Tað verður jazzur í Jambalaja í dag. Vit hoyra nøkur dømir um kendar jazzarar, ið spæla ella syngja country, og nakrar countrysangarar, sum syngja jazz. Alt góður og kendur tónleikur. Eitt nú við Louis Armstrong, Ray Charles, Les Paul, Jimmy Buffet, Norah Jones og Willie Nelson.

Í Jambalaja í dag dvølja vit eina løtu við eina týðandi LP, sum kom út fyri fimmti árum síðani, í januar 1974. "Grievous Angel" hjá Gram Parsons. Vit spæla eisini nakrar nýggjari, ordiliga góðar, sangir.

Í sendingini hesaferð spæla vit nakrar av teimum bestu sangunum í Jambalaja-stíli, sum komu út í Føroyum í 2023. Vit hoyra m.a. Kristinu Bærendsen, Magna Christiansen, Mariu Ronnisdóttir á Heygum og Spælimenninar úr Nólsoy.

Í fyrstu Jambalaja-sendingini í ár fara vit at spæla nakrar av teimum bestu sangunum, sum komu út í árinum, ið júst er farið. Vit hoyra eitt nú Morgan Wallen, Zach Bryan, Chris Stapleton, Luke Combs, Tanya Tucker og Dolly Parton.

Seinasta Jambalaja-sending í ár verður við tónleiki frá konsetrini fyrr í ár í sambandi við 90 ára føðingardagin hjá Willie Nelson. Vit hoyra eitt nú Chris Stapleton, Sheryl Crow, Norah Jones, Miranda Lambert, Tom Jones, Lukas Nelson, Particle Kid og Keith Richards umframt Willie Nelson sjálvan.

Í seinastu sendingini undan jólum verður bara góður og kendur jólatónleikur á skránni. Vit koyra eitt nú Jim Reeves, Johnny Cash, Willie Nelson, Merle Haggard, Connie Smith og onnur. Eisini verður ein írskur, ein norskur og tveri føroyskir jólasangir við.

Við einum undantaki verða bara jólasangir á skránni í Jambalaja í dag. Talan er um nýggjar jólasangir og onkrar kendar í nýggjum útgávum. Undantakið er ein guittarleikari, ið júst hevur fylt 80, og sum gjørdi eina framúr útgávu av einum gomlum Jimmie Rodgers sangi í 1997.

Í farnu viku andaðist írski sangskrivarin Shane MacGowan. Tí verður keltiskur tónleikur við í sendingini í dag. Vit hoyra um Shane MacGowan og orkestrið The Pogues. Vit hoyra onkrar keltiskar jólasangir og eisini nýggjar jólasangir frá Nashville-leiðini.

Vetrarsangir eru á skránni í Jambalaja í dag. Ikki jólasangir, men nakrir, ið nema við komandi høgtíðina. Mest um kulda og væntanir fram móti jólum. Vit hoyra eitt nú Colter Wall, Hank Williams Jr., Jim Reeves og Merle Haggard.

Jambalaja spælir í dag sangir við sangarum, ið vunnu heiður, tá Texas Country Music Association herfyri lat sínar árligu virðislønir. Vit hoyra um ein sang, ið legði seg á fyrsta pláss á hittlistunum fyri fimmti árum síðani og so hoyra vit burtur úr nýggju og drúgvu rokkútgávuni hjá Dolly Parton. Rockstar.