrivarar, sum eru farnir í annað ljós, ein teirra tó fyri fimmti árum síðani.

17. september eru liðin 100 ár síðan Hank Williams varð borðin í heim. Jambalaja í dag er ognað sangunum hjá mætasta sangskrivaranum innan countrytónleik nakrantíð.