協康會專家一連三集分享咗早產BB同家長會遇到嘅困難，今集繼續有協康會言語治療師Johnson，同我哋分享早產BB口肌及進食發展問題，有咩訓練可以增強佢哋嘅口肌能力？家長亦會擔心早產BB追唔上同齡人，其實有冇得比較？又係咪真係「輸蝕」啲呢？

小朋友講嘢叻唔叻、幾歲識得叫爸爸媽媽，一向都係唔少父母關心嘅事。但原來早產BB有機會出現整體發展遲緩，例如語言、肌肉發展遲緩等，令父母好擔心。今集有協康會言語治療師，同我哋分享早產BB語言發展進程，出現咩「紅旗」要特別留意呢？又有甚麼訓練比到佢哋？

迎接新生命固然係開心，不過聽完上集早產嬰媽咪嘅分享，都知道照顧早產BB嘅壓力都唔細。今集繼續請到早產嬰家長支援計劃社工Cari，同大家分享一啲情緖支援小貼士，以及協康會嘅專業輔導、同路人嘅鼓勵，對呢班家長又幾重要？家長又應該用咩心態照顧BB呢？

協康會除咗一直陪伴SEN小朋友成長，近年都有支援早產嬰嘅親子計劃。媽咪Yuki嘅小朋友25周就出世，亦因為咁試過壓力爆煲。今集除咗有Yuki同我哋分享佢嘅經歷，亦有早產嬰家長支援計劃社工Cari，同大家傾吓早產嬰家長出現情緒問題常唔常見！

原來小朋友去到四歲左右，家長或者老師留意到佢哋有一啲特定表徵，就要多加留意佢哋係咪可能喺學習詞彙上有困難。協康會言語治療師Valerie又會同大家介紹協康會憑多年經驗，針對語言發展懷疑有障礙，或者已確診有讀寫障礙嘅小朋友而推出嘅服務。

小朋友講嘅詞彙唔夠多？成日淨係識講「呢個」、「嗰度」、「咩嘢」空泛指示詞？唔駛擔心，協康會言語治療師Valerie會同家長分析小朋友缺乏詞彙、詞不達意的先天原因及後天環境因素，又會傳授秘笈，教家長點樣從生活中入手，慢慢增加小朋友嘅詞彙，以及推介由協康會出版嘅「詞彙直送：詞彙學習遊戲套裝」點樣寓學習於桌遊之中，萬勿錯過！

要訓練口肌問題，家長如果掌握一啲技巧，都可以由日常生活入手，令小孩提升口部肌肉力度同穩定度，從而改善發音唔清嘅情況，協康會言語治療師Valerie會同家長傳授秘笈，萬勿錯過！佢又會同大家分享佢接觸過嘅嚴重個案，講解佢點樣針對性咁做訓練，最後令個案喺發音同講嘢清晰度上都有明顯進步。

一般來説，孩子去到幾多歲，咬字發音才會清晰？當佢哋去到幾歲仲未能準確發音，家長就要醒覺，可能係時候需要揾言語治療師做訓練？協康會言語治療師Valerie同大家分析幾種小朋友咬字唔準發音唔清晰嘅原因，又會分享家長可以點樣提示孩子發音準啲。

孩子去到幾多個月大，就可以試吓食一啲比較軟身嘅水果，或者蒸得熟啲嘅瓜類？再過多幾多個月，仲可以食埋固體食物添？協康會言語治療師Valerie同大家分享小朋友喺唔同發展階段進食時要注意啲咩，又會講吓點樣幫小朋友戒糊仔，為咬字發音做好準備！

孩子喺嬰兒時期流口水係好常見，但去2歲半甚至3歲仲流好多口水，換口水肩換得好密，就要多加留意！協康會言語治療師Valerie會同我哋分析，小朋友持續流口水嘅唔同成因，仲會分享日常生活中有乜方法可以改善佢哋流口水嘅情況。