協康會喺每年4月第一個星期，都會舉辦「協康會自閉症關注周」，今年以「誰都可發光 只要找對地方」為主題，舉行一系列活動，希望大眾更認識自閉症！今集會同大家講解吓自閉症人士的特徵、如果家長懷疑小朋友係自閉症，又可以點做呢？一齊聽吓本會教育心理學家Chloe點講！

部分SEN青年在外觀上和一般人無異，但因為一些特質和行為，容易產生誤會。今集繼續有協康會賽馬會共創可能計劃項目經理Elsie，和大家分享真實個案故事，一起了解SEN青年的另一面！

SEN青年長大後，會面對更多就業和經濟的困難，家長反而擔心他們欠缺獨立性，不懂得照顧自己，負擔因而加重。今集協康會賽馬會共創可能計劃項目經理Elsie會和大家分享，有甚麼活動可以幫到這班青年和家長。

協康會「躍動成長路ADHD學童執行功能訓練計劃」入面，言語治療師利用專注法寶，例如「金剛箍」、「防護罩」等視覺提示，令聽覺專注同記憶力唔足夠嘅ADHD兒童加強溝通同執行功能。記得收聽負責計劃嘅言語治療師Janice 介紹喇！

ADHD兒童因為執行功能缺損，令佢哋容易分心、坐唔定又冇時停，部分仲會容易發脾氣，喺社交方面都有困難。協康會推出嘅「躍動成長路ADHD學童執行功能訓練計劃」，其中包括言語治療師嘅針對性訓練。記得收聽負責計劃嘅言語治療師Janice 講解喇！

協康會推出嘅「躍動成長路ADHD學童執行功能訓練計劃」，除咗有系統咁訓練ADHD學童之外，仲好强調家長同小朋友一同參與嘅重要性，包括有六節家長小組，小組由教育心理學家同社工帶領，教家長點樣實行正向管教同改善同小朋友嘅溝通技巧，計劃最終以親子遊戲日作結，將計劃所學到嘅技巧應用於日常生活中。記得收聽負責計劃嘅社工Tes詳細講解喇！

協康會「躍動成長路ADHD學童執行功能訓練計劃」過往參加者反應踴躍，有逾九成家長認同自己能夠更瞭解ADHD嘅特徵同情況，又高興見到小朋友進步。負責此計劃嘅協康會服務經理Jerry，會分享計劃入面嘅兒童訓練小組、家長咨詢環節，同埋導師分享等等，點樣改善到小朋友嘅行為表現同埋執行功能。有興趣參加計劃嘅就唔好錯過，要知道報名方法就要重溫番上集喇！

協康會專業團隊一直透過臨床實證治療，研究改善ADHD兒童的執行功能，從而協助佢哋更有效咁學習，建立人際關係同埋參與群體生活。今集負責「躍動成長路ADHD學童執行功能訓練計劃」嘅協康會服務經理Jerry，就會先解釋計劃入面小朋友同家長點樣共同參與其中，令訓練成效更顯著；又會回顧過往參加者嘅感受同回饋。有興趣參加計劃嘅就唔好錯過，留意呢集提及嘅報名方法喇！

由協康會一班家長代表任幹事、以及坊間有興趣參與家長會活動人士而組成嘅同心家長會，現時已擁有超過4,000位會員。入會後可參加家長講座及工作坊等等，又會定期收到《同心快訊》及《同心語》刊物以掌握最新復康資訊和參加紓緩照顧壓力嘅興趣班。協康會區域經理Sandra仲會分享同心家長會向政府提出意見及倡議嘅角色，想加入該會嘅人士就萬勿錯過啦！

協康會除咗照顧SEN兒童、青年之外，亦會為照顧者好似係SEN人士嘅父母、家人親戚、照顧員提供支援，當中分布於港九新界嘅多間家長資源中心，就正正提供唔同支援，例如熱線諮詢服務、玩具圖書館、社交及康樂活動、教育性講座及工作坊等等。協康會區域經理Sandra會同大家講講，有關服務點樣有益呢班照顧者身心、以親子形式一同接觸社區；有興趣人士又可以點樣揾屋企附近有冇家長資源中心加入。