Karrape Irratia

Leitzako Aurrerako pilota eskolako Joseba Sagastibeltza izan dugu gurean , azken asteburuan izan diren partiduen berri eman digu eta baita datozen egunetan izanen diren hainbat partiduren berri ere, txapelketa zenbaitetan ari dira gure inguruko pilotariak

Aurten ere Kantu Jaia antolatua du Angel Mariezkurrena San Ferminetarako. Uztailaren 13an izanen da eta Baluarten. Egun osoko festa antolatu du hainbat gonbidatu ere izanen direlarik. Tartean dira Leitzako dantzariak edo Aresotik Jaione Olazabal, Jon Gurrutxaga eta familia.

Pirineoetan, Garden ain zuzen ere Hartz gazte bat ikusi berri dute. Ondoren mendizainek kamera batzuen bidez irudiak ere hartu dituzte. Gaur gaia gurera ekarri dugu eta horretarako honetan aditua den Migel Mari Elosegi Leitzarrarekin aritu gara. Entzun kontatu diguna.

Ados pilotak antolatzen duen San Fermin Torneoa bere bukaerara iristen ari da. Finala uztailaren 12an izanen da hala ere gaur Iera Agirre Iturriagarenin bihar uztailak 5, antolatu duten jaialdi bereziaren inguruan ere aritu gara hizketan. Entzun Ierak kontatu diguna

San Ferminak hastear diren honetan hainbat lagunekin aritu gara gure saioan zehar. Gaur besteak beste Iruñean lan eginen duen Idoia Zabaleta argazkilari Leitzarrarekin aritu gara hizketan. San Ferminak lanean nola bizituko dituen kontatu digu eta bere lanbidearen ingurukoak jaso ditugu.

San Ferminak ate joka ditugun honetan Oinez Txokora egin dugu. Iada egonkortuta dagoen gunea da Oinez Txokoa. Aurten ere egitarau zabala antolatu dute bertan. Gaurko saioan Nafarroa Oinezeko lagunekin aritu gara Oinez Txokoaren inguruan, hemen xehetasunak

Herri San Ferminak elkarteak aurten O Plazan egitarau zabala antolatu du. Eragile ugari jasotzen dituen elkartea da eta gaur eragile horietako batekin aritu gara hizketan Herri San Ferminen inguruan. Entzun Zubera Huartek kontatu diguna aurtengo egitarauaren inguruan.

Eguraldiaren berri jaso dugu egunero bezelaxe gurean, Karrape irratian. Datozen ordu eta egunetako iragarpena egiten digu astean zehar egunero Joxe Landa Itziarko gainetik eta gaurkoan ere horrela egin digu. Entzun datozen orduetarako zein iragarpen egin duen

San Ferminetarako eta Leitzako Pestetarako zapiak atera digu Leitzako Aurrera KEak bertako bazkideentzat. Gaiaren inguruko informazioa jasotzeko asmoz guk Aurrera egin dugu gaurko saioan. Mikel Astibia juntako kideak horrela kontatu digu. Entzun podcast honetan.

Trikidantza taldeko Virginia Mariezkurrenarekin aritu gara gaurko saioan. Leitzarra 10 urteko etenaldia eta gero berriz ere taldean dugu abeslari. Formatu berria estreinatu du Trikidantz taldeak. Luze eta zabal aritu gara taldeko abeslariarekin eta udarako denboraldira begira ere jarri gara.