Karrape Irratia

Errigoraren udaberriko kanpaina bete betean garen honetan Leitzako Errigoraren taldera egin dugu. Amaia Asitibiarekin aritu gara hizketan kanpainaren ingururan. Besteak beste hainbat produktu iada bukatu direla kontatu digu, beraz, azkar mugitzeko eta eskaerak egiteko aipatu digu.

Herri kirolen inguruko informazioa Gabriel Saralegik ematen digu Karrape Irratian, txapelketa desberdinen ingurukoak, apostu desbedinen ingurukoak eta Herri kirolean bere osotasunean dagoen informazioa ere izaten dugu Gabrieli esker, gaur ere bisitan izan dugu gurean

Akordeoiana topaketak antolatu dituzte Leitzan Nafarroako Akordeolarien Elkartetik. Urtero Nafarroako herri desberdinetan ospatzen dituzte topaketak eta aurten apirilaren 25ean Leitzan ospatuko dituzte. Gaur Rakel Ervitirekin aritu gara hizketa gaiaren inguruan.

Enduro-Txikipest antolatu dute Leitzan martxoaren 14rako. Nahiz eta eguraldi txarra iragarri dutenez atzeratzeko aukera mahai gainean dago. Enduro-Txikipest haur eta gaztetxoei zuzendua dago eta mendi bizikletara biltzea du helburu besteak beste. Horrela kontatu ditu Pello Lizartza antolatzaileetako batek.

Fernando Urra Goñi Nafarroako Kutxa Fundazioaren Barneko Komunikazioa eta Lurraldetasuna Arduradunarekin aritu gara gaurko saioan. Innova proiektuaren inguruan. Berrikuntza batzuk ere sartu dituzte aurten. Horren inguruko infomazioa eman digu Fernando Urrak.

Ttipi ttapa aldizkariko Aitor Arozena hamabostero izaten dugu gurean, gaur ere halaxe izan da, aldizkaria hamabostekaria da ta AItorrek gurera iristen den astean ale berriak zer jasotzen duen kontatzen digu, aldi honetako ttipi ttapak hauxe guzia jasoko du

Xorroxin irratiko lagunak astero izaten ditugu asteartetan gurean gaur Julen Zelaietak egin digu Baztan, Malerreka eta Bortzirietako kronika, albiste ugari igorri dizkigu baita agenda kontu mordoska ere hona hemen gaurko kronika Xorroxin irratitik Juleneren eskutik

Plazaola Partzuergora egin dugu beste behin. Uitziko tunelean eginen dituzte obra lan batzuen inguruko informazioa eman digu Maitena Ezkutarik besteak beste. Ondorioz bi hilabetez gutxi gora behera Uitziko tunela itxita egonen da. Entzun Maitenak kontatu diguna.

Euskal Herriko Mus Txapelketan herrialdeetako finalak ospatu ziren. Nafarroan Iruñeako alde zaharreko hiru gunetan ospatu zen finala. 171 bikotek parte hartu zuten giro bikainean eta Nafarroako txapeldunak Leitzarrak suertatu ziren. Entzun antolatzaileek esandakoa.

Aresoko udaletik Bea Muro alkatea etorri zaigu gaurkoan. Informazio ugari ekarri digu alkateak gaurkoan besteak beste Areson egin nahi duten denda tabernaren proiektuaren ingurukoak aipatu dizkigu. Korrikaren bueltakoak ere izan ditugu hizpide. Entzun hemen.