Í Jambalaja í dag spæla vit føroyskan countrytónleik og líknandi, sum varð útgivin í 2022.

Um krígshetjuna Ira Hayes og eisini eitt sindur um drykkju og bundinskap.

Í Jambalaja í dag spæla vit føroyskan countrytónleik og líknandi, sum varð útgivin í 2022

Jambalaja markerar í dag 100 ára dagin fyri at Sam Phillips varð føddur. Sam Phillips var eigari av Sun upptøkuhølunum í Memphis, og er maðurin, ið fær heiðurin fyri at nøvn sum Elvis Presley, Roy Orbison, Johnny Cash, Jerry Lee Lewis og Carl Perkins gjørdust stórmenni innan tónleikin.

Jambalaja verður hesaferð send um morgunin nýggjársaftan. Vit siga tvær søgur, ið knýta seg at nýggjárinum. Tá Merle Haggard varð dømdur í San Quentin at sita, og um seinasta biltúrin hjá Hank Williams, sum einans náddi at liva 29 ár her á fold. Eisini spæla vit nakrar góðar frá árinum, ið fer.

Jambalaja ynskir gleðilig jól við nøkrum vøkrum jólasálmum, sungnir av mætum countrysangarum, so sum Dolly Parton, Elvis Presley og Johnny Cash. Men vit hoyra eisini írskan jólatónleik, og móti endanum av sendingini onkran rættiliga øðrvísi eisini.

Í seinastu Jambalaja-sending undan jólum, er meira jólacountrytónleikur á skránni. Í dag eru tað sangir hjá teimum góðu gomlu country-sangskrivarunum, sum verða spældir. So sum Haggard, Nelson, Cash og ikki minst Loretta Lynn.

Jambalaja er komið í jólahýr. Í dag verða nýggir amerikanskir jólasangir at hoyra - fleiri teirra nýskrivaðir. Ein er eisini, sum verturin metir eigur at gerast ein jólaklassikari. Vit hoyra millum onnur Jason Aldean, Chris Isaak og Thomas Rhett í eini innspæling við stórbandi.

Tónleikaúrvalið í dag er blandað. Vit hoyra søgurnar um nakrar gamlar klassikarar, til dømis hin seinasta, sum kom út við Hank Williams meðan hann enn var á lívi. Vit hoyra eisini um Shania Twain, sum var eitt mega navn fyri 25 árum síðani, og sum nú aftur letur hoyra frá sær.

Jambalaja snýr seg hesa vikuna um Marty Stuart, sum í hesum døgum hátíðarheldur, at tað eru fimmti ár síðani hann byrjaði at spæla professionelt, og trýati ár síðani hann varð innlimaður í Grand Ole Opry. Marty Stuart hevur stórar ætlanir um at gera eitt stórt savn fyri countrytónleik í tilknýti til gamla Ellis Theatre í heimbýnum, Philadelphia í Mississippi.